Kala omuladi

Efinamhango: “Kalunga okwe tu pa ouladi, opo tu dule oku mu udifila onghundana iwa.” — 1 Tes. 2:2.

Osho Jesus a ninga

Jesus ta lombwele Sakeus a londoloke ko komuti, osho sha kumwifa vamwe ovo va li po.

OKAVIDIO: Jesus ta udifile Sakeus

1. Tala OKAVIDIO, ile lesha Lukas 19:1-7. Opo nee to nyamukula omapulo taa shikula:

Omolwashike tashi dulika ovanhu vamwe va li va henuka Sakeus?
Oshike she linyengifa Jesus, opo e mu udifile onghundana iwa?

Oshike hatu lihongo kuJesus?

2. Otwa pumbwa ouladi, opo tu udifile ovanhu aveshe onghundana iwa.

Hopaenena Jesus

3. Lineekela Jehova. Omhepo yaKalunga oya li ya kwafela Jesus, opo a udife, naave otai dulu yoo oku ku kwafela. (Mat. 10:19, 20; Luk. 4:18) Pula Jehova e ku pe ouladi, opo u udifile ovo tashi dulika wa tila. — Oil. 4:29.

4. Ino va tokola. Otashi dulika tu ongaonge okupopya navamwe omolweholokepo lavo, ondodo yavo, onghedi yavo yokukalamwenyo, ile elongelokalunga lavo. Ashike dimbuluka kutya:

Jehova naJesus otava dulu okumona momitima davo, ndele fye itatu dulu.
Ino kala u udite kutya omunhu oo ita dulu okukwafelwa kuJehova.

5. Kala u na ouladi nosho yo efimaneko. (Mat. 10:16) Henuka okutwa eemhata. Xulifa po eenghundafana nefimaneko, ngeenge umwe ina hala okupwilikina, ile u udite uhe li meameno. — Omayel. 17:14.

TALA YO

Oil. 4:31; Ef. 6:19, 20; 2 Tim. 1:7