Ovanhu ovo va hala okuhafifa Jehova, ohava ningi omatokolo opandunge

Lesha Genesis 25:​29-34 u lihonge ngeenge Esau naJakob ova li va ninga ngoo omatokolo opandunge.

Lihonga shihapu moshikundafanwa. Oshike sha ningwa po tete? (Gen. 25:​20-28) Oshike sha ka ningwa po konima yaasho? — Gen. 27:​1-46.

Ninga omapekapeko e na sha nouyelele wa wedwa po. Pefimbo olo, omonamati woshiveli okwa li ha kala e na omaufembanghenda elipi noinakuwanifwa ilipi? — Gen. 18:​18, 19; w10-E 5/1 13.

• Mbela omaufembanghenda oo alushe okwa li haa kala a kwatela mo okukala xekulululwa yaMessias? (w17.12 14-15)

Diladila kombinga yoinima oyo we lihonga noku i tula moilonga. Omolwashike omaufembanghenda okukala oshiveli a li a fimanenena kuJakob shi dulife kuEsau? (Heb. 12:​16, 17; w03-E 10/15 28-29) Jehova okwa li e uditile ngahelipi ovamwainamati ovo vavali, nomolwashike? (Mal. 1:​2, 3) Esau okwa li ta dulu okuninga po shike, opo a ninge omatokolo e li pandunge?

• Lipula kutya, ‘Ongahelipi handi dulu okuulika kutya onda lenga oinima yopamhepo momalipyakidilo ange oshivike keshe, ngaashi ngeenge handi ningi elandulafano lelongelokalunga loukwaneumbo?’