Edu oparadisa

Jehova ota ka hanauna po filufilu owii aushe oo Satana a longa. Jehova okwa ninga Jesus Ohamba yedu alishe. Koshi yepangelo laye, edu otali ka ningwa oparadisa. — Daniel 7:13, 14; Lukas 23:43.

Jehova ota udaneke oinima tai landula:

• OSHISHIPO SHOIKULYA: “Edu oli li po la menifa omumeno walo; fye ohatu ka punikwa kuKalunga, Kalunga ketu.” “Moshilongo namu kale oshishipo shoilya, yo i mene fiyo keexulo deemhunda.” — Epsalme 67:7; 72:16.

• KAPE NA VALI OITA: “Ileni, mu tale oilonga yOmwene, ou ta longo oitilifilonga kombada yedu. Ou ta xulifa po oita fiyo okeengaba dedu.” — Epsalme 46:9, 10.

• KAPE NA OVANHU VAI: “Osheshi ovaningi vowii otava ka kombololwa po . . . Ngenge pa pita okafimbo kaningholi, omuhenakalunga ita kala po vali, nonganga to talaatala onhele yaye, ke po vali nande.” — Epsalme 37:9, 10.

• 

  KAPE NA OMIKIFI, OLUHODI, ILE EFYO: “Opo nee omesho ovapofi otaa ka pashuka nomatwi ovafitamatwi otaa ka fituluka. Mefiku olo oshingudu otashi ka nuka ngaashi omenye nelaka laau ha kokoma, otali imbi nokukuwilila.” — Jesaja 35:5, 6.

  “Kalunga mwene ota kala pamwe navo . . . ndele ota feta po omahodi momesho avo, nefyo itali kala po vali ile oluhodi ile okulila ile ouyahame itau kala po vali, osheshi eshi shotete osha xula po.” — Ehololo 21:3, 4.

Jehova iha popi oipupulu ngaashi Satana neendemoni. Keshe osho ta udaneke oshi na okuwanifwa shili. (Lukas 1:​36, 37) Jehova oku ku hole nokwa hala u kale mOparadisa oyo ta ka ninga. Hano monafana nEendombwedi daJehova u lihonge shihapu kombinga yoshili ikumwifi oyo tai monika mEendjovo daKalunga. Ngeenge ove oto longifa oshili monghalamwenyo yoye, oto ka mangululwa moupika woipupulu, woidila, nowokuhashiiva. Hauxuuninwa, ove oto ka kala nokuli wa mangululwa moupika womatimba nefyo. Ngaashi Jesus a ti: “Ndele tamu ka shiiva oshili, noshili otai mu mangulula.” — Johannes 8:32.