Osho Ombiibeli tai ti
Ouhamba waKalunga oshike?
OVANHU VAMWE OVA ITAVELA KUTYA Ouhamba waKalunga oshinima shi li momutima womunhu; ofimbo vamwe hava diladila kutya oshinima osho hashi uya po omolweenghendabala odo ovanhu tava ningi opo va ete ombili kombada yedu nosho yo oumwainafana. Mbela ove oto ti ngahelipi?
OSHO OMBIIBELI TAI TI
“Kalunga ou komeulu ota ka dika ouhamba itau ka teka po fiyo alushe. . . . Ndele owo otau ka nyanyaula notau ka teyaula omauhamba aeshe [ovanhu] noku a xulifa po.” (Daniel 2:44) Ouhamba waKalunga oo epangelo lolela.
OSHIKE VALI HATU LIHONGO MOMBIIBELI?
Ouhamba waKalunga otau pangele okudja meulu. — Mateus 10:7; Lukas 10:9.
Kalunga ota ka longifa Ouhamba waye opo a wanife po ehalo laye meulu nokombada yedu. — Mateus 6:10.
Ouhamba waKalunga otau uya naini?
OTO TI NGAHELIPI?
Kape na ou e shi shii
Mafiku
Itau uya
OSHO OMBIIBELI TAI TI
“Evangeli eli louhamba otali udifilwa ounyuni aushe li ningile oiwana aishe ondombwedi, opo nee taku uya exulilo.” (Mateus 24:14) Ngeenge onghundana iwa oya udifilwa ounyuni aushe, Ouhamba otau uya u xulife po onghalelo ei youkolokoshi.
OSHIKE VALI HATU LIHONGO MOMBIIBELI?
Kape na nande oumwe kombada yedu e shii kutya onaini Ouhamba waKalunga tau uya. — Mateus 24:36.
Omaxunganeko Ombiibeli otaa ulike kutya Ouhamba ou li pokuuya. — Mateus 24:3, 7, 12.