‘Thiagai na Wĩtĩkio no Ti na Kuona’

Kahinda kanini thutha wa Jerusalemu gũthiũrũrũkĩrio na kwanangwo, mũtũmwo Paulo aandĩkire atĩ Akristiano marĩ thigari njega cia Kristo, no mũhaka merĩgĩrĩre moritũ na matiagĩrĩirũo kũiga mbere indo cia kĩĩmwĩrĩ na ikeno. (2 Tim. 2:3, 4) Nĩ ũndũ wa gĩcanjama kĩrĩa kĩerekeire kũniina thĩ ĩno ĩtoĩ Ngai, nĩ tũrabatara wĩtĩkio mũrũmu nĩguo tũikare tũrũmĩtie maũndũ ma kĩĩroho. (2 Kor. 4:18; 5:7) Wĩrorere video ‘Thiagai na Wĩtĩkio no Ti na Kuona.’ (Thiĩ thĩinĩ wa jw.org/ki ũrore rungu rwa MABUKU > VIDEO.) Rora wone ũrĩa kwenda mũno indo cia kĩĩmwĩrĩ gwatuĩkire mũtego harĩ Nahamu na Abitali. Thutha ũcio, etha macokio ma ciũria ici.

(1) “Kĩrĩa kĩrĩ thahu . . . kĩrũngiĩ handũ harĩa hatheru” kĩarĩ kĩĩ karine-inĩ ya mbere, na nĩ ikinya rĩrĩkũ rĩa na ihenya Akristiano arĩa maarĩ Jerusalemu maabataraga kuoya? (Mat. 24:15, 16) (2) Nĩkĩ kũũra kuuma itũũra-inĩ rĩu nĩ kwabataraga wĩtĩkio? (3) Mũndũ aabataraga kwĩima maũndũ marĩkũ nĩguo oime itũũra-inĩ? (4) Nĩ kĩĩ gĩatũmire Nahamu na Abitali marĩe marĩĩgu? (Mat. 24:17, 18) (5) Rĩrĩa Rakeli oimaga Jerusalemu-rĩ, nĩ moritũ mangĩ marĩkũ aacemanirie namo? (Mat. 10:34-37; Mar. 10:29, 30) (6) Ethani aaigire kĩonereria kĩa wĩtĩkio na gĩa kwĩhoka Jehova atĩa? (7) Akristiano maacemanirie na moritũ marĩkũ marĩ Pella? (8) Wĩtĩkio wa Nahamu na Abitali wathire ũhwererekeire atĩa? (9) Jehova aarũmbũyirie Akristiano arĩa maaikaraga Pella atĩa? (Mat. 6:33; 1 Tim. 6:6-8) (10) Tũngĩĩgerekania atĩa na Iburahimu na Sara o ũrĩa tũrakuhĩrĩria mũthia wa mũtabarĩre ũyũ? (Ahib. 11:8-10) (11) Nahamu na Abitali meeĩkĩrire ngoro atĩa macoke Jerusalemu, na nĩkĩ mwĩcirĩrie wao warĩ mũhĩtanu? (Luk. 21:21) (12) Nahamu na Abitali maacoka Jerusalemu maakorire ũtũũro ũhaana atĩa? (13) Nĩkĩ no mũhaka tũgĩe na wĩtĩkio mũrũmu rĩu, mbere ya mũthia wa mũtabarĩre ũyũ wa maũndũ ũkinyĩte?—Luk. 17:31, 32; 21:34-36.

Gũthiaga na wĩtĩkio nĩ kuuga (1) kwĩhoka ũtongoria wa Jehova, (2) gwĩtĩkĩra gũtongorio nĩwe, na (3) kuonania atĩ nĩ twendete maũndũ ma kĩĩroho gũkĩra indo cia kĩĩmwĩrĩ. Rekei tũtue itua rĩa gũthiaga na wĩtĩkio tũrĩ na ma atĩ “thĩ nĩ gũthira ĩrathira, o na mwĩrirĩrio wayo; no rĩrĩ, ũrĩa wĩkaga ũrĩa Ngai endaga, ũcio nĩ wa gũtũũra nginya tene o na tene.”—1 Joh. 2:17.