No Ũhote Kũhunjia na Kũrutana!

Kĩambĩrĩria-inĩ, Musa aarĩ na nganja kana no ahote kũhingia wĩra ũrĩa Jehova aamũheete. (Tham 4:10, 13) Nĩ ũrĩ waigua ũguo? No gũkorũo nĩ wĩrutaga Bibilia na Aira a Jehova, na nĩ wĩyũragia kana no ũhote kũhunjia nyũmba kwa nyũmba. Ningĩ no gũkorũo ũrĩ mũndũ mwĩthĩ, na nĩ wĩtigagĩra kũhunjia cukuru. Kana ũkorũo nĩ wĩtigagĩra kũnyitanĩra mahunjio-inĩ ma kũndũ kwa mũingĩ kana kũhunjia na thimũ. Thaitha Jehova akũhe hinya ũrĩa uumanaga na roho wake mũtheru. (1Pe 4:11) Korũo na ma atĩ no agũteithie kũhingia wĩra o wothe ũrĩa angĩkũhe.​—Tham 4:11, 12.

WĨRORERE VIDEO YA TUĨKA . . . MŨHUNJIA ŨRĨ NA ŨMĨRĨRU, ŨCOKE ŨCOKIE CIŨRIA ICI:

• Nĩ ũritũ ũrĩkũ Mwarĩ wa Ithe Witũ Aoyama aacemanirie naguo?

• Nĩ kĩĩ kĩamũteithirie kũgĩa na hinya na ũmĩrĩru? (Je 20:7-9)

• Aagunĩkire atĩa nĩ ũndũ wa gwĩka makĩria ũtungata-inĩ wa Jehova?

• Nĩ moritũ marĩkũ Jehova angĩgũteithia gũtooria ũtungata-inĩ?