Guoya wa Gĩkuũ​—Ũngĩũtooria Atĩa?

Macokio ma Bibilia

Nĩ twĩtigagĩra gĩkuũ tondũ nĩ thũ, na tũkoya makinya marĩa magĩrĩire nĩguo tũgitĩre mĩoyo itũ. (1 Akorintho 15:26) O na kũrĩ ũguo, andũ amwe nĩ makoragwo na guoya mũkĩru uumanĩte na morutani kana mawĩtĩkio ma maheeni na kwoguo magatũũra “mohetwo ũkombo-inĩ matukũ mao mothe.” (Ahibirania 2:15) Kũmenya ũhoro wa ma nĩ gũgũgũteithia ndũgetigĩre gĩkuũ mũno—guoya ũrĩa ũngĩtũma wage gũkenera ũtũũro.—Johana 8:32.

Ma ĩgiĩ gĩkuũ

• Arĩa makuĩte gũtirĩ ũndũ moĩ. (Thaburi 146:4) Ndwagĩrĩirũo gwĩtigĩra atĩ nĩ ũkaigua ruo kana ũherithio thutha wa gũkua tondũ Bibilia ĩringithanagia gĩkuũ na toro.—Thaburi 13:3; Johana 11:11-14.

• Arĩa makuĩte matingĩtwĩka ũũru. O na arĩa maarĩ thũ njũru, makua matikoragwo na hinya rĩngĩ. Bibilia yugaga atĩ “rũmena [rwao], o na ũiru, nĩ kũũra ciũrĩte biũ.”—Kohelethu 9:6.

• To mũhaka gĩkuũ gĩkorũo kĩrĩ mũico wa ũtũũro witũ. Ngai nĩ agaacokia muoyo arĩa makuĩte na njĩra ya kũmariũkia.—Johana 5:28, 29; Atũmwo 24:15.

• Ngai eranĩire hĩndĩ ‘gũtagacoka kũgĩa na gĩkuũ.’ (Kũguũrĩrio 21:4) Ũhoro wa hĩndĩ ĩyo, Bibilia yugaga ũũ: “Arĩa athingu nĩo makagaya thĩ, na gũtũũra mamĩtũũre o nginya tene,” mategwĩtigĩra o na hanini atĩ nĩ magaakua.—Thaburi 37:29.