Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laJuni

“Ovakriste vahapu ohava ninginifwa. Ndele mbela oho kala to lipula kutya oshike u na okuninga opo u kale wa wana okuninginifwa? [Teelela omunhu a nyamukule.] Tala kwaasho sha popiwa moshifo eshi.” Yandja Oshungonangelo yaAprili-Juni komuneumbo, ndele tamu kundafana naye ouyelele oo u li koshi yokapalanyole okativali pepandja 17. Lesheni yo omushangwa nande umwe. Opo nee, ninga elongekido u aluke vali moshikando tashi uya opo mu kundafane epulo olo la landula ko.

Oshungonangelo Aprili–Juni

“Mbela oho kala to lipula kutya omolwashike Kalunga a efa Omona waye a monifwe oixuna noku dipawe? [Teelela omunhu a nyamukule.] Didilika kutya Jesus okwa ti kutya okwa li e na okufya omolwetomheno lilipi. [Lesha Mateus 20:28.] Oshitukulwa osho shi li pepandja eti-7 loshifo eshi otashi yelifa kutya ongahelipi to dulu okumona ouwa mekuliloyambo laJesus.”

Awake! Juni

“Ovanhu omamiliyona mounyuni ohava kwatwa komikifi omudo keshe omolwokulya oikulya ya nyonauka ile i na oudiyo. Oikulya yomomudingonoko weni oi li monghalo ya tya ngahelipi? [Teelela omunhu a nyamukule.] Oshifo eshi osha yelifa eenghedi nhee omo hatu dulu okwaamena omaukwaneumbo etu aha kwatwe komikifi odo hadi dilile moikulya. Osha popya yo kombinga yeudaneko limwe lOmbibeli olo kutya mafiku ovanhu aveshe otava ka hafela oikulya i na oukolele.” Opo nee, lesha Epsalme 104:14, 15.