Omapsalme

 2 Natu holokeni moipafi yaye* nomapandulo;

Natu imbeni nokwiingida kuye nehafo.

 3 Osheshi Jehova oye Kalunga munene,

Ohamba inene kombada yookalunga aveshe.

 4 Oule wedu ou li meke laye;

Eexulo deemhunda odaye.

 5 Efuta, olo a shita, olaye.

Nomake aye okwa ma edu likukutu.

 6 Ileni, tu longeleni Kalunga noku mu linyongamena;

Natu tweni eengolo koshipala shaJehova, Omumi wetu.

 7 Osheshi oye Kalunga ketu,

Nafye otu li ovanhu vomoufita* waye,

Eedi di li mefiloshisho laye.*

Nena eli, ngeenge omwa pwilikine kondaka yaye,

 8 Inamu kukutika omitima deni, ngaashi sha li sha ningwa puMeriba,*

Ngaashi mefiku olo va li mombuwa puMassa,*

 9 Eshi ooxokulululwa va yeleka nge;

Ova shonga nge, nonande ova li va mona oilonga yange.

“Ovo ovanhu ovo hava puka alushe momitima davo;

Inava shiiva eendjila dange.”