Popya oinima oyo ovanhu ve na ohokwe muyo

Osho Jesus a ninga

OKAVIDIO: Jesus nosho yo omukainhu ve li pondungu

1. Tala OKAVIDIO, ile lesha Johannes 4:6-9. Opo nee to nyamukula omapulo taa shikula:

1. Oshike osho Jesus a li a didilika shi na sha nomukainhu, ofimbo ina hovela eenghundafana?

2. Jesus okwa ti: “Pe nge omeva okunwa.” Omolwashike oyo ya li onghedi tai pondola yokuhovela eenghundafana?

Oshike hatu lihongo kuJesus?

2. Luhapu ohatu kala tu na eenghundafana diwa, ngeenge otwa hovele noshikundafanwa osho omunhu e na ohokwe musho.

Hopaenena Jesus

3. Kala ho tifuka. Ino kala ashike wa kanyatela okuhovela eenghundafana daasho we lilongekida. Hovela eenghundafana noinima oyo ovanhu tave lipula nayo kunena. Lipula kutya:

1. ‘Oshike tashi popiwa moikundaneki?’

2. ‘Ovashiinda shange, ovanailonga pamwe naame, ile ovanafikola vakwetu otava popi kombinga yashike?’

4. Kala ho konenene. Lipula kutya:

1. ‘Oshike osho omunhu ta ningi paife? Otashi dulika te lipula kombinga yashike?’

2. ‘Oikutu yaye, eholokepo laye, ile eumbo lavo otali lombwele nge shike kombinga yaasho a itavela, ile yeputuko laye?’

3. ‘Mbela efimbo eli otali wapalele ngoo okupopya naye?’

5. Kala ho pwilikine.

1. Ino popya unene.

2. Ladipika omunhu a holole omaliudo aye. Ngeenge otashi shiiva, pula omapulo.