ITHOMO RĨA 56
Tũũria Ũrũmwe Kĩũngano-inĩ
Rĩrĩa twĩ hamwe na Akristiano arĩa angĩ, tũiguaga ta Mũthamaki Daudi ũrĩa woigire: “Ĩ nĩ wega atĩa, o na nĩ ũndũ wĩ gĩkeno atĩa ariũ a ithe ũmwe gũtũũrania hamwe marĩ na ũrũmwe!” (Thaburi 133:1) Ũrũmwe witũ ndwĩrehaga o ũguo, ĩndĩ o ũmwe witũ nĩ akoragwo na itemi harĩ kũũtũũria.
1. Nĩ ũndũ ũrĩkũ wa mwanya wĩgiĩ andũ a Ngai?
Ũngĩthiĩ mĩcemanio ya kĩũngano bũrũri-inĩ ũngĩ, no wage gũtaũkĩrũo nĩ rũthiomi rwao, ĩndĩ no ũigue ũrĩ mũciĩ na wendetwo. Nĩkĩ? Tondũ twĩrutaga Bibilia tũkĩhũthĩra mabuku mahaanaine kũndũ guothe. Ningĩ nĩ twĩrutanagĩria kuonania wendo. Gũtekũmakania kũrĩa tũikaraga, ithuothe “[tũkayagĩra] rĩĩtwa rĩa Jehova, [tũkamũthathaiya tũrĩ] na ũrũmwe.”—Zefania 3:9, kohoro ka magũrũ-inĩ.
2. Ũngĩteithĩrĩria atĩa gũtũũria ũrũmwe?
Bibilia yugaga ũũ: “Endanagai biũ inyuĩ ene kuuma ngoro.” (1 Petero 1:22) Ũngĩhũthĩra atĩa ũtaaro ũcio? Handũ ha gũtindanĩra na mawathe ma arĩa angĩ, roraga ngumo ciao iria njega. Handũ ha kũhũthagĩra mahinda na arĩa tu mendete maũndũ marĩa wendete, wĩrutanagĩrie kũmenya aarĩ na ariũ a Ithe witũ arĩa moimĩte mĩrerere-inĩ ngũrani. Ningĩ no twĩrutanĩrie kweheria mũthutũkanio o wothe tũngĩkorũo naguo.—Thoma 1 Petero 2:17.a
3. Wagĩrĩirũo gwĩka atĩa mũngĩaga kũiguithania na Mũkristiano ũngĩ?
Nĩ tũkoragwo na ũrũmwe, no tũtirĩ akinyanĩru. Rĩmwe no tũrakarie mũndũ kana tũrakario, o na kana tũtuurithanie. Nĩ ũndũ ũcio, Kiugo kĩa Ngai gĩtwĩraga “[tũthiĩ] na mbere . . . kuohanagĩra,” gĩgacoka gĩgatwĩra: “O ta ũrĩa Jehova aamuoheire inyuĩ eyendeire, no mũhaka mwĩkage o ũguo.” (Thoma Akolosai 3:13.) Tũhĩtagĩria Jehova maita maingĩ, na no atuohagĩra. Kwoguo erĩgagĩrĩra o na ithuĩ tuohagĩre aarĩ na ariũ a Ithe witũ. Ũngĩmenya atĩ nĩ ũhĩtĩirie mũndũ, oya ikinya rĩa na ihenya rĩa kũiguithania nake.—Thoma Mathayo 5:23, 24.b
THUTHURIA MAKĨRIA
Reke tuone maũndũ mamwe ũngĩka nĩguo ũteithĩrĩrie gũtũũria ũrũmwe na thayũ wa kĩũngano.
Wagĩrĩirũo gwĩka atĩa nĩguo ũthingate thayũ?
4. Niina mũthutũkanio
Twagĩrĩirũo kwenda aarĩ na ariũ a Ithe witũ othe. Ĩndĩ no tũritũhĩrũo nĩ kwenda mũndũ ũroneka arĩ ngũrani na ithuĩ. Nĩ kĩĩ kĩngĩtũteithia? Thomai Atũmwo 10:34, 35, mũcoke mwarĩrĩrie ciũria ici:
Jehova nĩ etĩkagĩra andũ a mĩthemba yothe matuĩke Aira ake. Ũndũ ũcio wagĩrĩirũo gũtũma ũkorũo na muonere ũrĩkũ kwerekera andũ arĩa matakoragwo na mũrerere ta waku?
Nĩ mĩthemba ĩrĩkũ ya mũthutũkanio wonaga kũrĩa ũikaraga? Wagĩrĩirũo kũmĩĩthema nĩkĩ?
Thomai 2 Akorintho 6:11-13, mũcoke mwarĩrĩrie kĩũria gĩkĩ:
Ũgwĩciria nĩ kĩĩ kĩngĩgũteithia kwenda o na makĩria aarĩ na ariũ a Ithe witũ othe?
5. Ohanagĩra wĩyendeire na ũgathingata thayũ
Jehova atuohagĩra eyendeire o na gũtuĩka gũtirĩ hĩndĩ tũkaabatara kũmuohera. Thomai Thaburi 86:5, mũcoke mwarĩrĩrie ciũria ici:
Mũhari ũyũ ũronania ũndũ ũrĩkũ wĩgiĩ wohanĩri wa Jehova?
Hihi nĩ ũkenagĩra wohanĩri wa Jehova? Nĩkĩ?
Nĩ maũndũ ta marĩkũ mangĩtũma ũkorũo ũrĩ ũndũ mũritũ gũtũũria thayũ gatagatĩ-inĩ gaitũ?
Tũngĩĩgerekania na Jehova atĩa nĩguo tũtũũrie ũrũmwe hamwe na aarĩ na ariũ a Ithe witũ? Thomai Thimo 19:11, mũcoke mwarĩrĩrie kĩũria gĩkĩ:
Mũndũ angĩkũrakaria kana akũhĩtĩrie-rĩ, ũngĩka atĩa nĩguo ũcokie thayũ?
Rĩmwe nĩ tũhĩtagĩria andũ arĩa angĩ. Hihi twagĩrĩirũo gwĩka atĩa kũngĩthiĩ ũguo? Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
Kũringana na video ĩyo-rĩ, mwarĩ wa Ithe witũ ũcio eekire atĩa nĩguo athingate thayũ?
6. Roraga ngumo njega cia aarĩ na ariũ a Ithe witũ
Nĩ ũndũ wa gũkorũo hakuhĩ na aarĩ na ariũ a Ithe witũ, nĩ tũmenyaga ngumo ciao iria njega o hamwe na mawathe mao. Nĩ kĩĩ kĩngĩtũteithia kũigaga meciria maitũ harĩ ngumo ciao iria njega? Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
Nĩ kĩĩ kĩngĩgũteithia kuonaga ngumo njega cia aarĩ na ariũ a Ithe witũ?
Jehova aroraga ngumo citũ iria njega. Thomai 2 Maũndũ ma Matukũ ma Tene 16:9a, mũcoke mwarĩrĩrie kĩũria gĩkĩ:
Kũmenya atĩ Jehova aroraga ngumo ciaku iria njega kũratũma ũigue atĩa?
O na ihiga rĩa goro rĩngĩkorũo na tũmawathe, ũndũ ũcio ndũngĩtũma rĩtige gũtuĩka rĩa goro. Ũndũ ũmwe na ũcio, aarĩ na ariũ a Ithe witũ othe ti akinyanĩru, no nĩ a bata mũno harĩ Jehova
ANDŨ AMWE MOIGAGA: “No mũhaka mũndũ ambe ahoe mũhera nĩguo ndĩmuohere.”
Twagĩrĩirũo gũkorũo twĩhaarĩirie kuohanĩra nĩkĩ?
ŨRĨA TWERUTA
No ũteithĩrĩrie gũtũũria ũrũmwe kĩũngano-inĩ na njĩra ya kuohanagĩra na kuonia aarĩ na ariũ a Ithe witũ othe wendo.
Ciũria cia gũcokera
Nĩ kĩĩ kĩngĩgũteithia kũniina mũthutũkanio?
Wagĩrĩirũo gwĩka atĩa mũngĩaga kũiguithania na Mũkristiano ũngĩ?
Wagĩrĩirũo kwĩgerekania na Jehova harĩ kuohanĩra nĩkĩ?
RIKĨRA
Rora wone ũrĩa ngerekano ĩmwe ya Jesu ĩngĩtũteithia gwĩthema gũtuagĩra arĩa angĩ.
Hihi nĩ tũrabatara kũhoya mũhera angĩkorũo tũrona ta tũtahĩtĩtie?
Rora wone ũrĩa andũ amwe merutĩte kũrũmbũiya andũ arĩa angĩ na njĩra ĩtarĩ na mũthutũkanio.
Thoma wone ũrĩa ũngĩniina ngucanio itanathũkia thayũ wa kĩũngano.
a Kohoro ga 6 Mũico-inĩ wa Ibuku kararĩrĩria ũrĩa wendo ũtũmaga Akristiano metheme gũtheremia mĩrimũ ya kũgwatanio.
b Kohoro ka 7 Mũico-inĩ wa Ibuku karĩrĩirie ũrĩa tũngĩniina mathĩna megiĩ biacara na maũndũ ma kĩĩwatho.