Thuuraga Maũndũ ma Gwĩkenia Marĩa Makenagia Jehova

Jehova nĩ “Ngai ũrĩa mũkeni.” (1 Timotheo 1:11) Nĩ endaga tũkorũo na gĩkeno na tũkenere ũtũũro. Nĩ akenaga hĩndĩ ĩrĩa twetha mahinda ma kũhurũka. Ithomo-inĩ rĩrĩ, nĩ tũkuona ũrĩa tũngĩhũthĩra mahinda macio na njĩra tũngĩkenera, tũigue tũiganĩire, na tũkenie Jehova.

1. Nĩ ũndũ ũrĩkũ twagĩrĩirũo kũririkana rĩrĩa tũrathuura maũndũ ma gwĩkenia?

Wendete gwĩka atĩa rĩrĩa ũhurũkĩte? Andũ amwe mendete kũhũthĩra mahinda mao ma kũhurũka marĩ kwao mũciĩ magĩthoma mabuku, magĩthikĩrĩria nyĩmbo, makĩĩrorera thenema, kana kũhũthĩra Intaneti. Angĩ nao mendete gũthiĩ gũceeranĩra na arata, gũtubĩra, kana gũthaaka mĩthaako. Maũndũ mothe tũngĩthuura gwĩkenia namo, twagĩrĩirũo gũtigĩrĩra atĩ nĩ “metĩkĩrĩkĩte nĩ Mwathani.” (Aefeso 5:10) Nĩ harĩ bata tũtaũkĩrũo nĩ ũndũ ũcio tondũ maũndũ maingĩ marĩa andũ mathuuraga gwĩkenia namo makoragwo na maũndũ marĩa Jehova athũire, ta ũhinya, ngomanio itagĩrĩire, kana maũndũ ma ndaimono. (Thoma Thaburi 11:5.) Nĩ kĩĩ kĩngĩtũteithia gũthuura maũndũ ma gwĩkenia na njĩra ya ũũgĩ?

Twathuura arata mendete Jehova, no makorũo na ũgucania mwega harĩ ithuĩ na maũndũ marĩa tũthuuraga ma gwĩkenia. O ta ũrĩa twerutire ithomo-inĩ rĩa 48, “mũndũ ũrĩa ũtwaranaga na andũ arĩa ogĩ nĩ arĩũhĩgaga.” No tũngĩnyitanagĩra na andũ matendete ithimi cia Ngai, nĩ ‘tũrĩonaga ũũru.’—Thimo 13:20.

2. Nĩkĩ nĩ harĩ bata kũrora mũigana wa mahinda marĩa tũhũthagĩra maũndũ-inĩ ma gwĩkenia?

O na angĩkorũo tũrekenia na maũndũ matarĩ moru, nĩ tũrabatara kwĩmenyerera tũtikahũthĩre mahinda maingĩ mũno maũndũ-inĩ macio ma gwĩkenia. Kwaga ũguo, no twage mahinda ma kũigana ma gwĩka maũndũ ma bata makĩria. Bibilia ĩtwĩraga atĩ ‘tũhũthagĩre mahinda maitũ wega biũ.’—Thoma Aefeso 5:15, 16.

THUTHURIA MAKĨRIA

Reke tuone ũrĩa ũngĩtua matua mega megiĩ maũndũ ma gwĩkenia.

3. Wĩtheme maũndũ moru ma gwĩkenia

Twagĩrĩirũo gũthuura maũndũ ma gwĩkenia na njĩra ya ũũgĩ nĩkĩ? Mwĩrorerei VIDEO ĩno, mũcoke mwarĩrĩrie ciũria iria irũmĩrĩire.

VIDEO: Nĩ Ũndũ Ũrĩkũ Mwega wa Gwĩkenia Naguo? (4:39)

• Maũndũ mamwe ma gwĩkenia mahaanaine atĩa na mĩthaako ya Roma ya tene?

• Kũringana na video ĩyo-rĩ, Danny eerutire ũndũ ũrĩkũ wĩgiĩ maũndũ ma gwĩkenia?

Thomai Aroma 12:9, mũcoke mwarĩrĩrie kĩũria gĩkĩ:

• Rĩandĩko rĩu rĩagĩrĩirũo gũgũteithia atĩa ũgĩthuura maũndũ ma gwĩkenia?

Nĩ maũndũ ta marĩkũ Jehova athũire? Thomai Thimo 6:16, 17 na Agalatia 5:19-21. Arĩrĩriai kĩũria gĩkĩ thutha wa gũthoma o rĩandĩko:

• Nĩ maũndũ marĩkũ magwetetwo rĩandĩko-inĩ rĩu monekaga kaingĩ ũmũthĩ maũndũ-inĩ ma gwĩkenia?

Ũrĩa ũngĩthuura maũndũ ma gwĩkenia na ũũgĩ

Wĩyũrie ũũ:

• Hihi ũndũ ũyũ wa gwĩkenia ũrĩ na maũndũ Jehova athũire?

• Hihi nĩ ũraingĩrĩra maũndũ ma bata makĩria?

• Hihi nĩ ũgũtũma nyitanĩre na andũ matendete Jehova?

Nĩ ũndũ wa ũũgĩ gũikara kũraya biũ na ũgwati o ũrĩa kũngĩhotekeka. Nĩkĩo twagĩrĩirũo gũikara kũraihu na ũndũ o wothe wa gwĩkenia ũrĩa tũrekũĩra no ũkorũo ũtarĩ mwega harĩ ithuĩ

4. Hũthagĩra mahinda maku na ũũgĩ

VIDEO: Ũhũthagĩra Mahinda Maku Atĩa? (2:45)

• O na gũtuĩka mũrũ wa Ithe witũ ũcio ũrĩ video-inĩ ĩyo ndekwĩroragĩra maũndũ moru-rĩ, thĩna wake uuma ũrĩkũ?

Thomai Afilipi 1:10, mũcoke mwarĩrĩrie kĩũria gĩkĩ:

• Rĩandĩko rĩu rĩngĩtũteithia atĩa gũtua mũigana wa mahinda marĩa tũrĩhũthagĩra maũndũ-inĩ ma gwĩkenia?

5. Thuuraga maũndũ mega ma gwĩkenia

O na gũtuĩka maũndũ mamwe ma gwĩkenia matikenagia Jehova, nĩ kũrĩ mangĩ maingĩ matamũrakaragia. Thomai Kohelethu 8:15 na Afilipi 4:8, mũcoke mwarĩrĩrie kĩũria gĩkĩ:

• Nĩ maũndũ marĩkũ mega ma gwĩkenia wendete?

ŨRĨA TWERUTA

Jehova endaga tũthuure na tũkenere maũndũ mega ma gwĩkenia.

Ciũria cia gũcokera

• Akristiano magĩrĩirũo gwĩthema maũndũ marĩkũ ma gwĩkenia?

• Twagĩrĩirũo kũrora mũigana wa mahinda marĩa tũhũthagĩra maũndũ-inĩ ma gwĩkenia nĩkĩ?

• Wagĩrĩirũo gũthuura maũndũ ma gwĩkenia marĩa makenagia Jehova nĩkĩ?

RIKĨRA

Thoma wone nũũ wagĩrĩirũo gũtũthuurĩra maũndũ ma gwĩkenia.

“Hihi Aira a Jehova nĩ Magiragia Mĩthemba Mĩna ya Thenema, Mabuku, Kana Nyĩmbo?” (Gĩcunjĩ thĩinĩ wa jw.org/ki)

Rora wone ũrĩa ũngĩtua matua mega megiĩ maũndũ marĩa ũngĩĩkenia namo.

“Maũndũ Maku ma Gwĩkenia Matariĩ Atĩa?” (Mũrangĩri, Oktomba 1, 2011)

Thoma rũgano rwa “Nĩ Ndaniinire Mũthutũkanio Ũrĩa Ndarĩ Naguo,” wone kĩrĩa gĩatũmire mũndũ ũmwe agarũrĩre maũndũ marĩa eekenagia namo.

“Bibilia nĩ Ĩgarũraga Mĩtũũrĩre ya Andũ” (wp10 02/01)

Rora wone ũrĩa mũtumia ũmwe aatuire itua rĩa ũũgĩ rĩgiĩ maũndũ ma gwĩkenia marĩa makoragwo na ngʼano ciĩgiĩ maũndũ ma ndaimono.

Wĩtheme Maũndũ ma Gwĩkenia Marĩa Marĩ na Maũndũ ma Ndaimono (2:02)