ŨTHUTHURIA INTANETI-INĨ
Ũthuthuria
INTANETI-INĨ
Gĩkũyũ
ũ
  • ĩ
  • ũ
  • BIBILIA
  • MABUKU
  • MĨCEMANIO
  • w15 9/1 kar. 3
  • Aira a Jehova Nĩa?

Hatirĩ video.

Tũrekere, nĩ hagĩa thĩna kũhingũra video ĩyo.

  • Aira a Jehova Nĩa?
  • Mũrangĩri Yanagĩrĩra Ũthamaki wa Jehova—2015
  • Ũhoro Ũhaanaine
  • Hihi Aira a Jehova nĩ Akristiano a Ma?
    Kenera Ũtũũro Tene na Tene!—Wĩrute Bibilia
  • Hihi Aira a Jehova nĩ Maringagĩrĩria Ciana Ciao o Nacio Ituĩke Aira a Jehova?
    Ciũria Andũ Moragia Kaingĩ Ciĩgiĩ Aira a Jehova
Mũrangĩri Yanagĩrĩra Ũthamaki wa Jehova—2015
w15 9/1 kar. 3
Mũtumia arorete Aira a Jehova makĩhunjia kũndũ kwa mũingĩ makĩhũthĩra gakaari

KUUMA NGOTHI-INĨ

Aira a Jehova Nĩa?

“Nĩ ndamenyete Mike kwa ihinda rĩa mĩaka mĩingĩ. Nĩ Mũira wa Jehova. No ndiataũkagĩrũo nĩ ndini ĩyo yake. Jehova nũ? Aira a Jehova magaga gũkũngũĩra thigũkũ nĩkĩ? Hihi Mike nĩ kwĩingĩria eeingĩrĩtie thĩinĩ wa gĩkundi kĩa nyamũkano?”—Becky, California, U.S.A.

“Rĩrĩa andũ twariganĩtie nao mũciĩ maambĩrĩirie kwĩruta Bibilia na Aira a Jehova, nĩ ndeeyũragia: ‘Rĩĩtwa Aira a Jehova riugĩte atĩa? Rĩtiahaanaga rĩĩtwa rĩa ndini o na hanini!’”—Zenon, Ontario, Canada.

“Tũrĩ na mũtumia wakwa tweciragia atĩ Aira a Jehova maatũceeragĩra nĩguo tũingĩre ndini-inĩ yao tondũ tũtiathiaga kanitha. No tondũ ndini iria nene na cia tene itiarĩ na kĩrĩa twacaragia, tuoonaga atĩ o na gĩkundi kĩu gĩtaamenyekaga wega kĩa Aira a Jehova gĩtingĩakorirũo na kĩrĩa twacaragia.”—Kent, Washington, U.S.A.

“Ndiamamenyaga wega o nĩa na ũrĩa metĩkĩtie.”—Cecilie, Esbjerg, Denmark.

Kwahoteka nĩ ũrĩ wamona makĩhunjia nyũmba kwa nyũmba kana kũndũ kwa mũingĩ, makĩheanaga mabuku maraarĩrĩria Bibilia, na makĩĩrutaga Bibilia na andũ hatarĩ marĩhi. O na hihi nĩ ũmwe wao ũkũheete ngathĩti ĩno. Ĩndĩ no kũhoteke nĩ wĩyũragia Aira a Jehova nĩa. Kwahoteka mawoni maku nĩ ta ma andũ acio magwetetwo hau rũgongo.

Angĩkorũo waneyũria ciũria ta icio-rĩ, nĩ kũ hihi ũngĩona macokio? Ũngĩmenya atĩa ũrĩa Aira a Jehova metĩkĩtie, kũrĩa marutaga mbeca nĩ ũndũ wa wĩra wao wa kũhunjia hamwe na kũrĩa mathathayagĩria, na kĩrĩa gĩtũmaga magũceerere gwaku mũciĩ kana magakũhunjĩria harĩa hothe ũngĩkorũo ũrĩ?

Cecilie ũrĩa ũkũgwetetwo oigire ũũ: “Nĩ ndathomaga mũno ũhoro wĩgiĩ Aira a Jehova thĩinĩ wa Intaneti. Ningĩ nĩ ndaiguaga mũhuhu na ngathikĩrĩria maũndũ maingĩ ma kũmamenereria. Ũndũ ũcio watũmire ngorũo na mawoni moru mũno megiĩ Aira a Jehova.” No thutha ũcio nĩ aaririe na Aira a Jehova na makĩmũcokeria ciũria ciake na njĩra yatũmire aiganĩre.

Hihi no wende kuona macokio ma ma megiĩ ciũria ciaku ciĩgiĩ Aira a Jehova? Tũragwĩkĩra ngoro ũmacarie kuuma kũrĩ Aira a Jehova, arĩa macabĩte ngathĩti ĩno. (Thimo 14:15) Tũrerĩgĩrĩra atĩ icunjĩ ici irũmĩrĩire nĩ igũgũteithia kũmenya ithuĩ tũrĩ a na ũrĩa twĩtĩkĩtie na ningĩ ũtaũkĩrũo wega nĩ wĩra ũrĩa tũrutaga.

    Mabuku ma Gĩkũyũ (1991-2025)
    Uma
    Ingĩra
    • Gĩkũyũ
    • Tũma
    • Thondeka
    • Copyright © 2025 Watch Tower Bible and Tract Society of Pennsylvania
    • Mawatho ma Ũhũthĩri
    • Ũigi wa Hitho
    • Mpangilio wa Faragha
    • JW.ORG
    • Ingĩra
    Tũma