Oto dulu okumona ouwa mOshungonangelo yOshiingilisha sha pupalekwa

Paife ohapa nyanyangidwa Oshungonangelo yokukonakonwa yOshiingilisha sha pupalekwa. Oshungonangelo oyo oya nuninwa (1) ovaudifi ovapopi vOshiingilisha ovo inava hongwa; (2) ovaudifi ovo Oshiingilisha shihe fi elaka lavo loshidalelwamo; (3) ovanyasha, mwa kwatelwa naavo va hongwa; nosho yo (4) ovakonakonimbibeli ovo va pumbwa okuhongwa melaka lipu opo va dule okuuda ko oinima yopamhepo.

Eenomola doutendo vOshungonangelo oyo, omapulo noupalanyole vayo ova faafana ashike naai ikulu. Oshikalimo shado nasho osha faafana filufilu, ashike elaka laayo ipe ola pupalekwa. Nonande omukwatelikomesho wEkonakono lOshungonangelo nosho yo omuleshi otava ka kala hava longifa Eeshungonangelo edi dikulu kakele ashike ngeenge oilyo ihapu yeongalo oi na edi dOshiingilisha sha pupalekwa, mwaadi dOshiingilisha sha pupalekwa namo otamu ka kala omishangwa nomafaneko a faafana, novapwilikini otava ka dula okulandula ngeenge taku leshwa mwaadi dikulu nosho yo okuyandja omilombo davo.

Keshe oo a hala Oshungonangelo yOshiingilisha sha pupalekwa ota dulu okuya komuyakuli woifo e mu mbestelele.