Nghee to dulu okuhovela eenghundafana to longifa oufo

Okudja muJanuali 2018, kombada yokafo Onghalamwenyo yopaKriste noilonga yokuudifa okwa kala ku na oihopaenenwa yeenghundafana. Otwa kala hatu ladipikwa tu yandje elitulemo kokuhovela eenghundafana novanhu ponhele yokuyandja ashike oileshomwa. Opo ovaudifi va kwafelwe va lundulule omatwalemo avo, ouvidio voihopaenenwa yeenghundafana ova ulika nghee tava dulu okuhovela eenghundafana tava longifa ashike Ombiibeli. Mbela osho osha hala okutya katu na okulongifa oileshomwa eshi hatu udifa eumbo neumbo? Hasho nandenande! Pashihopaenenwa, ohatu dulu okuhovela eenghundafana nomupondo hatu longifa oufo. Ohatu dulu okulongifa eenghedi tadi shikula eshi hatu yandje okafo keshe:

1. Pula epulo olo li li kombada yokafo.

2. Ulika enyamukulo lopaMbiibeli olo tali hangwa momushangwa oo u li pombada yepandja etivali. Ngeenge efimbo otali shi pitike, lesha nokukundafana ouyelele umwe oo u li meni lokafo..

3. Yandja okafo komuneumbo, ndele to mu ladipike e ka leshe akeshe nefimbo laye.

4. Fimbo ino ya, mu ulikila epulo olo li li koshi yokapalanyole “Diladila kombinga yaashi,” ndele to ningi elongekido u aluke u li nyamukule moshikando tashi uya.

Ngeenge owa shuna ko, kundafaneni epulo olo wa li we mu fiila, ndele to fiye po vali epulo limwe olo tamu uya mu kundafane moshikando tashi landula. Oto dulu okuhoolola epulo ko-website ile moshishangomwa osho sha ulikwa kombada yokafo. Ngeenge omhito otai wa palele oto dulu okuyandja okambo Onghundana iwa ile oshishangomwa shimwe vali shokukonakona osho shi li mOshikefa shetu shokuhonga.