Oshili kombinga yOuhamba waKalunga
Jesus okwa honga ovahongwa vaye va ilikane tava ti: “Tate yetu ou u li meulu, edina loye nali yapulwe. Ouhamba woye nau uye. Ehalo loye nali wanifwe yo kombada yedu ngaashi meulu.” (Mateus 6:9, 10) Ouhamba waKalunga oshike? Ohau ningi shike? Omolwashike tu na okwiilikana wu uye?
Jesus oye Ohamba yOuhamba waKalunga.
Lukas 1:31-33: “Nou na oku ka luka Jesus. Ndele ota ka kala a tumbala nota ka ifanwa Omona wOmukombadambada, na Jehova Kalunga ote ke mu pa olukalwapangelo laxe David. Ota ka pangela e li Ohamba mepata laJakob fiyo alushe, nOuhamba waye itau ka xula po.”
Jesus okwa li unene ha udifa kombinga yOuhamba oo.
Mateus 9:35: “Jesus okwa li ta talele po oilando nomikunda adishe, ta hongo meeshinagoga davo, ta udifa onghundana iwa yOuhamba nokuvelula omikifi nomaunghundi aeshe.”
Jesus okwa pa ovahongwa vaye edidiliko olo la li tali ke va kwafela va shiive kutya Ouhamba ou li pokuuya.
Mateus 24:7: “Osheshi oiwana otai ka lwifafana, omauhamba otaa ka kondjifafana, notaku ka kala ondjala nomakakamo edu keembinga neembinga.”
Ovashikuli vaJesus navo ohava udifa kombinga yOuhamba waKalunga mounyuni aushe.
Mateus 24:14: “Ndele onghundana ei iwa yOuhamba otai ka udifilwa ounyuni aushe opo ovanhu vomoiwana aishe ve i ude, opo nee exulilo tali uya.”