Hihi Aira a Jehova nĩ Methemaga Arĩa Tene Maarĩ Amwe Ao?

Arĩa maabatithĩtio magatuĩka Aira a Jehova no rĩu matihunjagia, kana o na nĩ matigĩte kũnyitanagĩra na ithuĩ, matiĩthemagwo. Nĩ twĩrutanagĩria mũno kũmateithia nĩguo tũmarurumũre kĩĩroho.

Tũtieheragia mũndũ thiritũ-inĩ ya kĩũngano tondũ tu nĩ eka mehia maritũ. No rĩrĩ, mũira mũbatithie angĩkorũo na mũtugo wa kuuna mawatho ma Bibilia—kwa ngerekano, kũiya, kana gwĩka ciana ũũru—na aage kwĩrira, nĩ egwĩthemwo kana eherio kĩũngano-inĩ. Bibilia yugaga ũũ cararũkũ: “Eheriai mũndũ ũcio mwaganu gatagatĩ-inĩ kanyu.”—1 Akorintho 5:13.

Ĩ nake mũthũri ũrĩa weheretio thĩinĩ wa kĩũngano no mũtumia wake na ciana no Aira a Jehova? Ũkuruhanu ũrĩa mararĩ naguo wa maũndũ ma ndini nĩ ũcenjagia, no wa kĩfamĩlĩ ũrĩ o ho. Wendo wa kĩhiko na wa famĩlĩ ũthiaga na mbere o ta mũtugo.

Andũ arĩa meheretio kĩũngano-inĩ no mathiĩ na mbere gũũka mĩcemanio iitũ ya ũthathaiya. Na mangĩenda-rĩ, no maheo ũtaaro wa kĩĩmaandĩko nĩ athuri a kĩũngano. Muoroto nĩ gũteithia mũndũ ta ũcio agĩrĩre rĩngĩ gũtuĩka Mũira wa Jehova. Arĩa meheretio thĩinĩ wa kĩũngano mangĩtigana na mĩthiĩre yao mĩũru na monanie atĩ nĩ marenda gũtũũra kũringana na ithimi cia Bibilia-rĩ, nĩ maamũkagĩrũo na ngoro yothe thĩinĩ wa kĩũngano rĩngĩ.