Lihonga u na elalakano lokulombwela vamwe osho we lihonga

Ohatu mono ouwa ngeenge hatu konakona Ombiibeli, ashike ohatu mono ouwa unene ngeenge hatu lombwele vamwe oinima, oyo twe lihonga noye tu kwafela tu ehene popepi naJehova. Omayeletumbulo 11:25 okwa ti: ‘Oo ha tulumukifa vamwe ota ka tulumukifwa.’

Ngeenge otwa lombwele vamwe osho twe lihonga, otashi ke tu kwafela tu dimbuluke noupu oitwa oyo twe lihonga, nohatu ka kala tu na eudeko lomoule. Molwaashi oitwa oyo otai dulu okukwafela vamwe, ohashi tu ningifa tu kale twa hala okulombwela vamwe osho twe lihonga. — Oil. 20:35.

Kendabala okuninga ngaha: Moshivike tashi uya, konga omhito u lombwele vamwe osho we lihonga. Oto dulu okulombwela omupambele woye, umwe meongalo leni, omunailonga pamwe naave, omunafikola pamwe naave, omushiinda shoye, ile umwe oo wa shakeneka moukalele. Kendabala oku va lombwela noitya yoye mwene, i li paunafangwa noya yela.

Dimbuluka: Lombwela vamwe osho we lihonga, to shi ningi opo u va twe omukumo, ndele hanelalakano lokuliulika. — 1 Kor. 8:1.