Oshimoniwa

Ulika kutya oho kenukile ovanhu aveshe

Efiku limwe, omumwameme wokoNew Zealand okwa tala okavidio ke li mOshiingilisha “Have . . . Concern for One Another,” oko ka kundafana nghee Jehova iha udile ashike ovanhu olukeno, ndele ohe li ulike yo. (Jes. 63:​7-9) Omumwameme oo okwa li a tokola okutula moilonga osho e lihonga nokukwafela vamwe. Lwanima, efiku olo tuu olo efimbo a li ta lande oinima yaye, okwa shakeneka omukainhu oo ehena apa ha di, ndele te mu pula ngeenge ota dulu oku mu landela oikulya. Omukainhu okwa dimina. Eshi omumwameme e mu etela oikulya, okwe mu udifila pauxupi, a longifa okafo Okumona oixuna oku na ngoo efiku ku ka xule po?

Omukainhu oo okwa li a hovela okukwena. Okwa popya kutya okwa tekulwa moukwaneumbo wEendombwedi, ndele okwa li a fiya po oshili omido dihapu da pita. Ashike efimbo opo la di ko, okwa kala ta ilikana kuJehova e mu kwafele a alukile kuye. Omumwameme oo okwa li a pa omukainhu oo Ombiibeli nokwa ninga omalongekido, opo va konakone Ombiibeli.a

Ngaashi Jehova, ohatu dulu okukenukila ovanhu, mwa kwatelwa ovapambele vetu nosho yo ovamwatate novamwameme meongalo. Ohatu dulu yo okuulika olukeno mokukonga eemhito, opo tu lombwele ovanhu vakwetu kombinga yaJehova.