Kala u na elungi

Efinamhango: “Eendjovo deni nadi kale alushe donghenda.” — Kol. 4:6.

Osho Paulus a ninga

Omuyapostoli Paulus ta tomhafana nOvaatena.

OKAVIDIO: Paulus ta udifile Ovaatena

1. Tala OKAVIDIO, ile lesha Oilonga 17:22, 23. Opo nee to nyamukula omapulo taa shikula:

Paulus okwa li e uditile ngahelipi oilonga yomalongelokalunga oipupulu omuAtena? — Tala Oilonga 17:16.
Ponhele Paulus a tokole Ovaatena, ongahelipi a li a popya nelungi ta longifa osho va itavela, opo e va udifile onghundana iwa?

Oshike hatu lihongo kuPaulus?

2. Ovanhu otava ka pwilikina kufye ngeenge otwa hoolola noukeka osho hatu popi, nghee hatu shi popi nonaini tu na oku shi popya.

Hopaenena Paulus

3. Hoolola oitya yoye noukeka. Pashihopaenenwa, ngeenge to kundafana naumwe, oo ehe fi Omukriste, otashi dulika wa pumbwa okulundulula onghedi yoye yokupopya kombinga yOmbiibeli, ile yaJesus.

4. Ino endelela okupukulula omunhu. Mu pitika a holole omaliudo aye. Ngeenge okwa popi sha shi li omhinge nomahongo Ombiibeli, henuka okutwa eemhata naye. (Jak. 1:19) Ngeenge owa pwilikine kuye, oto ka shiiva osho a itavela. — Omayel. 20:5.

5. Twa kumwe naye, noku mu pandula apa tashi shiiva. Otashi dulika a kale a itavela kutya elongelokalunga laye oli li mondjila. Kendabala okukundafana naye oshinima osho amushe tamu tu kumwe nasho, ndele to mu kwafele a ude ko osho Ombiibeli tai hongo.

TALA YO

Omayel. 25:15; 2 Tim. 2:23-26; 1 Pet. 3:15