Hihi Wee nĩ Ũroraga Mbaũ ya Imenyithia Kaingĩ?

Athuri a kĩũngano na ateithia a ũtungata, na angĩ makoragwo na mawĩra ma kĩũngano, nĩ maroraga mbaũ-inĩ ya imenyithia mategũtĩrĩria nĩguo mone rĩrĩa marĩ na icunjĩ mĩcemanio-inĩ. O na kũrĩ ũguo, andũ othe thĩinĩ wa kĩũngano no mone ũhoro wa bata ho. Hihi nĩ ũĩ rĩrĩa mwagĩrĩire kũiga ũtheru Nyũmba-inĩ ya Ũthamaki? Mũrori wa mũthiũrũrũko kana wabici ya rũhonge nĩ ĩtũmĩire kĩũngano kĩanyu marũa? Nĩ ũĩ kĩongo kĩa mĩario ya andũ othe ya kiumia gĩkĩ nĩguo ũnyite ũgeni mũrutwo waku wa Bibilia? Hihi nĩ hagĩĩte na ũgarũrũku wa mĩcemanio kana gĩkundi-inĩ kĩanyu gĩa kũhunjia? Maũndũ macio rĩu matianagĩrĩrũo mĩcemanio-inĩ, na athuri no maremwo kwĩra mũhunjia ũmwe ũmwe. Kwoguo, nĩ twagĩrĩirũo kũroraga mbaũ ya imenyithia kaingĩ. Tũngĩtigĩrĩra atĩ nĩ twarora mbaũ ya imenyithia kaingĩ, maũndũ mothe no mekĩke na ‘mwĩkĩre ũrĩa wagĩrĩire na kĩhaarĩro kĩega.’—1 Kor. 14:40.