OSHILESHWA 26
Omolwashike ovanhu hava ningilwa oinima ii nokumona oixuna?
Ngeenge pa holoka omaupyakadi, oshi li paushitwe komunhu a pule kutya, “Omolwashike ndi na okumona oixuna ngaha?” Inatu hafa tuu eshi Ombiibeli ya nyamukula epulo olo monghedi ya yela!
1. Satana okwa ninga po shike, opo mounyuni mu kale mu na oinima ii?
Satana Ondiaboli okwa tukululila Kalunga oshibofa. Okwa li a hala okupangela ovanhu, onghee okwa li a nwefa mo ovanhu votete, Adam naEva, ve mu waimine mounashibofa waye. Okwa ninga ngaho eshi a lombwela Eva oipupulu. (Genesis 3:1-5) Okwa ningifa Eva a diladile kutya Jehova ine mu halela oshinima shonhumba shiwa. Okwa ti kutya ovanhu otava ka kala va hafa, ngeenge inava dulika kuKalunga. Okwa popya oipupulu yotete eshi a lombwela Eva kutya ita ka fya. Nomolwaasho Ombiibeli ya ifana Satana kutya “omunaipupulu naxe yayo.”— Johannes 8:44.
2. Adam naEva ova li va hoolola okuninga shike?
Jehova okwa li a pa Adam naEva keshe shimwe. Okwa ti kutya otava dulu okulya komiti adishe domoshikunino shaEden, kakele kuumwe. (Genesis 2:15-17) Ashike ova li va tokola okulya komuti oo wa dilikwa. Eva “okwa kufa oiimati yao ndele ta li.” Lwanima, Adam naye “okwa lya.” (Genesis 3:6) Aveshe inava dulika kuKalunga. Molwaashi Adam naEva ova li va wanenena, ova li tava dulu okulonga osho shi li mondjila. Ashike kava li va dulika kuKalunga, ova li va nyona nova ekelashi ounamapangelo waye. Etokolo olo ola li le va etela okumona oixuna kuhapu.— Genesis 3:16-19.
3. Etokolo laAdam naEva ole tu kuma ngahelipi?
Eshi Adam naEva va nyona, kava li vali va wanenena, noludalo lavo alishe ola fyuulula okuhawanenena kwavo. Ombiibeli oya popya shi na sha naAdam ya ti: “Oulunde owe uya mounyuni okupitila momunhu umwe, nefyo ole uya omolwoulunde, onghee ovanhu aveshe ohava fi.”— Ovaroma 5:12.
Ohatu mono oixuna omolwomatomheno a yoolokafana. Omafimbo amwe ohatu mono oixuna omolwomatokolo mai oo twa ninga. Peemhito dimwe, ohatu mono oixuna omolwomatokolo mai avamwe. Nomafimbo amwe ohatu mono oixuna omolwoiningwanima yombadilila.— Lesha Omuudifi 9:11.
KONAKONA MOULE
Konakona kutya omolwashike taku dulu okutiwa Kalunga haye ha etifa oinima ii nokumona oixuna oko ku li mounyuni kunena, nanghee ha kala e udite, ngeenge hatu mono oixuna.
4. Omunhu oo ha etifa okumona oixuna kwetu
Ovanhu vahapu ova itavela kutya Kalunga oye ta pangele ounyuni aushe. Mbela osho oshoshili? Dana OKAVIDIO.
Lesha Jakob 1:13 nosho yo 1 Johannes 5:19, ndele tamu kundafana epulo tali shikula:
Mbela Kalunga oye ha etifa okumona oixuna nosho yo owii?
5. Konakona oidjemo oyo ya etifwa po eshi Satana a hovela okupangela
Lesha Genesis 3:1-6, ndele tamu kundafana omapulo taa shikula:
Oipupulu ilipi Satana a popya?— Tala ovelishe 4 nosho yo 5.
Ongahelipi Satana a lundila Jehova kutya ka li a halela ovanhu ouwa wonhumba?
Satana okwe shi ulika ngahelipi kutya okwa li a hala okutya ovanhu inava pumbwa epangelo laJehova, opo va kale va hafa?
Lesha Omuudifi 8:9, ndele tamu kundafana epulo tali shikula:
Okutala kefimbo olo ounyuni wa kala itau pangelwa kuJehova, oshike sha ningwa po?
Adam naEva ova li va wanenena nova li mOparadisa. Ashike ova li va pwilikina kuSatana, ndele tava tukululile Jehova oshibofa
Konima younashibofa oo, mounyuni omwa kala mu yadi oulunde, okumona oixuna nefyo
Jehova ota ka xulifa po oulunde, okumona oixuna nefyo. Ovanhu otava ka kala vali va wanenena notava ka kala mOparadisa
6. Jehova oha kala e na ko nasha nafye, ngeenge hatu mono oixuna
Mbela Kalunga oha kala ngoo e na ko nasha nafye, ngeenge hatu mono oixuna? Tala osho ohamba David nomuyapostoli Petrus va shanga. Lesha Epsalme 31:7 nosho yo 1 Petrus 5:7, ndele tamu kundafana epulo tali shikula:
Ou udite ngahelipi, eshi u shii kutya Jehova oha kala e na ko nasha nafye nohe shi didilike, ngeenge hatu mono oixuna?
7. Kalunga ota ka xulifa po okumona oixuna akushe kwovanhu
Lesha Jesaja 65:17 nosho yo Ehololo 21:3, 4, ndele tamu kundafana epulo tali shikula:
Omolwashike tashi hekeleke okushiiva kutya Jehova ota ka xulifa po oidjemo aishe oyo hai etifwa koinima ii oyo ovanhu hava ningilwa?
Owe shi shiiva tuu?
Satana okwa lundila Jehova, eshi a popya oipupulu yotete, sha hala okutya, okwa nyona po edina laJehova liwa e li omupangeli omuyuki nomunahole. Jehova ota ka yapulifa edina laye, eshi ta ka xulifa po okumona oixuna kwovanhu monakwiiwa i li popepi. Sha hala okutya, ota ka ulika kutya epangelo laye olo la denga mbada. Okuyapulifa edina laJehova oko oshinima sha fimanenena meshito alishe.— Mateus 6:9, 10.
VAMWE OHAVA TI: “Okumona oixuna oku li oshitukulwa shelalakano laKalunga.”
Oto ka nyamukula ngahelipi?
ENGONGO
Satana Ondiaboli nosho yo ovanhu vavali votete ovo unene va etifa oinima ii mounyuni. Jehova oha kala e na ko nasha nafye, ngeenge hatu mono oixuna, note ke i xulifa po mafiku.
Eendululo
Oipupulu ilipi Satana Ondiaboli a lombwela Eva?
Ounashibofa waAdam naEva owe tu kuma ngahelipi?
Otu shi shii ngahelipi kutya Jehova oha kala e na ko nasha nafye, ngeenge hatu mono oixuna?
TALA OUYELELE WA WEDWA PO
Lihonga osho Ombiibeli ya popya kombinga youlunde.
Lihonga shihapu kombinga yomhata oyo ya etifwa po kuSatana Ondiaboli moshikunino shaEden.
“Omolwashike Kalunga a efa okumona oixuna ku kale po?” (Oshungonangelo, 1 Januali 2014)
Konakona omanyamukulo taa hekeleke epulo olo lidjuun.
Tala osho omulumenhu umwe e lihonga kombinga yokumona oixuna oko a mona momudingonoko waye.