Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laMei

“Mbela ope na efiku limwe wa li to lipula ngeenge ovanhu ovalunde otava dulu ngoo shili okukala ve na ekwatafano liwa naKalunga? [Teelela omunhu a nyamukule.] Onda hala oku ku ulikila oshinima shimwe shihokwifa shi na sha naasho.” Yandja Oshungonangelo yaAprili-Juni komuneumbo, ndele tamu kundafana naye ouyelele oo u li koshi yokapalanyole kotete pepandja 17. Lesheni yo omushangwa nande umwe. Opo nee, ninga elongekido u aluke vali moshikando tashi uya opo mu kundafane epulo olo la landula ko.

Oshungonangelo Mei

Ovanhu vahapu ova itavela kutya Jesus oKalunga. Ove oto ti ngahelipi? [Teelela omunhu a nyamukule.] Didilika osho Jesus a popya ye mwene shi na sha nekwatafano lavo naKalunga. [Lesha Mateus 27:46.] Jesus okwa ulika kutya vo naKalunga kave fi omunhu umwe nonokutya ondodo yaye kai fike pwaai yaKalunga eshi e mu ifana ta ti “Kalunga kange.” Moshifo eshi omu na oumbangi we likolelela kOmishangwa oo tau ulike kutya Jesus haye Kalunga.

Awake! Mei

“Konyala keshe oo twa popya naye nena okwa ti kutya okwa li a ungaungwa naye shihe li pauyuki monghedi yonhumba ile yongadi. Mbela ove oto diladila kutya ouhenouyuki onau ka xule po ngoo efiku limwe? [Teelela omunhu a nyamukule.] Natu tale exunganeko limwe li li apa olo tali popi kombinga yomupangeli umwe oo ta ka xulifa po okuhenouyuki akushe. [Lesha Epsalme 72:11-14.] Oshifo eshi otashi kundafana kombinga yomaudaneko Ombibeli oo taa ka wanifwa monakwiiwa i li popepi.”