Hihi Aira a Jehova nĩ Marutaga Gĩcunjĩ gĩa Ikũmi?

Aca. Aira a Jehova matirutaga gĩcunjĩ gĩa ikũmi; wĩra witũ ũtwarithagio na mbere na mĩhothi ya kwĩyendera na gũtianagĩrĩrũo kĩrĩa mũndũ aruta. Gĩcunjĩ gĩa ikũmi nĩ kĩĩ, na nĩ kĩĩ gĩtũmaga Aira a Jehova mage kũruta?

Watho wa kũruta gĩcunjĩ gĩa ikũmi kĩa indo iria mũndũ arĩ nacio, warĩ gĩcunjĩ kĩa Watho ũrĩa waheetwo rũrĩrĩ rwa Isiraeli. O na kũrĩ ũguo, Bibilia nĩ yonanagia wega atĩ Watho ũcio, o hamwe na wa ‘kũnganagia icunjĩ cia ikũmi’ ndũhũthĩkaga harĩ Akristiano ũmũthĩ.—Ahibirania 7:5, 18; Akolosai 2:13, 14.

Handũ ha kũruta icunjĩ cia ikũmi, Aira a Jehova megerekanagia na Akristiano a tene na makanyita mbaru ũtungata wao na njĩra ici igĩrĩ: kwĩrutĩra kũhunjia na kũrutana matekũrĩhwo, na kũruta mĩhothi ya kwĩyendera.

Nĩ ũndũ ũcio, tũrũmagĩrĩra ũtongoria ũyũ Bibilia ĩheete Akristiano: “O mũndũ nĩ eke o ta ũrĩa atuĩte ngoro-inĩ yake, no ti atekwenda kana ta arĩ kũringĩrĩrio, nĩ gũkorũo Ngai endete mũndũ ũheanaga akenete.”—2 Akorintho 9:7.