Omapsalme
137 Otwa li omutumba komilonga daBabilon.
Otwa lila, eshi twa dimbuluka Sion.
3 Osheshi fimbo tu li oko, ovo ve tu kwata po, ove tu pula eimbilo,
Ovo tave tu sheke ova li va hala tu va ningile oiyolifa, tava ti:
“Tu imbileni po eimbilo limwe lomomaimbilo aSion.”
4 Ongahelipi hatu dulu okwiimba eimbilo laJehova
Medu lovanailongo?
5 Ngeenge onde ku dimbwa, ove Jerusalem,
Eke lange lokolulyo nali dimbiwe.*
6 Elaka lange nali kanyatele moshihokohoko shokanya kange,
Ngeenge onda kala inandi ku dimbuluka,
Ngeenge onda kala inandi pitifa komesho Jerusalem,
Oo e li etomheno lange elela lokunyakukwa.
7 Omwene Jehova,
Dimbuluka osho Ovaedom va popya, mefiku olo Jerusalem sha teka po, eshi va ti:
“Shi teyaula po! Shi teyaula po fiyo okomakanghameno asho!”
8 Omonakadona ove waBabilon, oo u li pokuhanaunwa po,
Oo ta kala a hafa oye oo te ke ku pa ondjabi
Moku ku fininika, ngaashi we tu fininika.
9 Oo ta kala a hafa oye oo ta kwata po ounona voye
Noku va denga momamanya.