“Ovanhu aveshe kombada yedu ova li hava popi elaka limwe”

11:1-4, 6-9

Jehova okwa li e lihanifa ovanhu muBabel ovo ihava dulika nokudongakanifa elaka lavo. Kunena ota ongele ongudu inene yovanhu va dja moiwana nomomalaka aeshe noku va pa ‘[elaka, NW] la koshoka’ opo va “ifane edina lOmwene, ndele ve mu longele, ve nediladilo limwe.” (Sef 3:9; Eh 7:9) ‘Elaka la koshoka’ olo oshili kombinga yaJehova nosho yo omalalakano aye oo taa hangwa mOmishangwa.

Okulihonga ekala lipe okwa kwatela mo shihapu shihe fi ashike okulihonga momutwe oitya ipe. Otashi pula okulihonga onghedi ipe yokudiladila. Sha faafana, eshi hatu lihongo elaka la koshoka loshili, otu na okulundulula omadiladilo etu. (Rom 12:2) Osho oshinima tashi twikile notashi hanganifa oshiwana shaKalunga. — 1Ko 1:10.