Natu hopaeneneni eitavelo lavo
1. Oshike hatu ka kundafana pEkonakonombibeli lEongalo moshivike osho tashi hovele nomafiku 19 Oktoba?
1 Moshivike shomafiku 19 Oktoba 2015, ohatu ka hovela okukonakona embo Natu hopaeneneni eitavelo lavo mekonakonombibeli leongalo. Oshishangomwa osho osha kundafana omahokololo 14 opaMbibeli ovalumenhu novakainhu veitavelo. Embo olo ola shangwa monghedi oyo tai tu kwafele tu faneke momadiladilo ovanhu ovo nokukala twafa tu va wete tava longele Jehova nonande ova taalela omashongo. Embo olo otali tu hongo yo oilihongomwa yomahokololo oo ta e tu kwafele pauhandimwe. — Heb. 6:12.
2. Hokolola kutya embo olo ola unganekwa monghedi ya tya ngahelipi.
2 Oinima oyo ya kwatelwa mo: Embo olo ola kwatela mo efimbo landulafano nosho yo okaalita oko take tu kwafele tu mone kutya onaini nopeni ovanhu va tya ngaho va li hava kala. Kakele kaasho, etukulwa keshe oli na epulo pexulilo tali ti: “Diladila komapulo taa landula . . . ,” olo tali ke tu kwafela tu dilonge komahokololo nokutula moilonga oilihongomwa oyo. Oli na yo omaluvala mawa, omauyelele nomafano a fanekwa noukeka oo taa dulu oku tu kwafela tu dilonge komahokololo.
3. Oshike tu na okuninga opo tu mone ouwa mekonakono lembo eli?
3 Nghee to dulu okumona mo ouwa: Onhumwafo oyo ya dja kOlutuwiliki i li pehovelo oye tu twa omukumo neendjovo edi: “Kala wa fa u wete oiningwanima eshi tai ningwa nokukala wa fa u udite wa kwatelwa mo pamaliudo. Kendabala okukala u udite ngaashi ovanhu ovo va popiwa mOmbibeli va li ve udite, kala yo wa fa u wete oinima oyo va li ve wete. Yelekanifa nghee va li ve linyenga keenghalo odo va li va shakeneka nanghee tashi dulika ngeno ove we linyenga.” Okukala hatu faneke oinima momadiladilo inashi hala kutya okukala hatu feekele, ndele okufaneka osho ehokololo tali ti nosho yo ovanhu ovo va kwatelwa mo. Opo tu ninge ngaho, otwa pumbwa okukonga efimbo nokudilonga. (Neh. 8:8) Ngeenge oshilihongomwa oshi li mokati ketukulwa, omukwatelikomesho oku na okulongife eesekonde 30-60 a endulule oshilihongomwa shatetekela. Ngeenge oshikundafanwa inashi kwatela mo epulo, “Diladila komapula taa landula. . ,” omukwatelikomesho na pule epulo limwe ile avali e li omapulo eendululo.
4. Omolwashike tu na okukonakona embo Natu hopaeneneni eitavelo lavo?
4 Otu li mounyuni oo wa hala okunyona po ile okunghundipaleka eitavelo letu keshe fiku meenghedi di lili noku lili. Embo eli nosho yo oitukulwa ya pambafana yalo oyo hai kala mOshungonangelo oi li oshali ya dja kuJehova opo i pameke eitavelo letu. (Jak. 1:17) Onghee hano, natu longifeni embo eli pauyadi mokukala hatu kala pEkonakonombibeli lEongalo pandjikilile nokukufa ombinga pauyadi ngaashi tashi dulika eshi hatu li kundafana meongalo.