Nĩ Maũndũ Marĩkũ Ũthamaki wa Ngai Ũkahingia?

Macokio ma Bibilia

Ũthamaki wa Ngai nĩ ũkeheria mothamaki mothe ma andũ ũcoke wathane thĩinĩ wa thĩ yothe. (Danieli 2:44) Ũthamaki wa Ngai warĩkia kweheria mothamaki mothe ma andũ nĩ . . .

• Ũkaniina andũ arĩa aganu, arĩa matũmĩte andũ manyamarĩke mũno. “Andũ arĩa aaganu nĩ kũrindũrũo makarindũrũo bũrũri.”—Thimo 2:22.

• Ũkaniina mbaara. “[Ngai] nĩ mũnini mbaara nginya o gĩturi gĩa thĩ.”—Thaburi 46:9.

• Ũkarehe thayũ na kũgaacĩra thĩinĩ wa thĩ. “O mũndũ . . . arĩikaraga egangarĩte o gĩtina-inĩ kĩa mũthabibũ wake, o na gĩtina-inĩ kĩa mũkũyũ wake, na gũtigĩe mũndũ wa kũmamakia.”—Micah 4:4.

• Ũkagarũra thĩ ĩtuĩke Paradiso. “Werũ, o na kũndũ kũrĩa kwagĩte andũ-rĩ, nĩgũgakena; o naruo rũngʼũrĩ no rũgakena, na rũagĩre rũmere mahũa ma nyeki-inĩ.”—Isaia 35:1.

• Ũkahe andũ wĩra mwega othe marĩkenagĩra. “Andũ akwa arĩa athure nĩmarĩkenagĩra wĩra wa moko mao ihinda iraya. Matikaruta wĩra wa tũhũ.”—Isaia 65:21-23.

• Ũkaniina mĩrimũ. “Mũndũ ũrĩa ũtũũraga bũrũri ũcio ndarĩ hingo agacoka kuuga ũũ: Ndĩ mũrũaru”—Isaia 33:24.

• Ũkeheria ũkũrũ. “Nyama cia mwĩrĩ wake igagĩĩthĩha kũrĩ cia mwana, agagĩcokererũo nĩ matukũ make marĩa ma ũnyinyi.”—Ayubu 33:25.

• Ũgaacokia muoyo arĩa makuĩte “Arĩa othe me thĩinĩ wa mbĩrĩra makaigua mũgambo wake [Jesu], na moime kuo.”—Johana 5:28, 29.