“Ongudu inene” yovanhu ya nyengana okuvalulwa, ya dja moiwana aishe, otai ka xupa puHarmagedon
Osho Ombiibeli tai ti
Harmagedon oshike?
Ovanhu vamwe ova itavela kutya . . .
ehanauno lounyuni aushe noilwifo yopalute ile okunyonwa kwomudingonoko. Oto diladila ngahelipi?
Osho Ombiibeli tai ti
Harmagedon onhele yopafaneko ‘yoita mefiku linene laKalunga Omunamapangelo,’ eshi ta ka lwifa omutondi. — Ehololo 16:14, 16.
Oshike vali hatu lihongo mOmbiibeli?
Kalunga ita ka lwa oita puHarmagedon opo a hanaune po edu, ashike oku li amene liha nyonaunwe kovanhu. — Ehololo 11:18.
Oita yaHarmagedon otai ka xulifa po oita aishe mounyuni. — Epsalme 46:8, 9.
Mbela oto dulu ngoo okuxupa poita yaHarmagedon?
Oto ti ngahelip?
▸ Heeno
▸ Ahowe
▸ Nghi na oushili
Osho Ombiibeli tai ti
“Ongudu inene” yovanhu va dja moiwana aishe otai ka xupa poudjuu ‘munene,’ oo tau ka xula po poita yaHarmagedon. — Ehololo 7:9, 14.
Oshike vali hatu lihongo mOmbiibeli?
Kalunga okwa hala ovanhu vahapu va ka xupe puHarmagedon. Ota ka hanauna po ashike ovakolokoshi shi li etokolo laxuuninwa. — Hesekiel 18:32.
Ombiibeli oya popya nghee hatu dulu oku ka xupa puHarmagedon. — Sefanja 2:3.