Longifa embo Nghee to dulu okuhafela onghalamwenyo fiyo alushe! moukalele

Inatu tunhukwa tuu eshi tu na okambo nosho yo embo lipe lokuninga omakonakonombiibeli! Ohatu ilikana Jehova a nangeke noupuna eenghendabala detu opo tu dule okuninga ovanhu vahapu ovahongwa. (Mat 28:18-20; 1Ko 3:6-9) Otu na okulongifa ngahelipi oilongifo oyo ipe?

Molwaashi oshishangomwa Nghee to dulu okuhafela onghalamwenyo fiyo alushe! osha nuninwa okuninga eenghundafana dopaMbiibeli monghedi ipe, landula omalombwelo taa shikula, eshi to lilongekida nokuninga omakonakonombiibeli.a

• Lesha ouyelele nokukundafana omapulo

• Lesha omishangwa odo da shangwa “lesha”, ndele to kwafele omukonakoni a ude ko nghee di na okutulwa moilonga

• Dana nokukundafana ouvidio, to longifa omapulo oo e li moshishangomwa

• Kendabala okumana ko oshileshwa keshe poshikando shimwe

Moukalele, pa tete omuneumbo okambo opo u tale ngeenge oku na ohokwe. (Tala oshimhungu “Nghee to dulu okuyandja okambo Nghee to dulu okuhafela onghalamwenyo fiyo alushe! petalelepo lotete.”) Ngeenge omwa mane ko okukonakona okambo pamwe, ndele omukonakoni okwa hala okutwikila, mu pa embo, ndele tamu hovele noshileshwa 04. Ngeenge oho konakona nale naumwe membo Lihonga mOmbiibeli ile Nghee to dulu okulikaleka mohole yaKalunga, taulukileni kembo Nghee to dulu okuhafela onghalamwenyo fiyo alushe!, ndele to tale kutya openi mu na okuhovela.

TALENI OKAVIDIO OTO HAMBELELWA KEKONAKOMBIIBELI, NDELE TAMU KUNDAFANA OMAPULO TAA SHIKULA:

• Ovakonakoni otave ke lihonga shike membo eli lipe?

• Omolwashike u na okuulikila ovakonakoni vape okavidio oko?

• Omalalakano elipi u na okweenda to ladipikile omukonakoni e litulile po noku a hange? — Tala omusholondodo “Osho u na okuyandja elitulemo kusho nomalalakano oo u na okulitulila po moshitukulwa keshe.””