OMAPULO OPAMBIBELI A NYAMUKULWA
Mbela oonakufya ove na ngoo eteelelo lasha?
Efyo ola faafana neemhofi molwaashi oonakufya kave na eshi ve shii noitava dulu okuninga sha. Ndele Omushiti womwenyo ota dulu okwaalulila oonakufya momwenyo okupitila menyumuko. Opo Kalunga a ulike kutya ota dulu okuninga ngaho, okwa li a pa Jesus eenghono dokunyumunina oonakufya vahapu momwenyo. — Lesha Omuudifi 9:5; Johannes 11:11, 43, 44.
Omeityo lilipi efyo la faafana neemhofi?
Kalunga okwa udaneka kutya oonakufya ovo ve li medimbuluko laye otava ka nyumuninwa momwenyo mounyuni mupe wouyuki. Ovo tava ka nyumunwa ove li meembila natango va teelela Kalunga e ke va alulile momwenyo. Kalunga Omunaenghono adishe okwa halelela okulongifa eenghono daye opo a nyumune oonakufya. — Lesha Job 14:14, 15.
Enyumuko otali ka ningwa ngahelipi?
Eshi Kalunga ta ka nyumuna ovanhu, otava ka dula okulidimbuluka, okudimbuluka ookaume kavo nosho yo ovapambele vavo. Nonande omalutu avo okwa lika po nale keehedi, Kalunga ote ke va nyumuna nomalutu mape. — Lesha 1 Ovakorinto 15:35, 38.
Ope na omuvalu munini waavo tava nyumukile omwenyo womeulu. (Ehololo 20:6) Ovanyumunwa vahapu otava ka kala nomwenyo moparadisa kombada yedu. Otava ka hovela onghalamwenyo ipe, ve na etimaumbwile lokukala nomwenyo fiyo alushe. — Lesha Epsalme 37:29; Mateus 5:5; Oilonga 24:15.