Oshitukulwa shovanyasha

Nghee to dulu okukondjifa omayeleko

JOSEF — OSHITUKULWA SHOTETE

Omalombwelo: Ninga edeulo eli momudingonoko wa mwena. Eshi to lesha omishangwa, kala ngeno wa fa u li oshitukulwa shoshiningwanima. Kala wa fa u wete osho tashi ningwa. Kala wa fa u udite omawi. Kala wa fa u udite omaliudo ovanhu ovo va tumbulwa mehokololo. Kungaho, ehokololo otali ka kala la mwenyopala.

Ovo tava dana onghandangala: Josef nomukulukadi waPotifar

Engongo: Josef ta kondjifa eyeleko eshi a li ta yelekwa a nangale nomukulukadi waPotifar.

1 KONAKONA OSHININGWANIMA. — LESHA GENESIS 39:1-12.

Hokolola ewapalo leumbo laPotifar eshi to li faneke momadiladilo oye.

․․․․․

Oto diladila kutya Josef okwa li e na eholokepo la tya ngahelipi? (Ediladilo: Lesha vali ovelishe 6.)

․․․․․

Omaliudo elipi u udite mewi laJosef eshi ta popi nomukulukadi waPotifar movelishe 8 no 9?

․․․․․

2 KONAKONA MOULE.

Oshike kwa li tashi dulu okukala eyeleko kuJosef aha diinine oukoshoki waye wopaenghedi? (Ediladilo: Lesha Ovafilippi 2:12, ndele to diladila konghalo yaJosef. Pashihopaenenwa, diladila kutya mbela oilyo youkwaneumbo waJosef nosho yo ovalongeli vaJehova vakwao ova li peni pefimbo opo?)

․․․․․

Omolwashike to diladila kutya Josef okwa li e wete kutya okuya moluhaelo oshi li enyono kuKalunga ngeenge pefimbo opo kapa li omhango ya tokola oluhaelo? (Ediladilo: Lesha nokudilonga komishangwa tadi landula: Genesis 2:24; 12:17, 18; Ovaroma 2:14, 15 nosho yo Ovaheberi 5:14.)

․․․․․

3 TULA MOILONGA OSHO WE LIHONGA. SHANGA OSHO WE LIHONGA KOMBINGA . . . 

Ekwatafano olo li li pokati kelipangelo nefimaneko.

․․․․․

Ouwa oo ovo hava diinine omifikamhango daKalunga dopaenghedi hava mono.

․․․․․

Omhumbwe yokudeula ‘eenghono doye dokukoneka.’ (Ovaheberi 5:14, NW)

․․․․․

OINIMA IMWE VALI OYO TAI DULU OKUTULWA MOILONGA.

Omeembinga dilipi donghalamwenyo to ka dula okukala wa tokola toko ngeenge to yelekwa uye momilele? (Ediladilo: Lesha nokudilonga komishangwa tadi landula Job 31:1; Epsalme 119:37; Ovaefeso 5:3, 4.)

․․․․․

4 OSHITUKULWA SHILIPI SHEHOKOLOLO ELI TASHI TI SHA UNENE KWOOVE, NOMOLWASHIKE?

․․․․․

Ngeenge ku na Ombibeli, oto dulu okupula Eendombwedi daJehova ile u leshe kointaneta ko-www.watchtower.org