OSHITWA 4

Okuninga etwalemo ofimbo ino lesha omushangwa

Mateus 22:41-45

ENGONGO: Longekida omadiladilo ovapwilikini ofimbo ino lesha omushangwa.

Diladila kutya omolwashike to leshele omushangwa. Ninga etwalemo ofimbo ino lesha omushangwa monghedi oyo tai kwafele ovapwilikini va mone oshitwa sha fimana osho wa hala va didilike mo.

Kaleka momadiladilo osho sha kundafanwa metukulwa omo mwa dja omushangwa oo to longifa. Shilipaleka kutya olyelye a popya eendjovo odo wa hala okutofa, nonokutya olye a shanga embo olo.
Ulika kutya Ombiibeli oi na eenghono. Ngeenge oto popi novanhu ovo va itavela muKalunga, ulika kutya Ombiibeli oi li Eendjovo daKalunga, noi na ounongo wa denga mbada.
Ningifa ovapwilikini va kale ve na ohokwe momushangwa. Pula epulo olo la nyamukulwa komushangwa, popya oupyakadi oo ekandulepo lao tali hangwa momushangwa ile u longife efaneko olo tali kwafele ovapwilikini va ude ko efinamhango olo tali hangwa mOmushangwa.

Kaleka momadiladilo osho ovapwilikini ve shii nale kombinga yoshikundafanwa ile yomushangwa oo wa hala okulesha. Ngeenge owa hala okupopya kombinga yomushangwa wonhumba oo u shiivike nawa, ninga etwalemo lihokwifa nokukwafela ovapwilikini voye ve u ude ko moule.