ITHOMO RĨA 22
Ũrĩa Ũngĩhunjia Ũhoro Ũrĩa Mwega
Weruta ũhoro wa ma ũrĩa ũrĩ Bibilia-inĩ, no ũigue ta andũ othe marabatara kũũmenya. Nĩ ma andũ othe nĩ marabatara kũũmenya, ĩndĩ no wĩtigĩre kwĩra andũ arĩa angĩ maũndũ marĩa wĩrutĩte. Reke twarĩrĩrie ũrĩa ũngĩtooria guoya ũcio na wambĩrĩirie kwĩra andũ arĩa angĩ ũhoro ũrĩa mwega ũrĩ Bibilia-inĩ.
1. Ũngĩhũthĩra njĩra irĩkũ kwĩra andũ arĩa ũĩ maũndũ marĩa wĩrutĩte?
Arutwo a Jesu mooigire ũũ: “Tũtingĩtiga kwaria ũhoro wa maũndũ marĩa tuonete na tũkaigua.” (Atũmwo 4:20) Meendete ũhoro wa ma mũno ũũ atĩ meendaga kwĩra andũ aingĩ o ũrĩa kũngĩahotekire ũhoro ũcio. Hihi o nawe nĩguo ũiguaga? Angĩkorũo nĩguo, ethaga mĩeke ya kwĩra andũ anyu na arata aku maũndũ marĩa ũreruta ũrĩ na gĩtĩo.—Thoma Akolosai 4:6.
Maũndũ mangĩgũteithia kwambĩrĩria
Ũkĩaria na mũndũ wa famĩlĩ, ambĩrĩria ndeereti ya Bibilia na kuuga: “Ndĩrerutire kaũndũ kega mũno kiumia gĩkĩ.”
Mũrata waku angĩkorũo arĩ mũrũaru kana arĩ na mĩtangĩko, muonie rĩandĩko rĩa kũmwĩkĩra ngoro.
Arĩa mũrutaga wĩra nao mangĩkũũria ũrĩa kiumia gĩaku kĩrahaanaga, meere kaũndũ ũrerutire hĩndĩ ya wĩruti waku wa Bibilia kana mũcemanio-inĩ wa kĩũngano.
Onia arata aku website ya jw.org.
Nyita ũgeni andũ angĩ moke rĩrĩa ũreruta Bibilia kana ũmonie ũrĩa mangĩhoya wĩruti wa Bibilia thĩinĩ wa jw.org.
2. Wagĩrĩirũo kwĩigĩra muoroto wa kũhunjia hamwe na kĩũngano nĩkĩ?
Arutwo a Jesu matiahunjagĩria o andũ arĩa moyaine nao tu. Jesu “[aamatũmire] marĩ erĩ erĩ mathiĩ mbere yake matũũra-inĩ mothe” makahunjie. (Luka 10:1) Kũhunjia na njĩra ĩyo ĩrĩ na mũbango, nĩ kwaheire andũ aingĩ mweke wa kũigua ũhoro ũrĩa mwega. Ningĩ arutwo nĩ maakenaga makĩhunjia marĩ hamwe. (Luka 10:17) Hihi o nawe no wĩigĩre muoroto wa kũhunjia hamwe na kĩũngano?
THUTHURIA MAKĨRIA
Reke tũthuthurie tuone ũrĩa ũngĩtooria guoya nĩguo ũgĩe na gĩkeno kĩrĩa kiumanaga na kũhunjĩria andũ arĩa angĩ ũhoro ũrĩa mwega.
3. Jehova nĩ arĩgũteithagia
Andũ amwe arĩa mendaga kũhunjia no metigĩre ũrĩa andũ arĩa angĩ mekũmona, kana ũrĩa ũhoro wao ũkwamũkĩrũo.
Hihi nĩ wĩtigĩraga kwĩra andũ arĩa angĩ maũndũ marĩa wĩrutĩte? Nĩkĩ?
Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
Andũ acio ethĩ maatooririe guoya wao atĩa?
Thomai Isaia 41:10, mũcoke mwarĩrĩrie kĩũria gĩkĩ:
Mahoya mangĩgũteithia atĩa rĩrĩa ũraigua guoya wa kũhunjia?
Hihi nĩ ũĩ?
Aira a Jehova aingĩ nĩ meetigĩraga kĩambĩrĩria-inĩ, makona ta matangĩhota kũhunjĩria andũ arĩa angĩ ũhoro ũrĩa mwega. Kwa ngerekano, Sergey aaiguaga atarĩ kĩene na ndaaragia mũno. No nĩ aacokire akĩĩruta Bibilia. Ooigire ũũ: “O na gũtuĩka nĩ ndetigĩraga, nĩ ndambĩrĩirie kwĩra andũ arĩa angĩ maũndũ marĩa nderutaga. Ũndũ ũrĩa wangegirie mũno nĩ atĩ, kũhunjĩria arĩa angĩ ũhoro wa Bibilia gwatũmaga ũmĩrĩru wakwa wongerereke. Ningĩ nĩ gwekĩraga hinya wĩtĩkio wakwa wĩgiĩ maũndũ marĩa nderutĩte.”
4. Koragwo na gĩtĩo
Ũtanahunjĩria mũndũ nĩ wega gwĩciria ũrĩa ũkũmwĩra. No nĩ wega o na makĩria gwĩciria ũrĩa ũngĩmũhe ũhoro ũcio na njĩra ĩrĩ na gĩtĩo. Thomai 2 Timotheo 2:24 na 1 Petero 3:15, mũcoke mwarĩrĩrie ciũria ici:
Ũngĩhũthĩra ũtaaro ũrĩa ũrĩ mĩhari-inĩ ĩyo atĩa rĩrĩa ũraria na andũ arĩa angĩ ũhoro wĩgiĩ Bibilia?
Andũ amwe a famĩlĩ yanyu kana arata aku no mage gwĩtĩkania nawe. Ũngĩka atĩa kũngĩthiĩ ũguo? Nĩ atĩa ũtagĩrĩirũo gwĩka?
Nĩkĩ no ũkorũo ũrĩ ũndũ mwega kũhũthĩra ciũria na njĩra ya ũũgĩ handũ ha gũtindĩkĩrĩria andũ metĩkie ũrĩa ũrameera?
5. Kũhunjia ũhoro ũrĩa mwega nĩ gũtũmaga mũndũ agĩe na gĩkeno
Jehova nĩ aaheire Jesu wĩra wa kũhunjia ũhoro ũrĩa mwega. Jesu oonaga wĩra ũcio atĩa? Thomai Johana 4:34, mũcoke mwarĩrĩrie ciũria ici:
Kũrĩa irio njega nĩ gũtũmaga tũkorũo na ũgima mwega wa mwĩrĩ na tũkorũo na gĩkeno. Nĩ kĩĩ gĩatũmire Jesu oige atĩ gwĩka wendi wa Ngai, ũrĩa nĩ hamwe na kũhunjia ũhoro ũrĩa mwega, nĩ ta kũrĩa irio?
Nĩ irathimo irĩkũ ũngĩgĩa nacio nĩ ũndũ wa kũhunjia ũhoro ũrĩa mwega?
Maũndũ ũngĩka
Hĩndĩ ya mũcemanio wa gatagatĩ-inĩ ga kiumia, caria njĩra cia kwambĩrĩria ndeereti.
Wĩigĩre muoroto wa gũtuĩka mũrutwo thĩinĩ wa mũcemanio wa gatagatĩ-inĩ ga kiumia. Tũcunjĩ twa arutwo no tũgũteithie gũkoragwo wĩhaarĩirie kwĩra andũ arĩa angĩ maũndũ marĩa ũreruta.
Hũthĩra tũcunjĩ twa “Andũ Amwe Moigaga” kana twa “Mũndũ no Orie” na “Mũndũ no Akũũrie,” kwĩmenyeria ũrĩa ũngĩcokia ciũria iria ciũragio kaingĩ.
MŨNDŨ NO AKŨŨRIE: “Ũhoro wa matukũ?”
Ũngĩhũthĩra mweke ũcio atĩa kwĩra mũndũ ũcio maũndũ marĩa wĩrutĩte kuuma Bibilia-inĩ?
ŨRĨA TWERUTA
Kũhunjia ũhoro ũrĩa mwega nĩ gũtũmaga mũndũ agĩe na gĩkeno, na no gũkorũo gũtarĩ ũndũ mũritũ ta ũrĩa mũndũ angĩciria.
Ciũria cia gũcokera
Twagĩrĩirũo kwĩra andũ arĩa angĩ ũhoro ũrĩa mwega nĩkĩ?
Ũngĩka ũguo atĩa na njĩra ĩrĩ na gĩtĩo?
Ũngĩhota atĩa gũtooria guoya o wothe ũngĩkorũo naguo wa kũhunjia?
RIKĨRA
Rora wone njĩra inya hũthũ ũngĩhũthĩra kũheana ũhoro ũrĩa mwega ũkĩhũthĩra gakandi ka jw.org.
Thoma wone maũndũ mana mangĩgũteithia kũhunjĩria andũ arĩa angĩ ũhoro ũrĩa mwega.
“Hihi nĩ Wĩhaarĩirie Gũtuĩka Mũtegi wa Andũ?” (Mũrangĩri, Septemba 2020)
Wĩrorere wone ũrĩa kĩonereria kĩa mũndũ ũgwetetwo Bibilia-inĩ kĩngĩkũhe ũmĩrĩru wa kũhunjia ũhoro ũrĩa mwega, o na angĩkorũo ũrĩ mũndũ mwĩthĩ.
Thoma wone ũrĩa ũngĩaria ũhoro wĩgiĩ Bibilia na andũ anyu arĩa materutĩte ũhoro wĩgiĩ Jehova.
“Kũhutia Ngoro cia Andũ a Famĩlĩ Citũ” (Mũrangĩri, Machi 15, 2014)