Eetepo li na sha nokukonakona
Lihonga “omaimbilo opamhepo” momutwe
Lorraine, woko-U.S.A., okwa ti: “Ngeenge handi kondjo nomaliudo okukala ndi udite ndihe na oshilonga, Jehova oha tu nge omukumo okupitila momaimbilo oko-JW Broadcasting®.”
“Omaimbilo opamhepo” okwa kala alushe e li oshitukulwa shelongelokalunga lopaKriste. (Kol. 3:16) Ngeenge owe lihongo omaimbilo oo momutwe, otaa dulu oku ku kwafela nokuli nonande ku na embo leimbilo, ile oshikwaelektronika. Kendabala omaetepo taa shikula oo tae ku kwafele u lihonge momutwe omaimbilo.
Lesha noukeka eendjovo deimbilo, opo u ude ko eityo lado. Oho dimbuluka noupu ouyelele wonhumba, ngeenge otau ti sha kwoove. Eendjovo adishe domaimbilo etu, mwa kwatelwa omaimbilo oko-JW Broadcasting nosho yo omaimbilo ounona, oko di li ko jw.org. Tala koshi yoshipalanyole Library, ndele to i opo pa shangwa Omusika.
Shanga eendjovo deimbilo pombapila. Ngeenge owa ningi ngaho, otashi ke ku kwafela u a dimbuluke. — Deut. 17:18.
Lideula po to imbi mokule. Lesha, ile u imbe lwoikando eimbilo.
Tala kutya oto dimbuluka shi fike peni. Kendabala okudimbuluka eendjovo nopehe na okutala meimbilo, nokutala kutya owe shi endifa ngahelipi.