Ũrĩa Ũngĩka Nĩguo Ũririkanage Maandĩko

Hihi nĩ ũrĩ wekora ũkĩritũhĩrũo kũririkana rĩandĩko wendete? No rĩkorũo rĩrĩ rĩandĩko rĩrĩa rĩkũũmagĩrĩria, rĩgũteithagia kũhiũrania na meciria moru, kana rĩandĩko ũngĩenda gũthomera mũndũ. (Thab. 119:​11, 111) Maũndũ maya marũmĩrĩire no magũteithie kũririkanaga maandĩko.

• Hũthĩra JW Library^®. Ĩkĩra kĩongo (tag) na ũgĩĩte “Maandĩko Marĩa Nyendete,” na ũigage ho maandĩko marĩa ũngĩenda kũririkanaga.

• Iga rĩandĩko rĩu handũ ũrĩrĩonaga. Andĩka karatathi-inĩ rĩandĩko rĩrĩa ũrenda kũririkanaga, ũcoke ũkaige handũ ũrĩkonaga kaingĩ. Amwe makamandĩkagĩrĩria hakuhĩ na gĩcicio gĩa kwĩrora, nao angĩ mũrango-inĩ wa frinji. Angĩ nao mahũũraga rĩandĩko rĩu mbica, magacoka magekĩra mbica ĩyo kompiuta-inĩ kana thimũ-inĩ ciao ũndũ mangĩrĩona macihingũra.

• Thondeka tũkandi. Andĩka rĩandĩko rĩu mwena ũmwe wa gakandi, ũcoke wandĩke ciugo cia rĩandĩko rĩu mwena ũcio ũngĩ. No ũhũthagĩre tũkandi tũu kũiga maandĩko macio meciria-inĩ. Warora mwena ũrĩa wĩ na rĩandĩko, ũkageria kũririkana ciugo cia rĩandĩko rĩu; warora mwena ũrĩa wĩ na ciugo cia rĩandĩko, ũkageria kũririkana ciugo icio ciumĩte rĩandĩko-inĩ rĩrĩkũ.