OSHITWA 7
Okupopya oinima i li paushili notai tomho
Lukas 1:3
ENGONGO: Longifa eedjo domauyelele di shii okulineekelwa opo u kwafele ovapwilikini voye va fike pexulifodiladilo li li mondjila.
NGHEE U NA OKU SHI NINGA:
Konga omauyelele meedjo di shii okulineekelwa. Eshi to popi nashi kale she likolelela kEendjovo daKalunga, noku di lesha odikilila ngeenge otashi shiiva. Ngeenge ouyelele oo to ka popya ou na sha nounongononi, neenghundana, noimoniwa ile ou na sha noinima imwe vali, shilipaleka komesho yefimbo kutya ouyelele oo owoshili nou li pefimbo.
Longifa eedjo domauyelele noukeka. Ngeenge to yelifa omushangwa, eyelifo loye nali kale li li metwokumwe netukulwa ile nembo lOmbiibeli omo we u kufa, nosho yo netumwalaka alishe lOmbiibeli noishangomwa oyo ya dja ‘komupiya omudiinini nomunaendunge.’ (Mat. 24:45) Ngeenge to tofa meedjo dimwe di lili, longifa ouyelele oo metwokumwe naasho tashi kundafanwa modjo ile nelalakano lanakushanga.
Tomhafana novapwilikini voye. Konima eshi wa lesha omushangwa ile etofwemo la dja modjo yonhumba, pula omapulo noukeka ile u longife efaneko opo u kwafele ovapwilikini voye va fike pexulifodiladilo li li mondjila.