Nghee tu na okulongifa oihopaenenwa yeenghundafana

Okudja muJanuali 2018, kombada yokafo Onghalamwenyo yopaKriste noilonga yokuudifa — Okafo kokulongifwa pokwoongala okwa kala ku na oihopaenenwa yeenghundafana. Ongahelipi hatu dulu oku i longifa?

Ngeenge wa pewa oshipopiwa: Ou na okulongifa epulo, omushangwa nosho yo epulo lomoshikando tashi landula ko olo li li moshihopaenenwa sheenghundafana. Ashike osho inashi hala kutya ou na okulongifa oitya ya faafana filufilu naayo ya longifwa mokavidio koshihopaenenwa sheenghundafana. Oto dulu okulongela konghalo imwe i lili, okulongifa etwalemo li lili, onghedi yokutomhafana i lili nosho tuu. Oto dulu yo okuyandja oshishangomwa okudja mOshikefa shetu shokuhonga, nonande inashi popiwa kondadalunde momalombwelo oye.

Ngeenge tu li moukalele: Oihopaenenwa yeenghundafana oya nuninwa oku tu kwafela. Ngeenge omunhu okwa ulika ohokwe nokwa hala okushiiva shihapu, oto dulu okutwikila eenghundafana tashi dulika to longifa oshihopaenenwa sheenghundafana shelishuneko. Oto dulu okulundulula oshihopaenenwa sheenghundafana ile u longife etwalemo limwe li lili. Mbela oshikundafanwa shomwedi wa dja ko ile omushangwa umwe u lili oo hau kumu ovanhu neenghono moshitukulwa sheni? Mbela ovanhu vomoshitukulwa sheni ove na ohokwe moshiningwanima shonhumba osho tashi ningwa moshitukulwa sheni? Kashi na nee mbudi kutya owa hoolola okulongifa oihopaenenwa yeenghundafana momukalo wa tya ngahelipi, elalakano loye nali kale ‘okuninga keshe shimwe omolwonghundana iwa opo u i udifile ovanhu vakweni.’ — 1Ko 9:22, 23.