Hihi nĩ Kũrĩ Ndaimono?

Macokio ma Bibilia

Ĩĩ, nĩ kũrĩ. Ndaimono nĩ “araika arĩa meehirie,” nĩo ciũmbe cia roho iria ciaremeire Ngai. (2 Petero 2:4) Shaitani Mũcukani nĩwe mũraika wa mbere gwĩtua ndaimono, na Bibilia ĩmwĩtaga “mũnene wa ndaimono.”—Mathayo 12:24, 26.

Ũremi Matukũ-inĩ ma Nuhu

Bibilia nĩ ĩtaarĩirie ũrĩa araika maaremire mbere ya Mũiyũro wa hĩndĩ ya Nuhu: “Ariũ a Ngai makĩona atĩ airĩtu a andũ nĩ athaka; magĩkĩhikia o arĩa methurĩire magatuĩke aka ao.” (Kĩambĩrĩria 6:2) Araika acio aganu, kana aremi, “magĩtiga gĩikaro kĩao kĩrĩa kĩagĩrĩire” igũrũ na makĩĩhumba mĩĩrĩ ya andũ nĩguo makomanie na atumia.—Judasi 6.

Rĩrĩa Mũiyũro wokire, araika acio aremi maatiganĩirie mĩĩrĩ ya andũ na magĩcoka igũrũ. O na kũrĩ ũguo, Ngai ndaigana kũmetĩkĩra matuĩke a famĩlĩ yake rĩngĩ. Arĩ njĩra ĩmwe ya gũciherithia, ndaimono icio nĩ ciagirĩrĩirio gũkehumba mĩĩrĩ ya andũ rĩngĩ.—Aefeso 6:11, 12.