3. Eendombwedi daJehova ohadi hopaenene ngahelipi ohole yaJesus?

Jesus okwa li e hole ovahongwa vaye neenghono, nova li ashike va fa oilyo youkwaneumbo umwe. (Lesha Markus 3:35.) Sha faafana, Eendombwedi daJehova oda hangana nodi li oukwaneumbo womounyuni aushe. Nomolwaasho hatu liifana ovamwatate novamwameme. (Filemon 1, 2) Ohatu dulika yo koshipango osho tashi ti: “Kaleni mu hole ovamwatate aveshe.” (1 Petrus 2:17) Eendombwedi daJehova ohadi ulike ohole ya tya ngaho meenghedi dihapu, ngaashi mokukwafela ovaitaveli vakwao mounyuni aushe, ngeenge va pumbwa ekwafo.

6. Ngeenge otwa ninginifwa, ohatu ka ninga oshitukulwa shoukwaneumbo waJehova

Ngeenge otwa ninginifwa, ohatu ka ninga oshitukulwa shoukwaneumbo wa hangana womounyuni aushe. Nonande otwa dja keenhele nomomaputuko a yoolokafana, atushe otwa itavela oinima ya faafana nohatu kala metwokumwe nomifikamhango dopaenghedi da faafana. Lesha Epsalme 25:14 nosho yo 1 Petrus 2:17, ndele tamu kundafana epulo tali shikula:

• Okuninginifwa ohaku kumu ngahelipi ekwatafano loye naJehova nosho yo naavo have mu longele?

Ngeenge tu li nOvakriste vakwetu, ohatu kala tu udite ngaashi ohamba David, eshi ya ti: “Oshiwa nosha wapala shi fike peni, ovamwaxe ngeenge tava kala kumwe nombili.” (Epsalme 133:1) Ndele oukumwe wetu ihau uya po ashike ngahenya. Keshe umwe womufye ota dana onghandangala, opo oukumwe wa tya ngaho u kale po.

1. Oshike shididilikwedi shi na sha noshiwana shaKalunga?

Ngeenge owa ongala pamwe nEendombwedi daJehova moshilongo shimwe shi lili, otashi dulika uha kale u udite elaka lomoshilongo osho, ashike ito kala u udite wa kana. Omolwashike mbela? Omolwaashi ohatu konakona Ombiibeli hatu longifa oishangomwa ya faafana keshe pamwe. Nohatu ningi yo eenghendabala ngaashi hatu dulu, opo tu ulikilafane ohole. Kashi na nee mbudi kutya ohatu kala peni, atushe ohatu ‘ifana edina lOmwene, noku mu longela, tu na ediladilo limwe.’— Sefanja 3:9.

2. Oshike to dulu okuninga po, opo u xumife komesho oukumwe?

Ombiibeli oya ti: “Kaleni mu holafane tashi di komutima.” (1 Petrus 1:22) Ongahelipi to dulu okutula moilonga omayele oo? Ponhele yokuyandja elitulemo kokuhawanenena kwavamwe, kala ho yandje elitulemo komaukwatya avo mawa. Ponhele yokukala ho endafana ashike naavo ve hole oinima oyo u hole, kendabala okushiiva ovamwatate novamwameme ovo va dja momaputuko e lili. Otwa pumbwa yo okulonga noudiinini tu efe po okatongo koludi keshe, oko tashi dulika tu na.— Lesha 1 Petrus 2:17.a

3. Oshike u na okuninga po, ngeenge muhe uditafane nOmukriste mukweni?

Oshoshili kutya otwa hangana, ashike inatu wanenena. Omafimbo amwe, ohatu ningafana nai navakwetu, ile okunyematekafana. Onghee Eendjovo daKalunga oda ti: ‘Twikileni okudiminafana po.’ Oda weda ko vali da ti: “Ngaashi Jehova he mu dimine po nehalo liwa, nanye yo osho mu na okuninga.” (Lesha Ovakolossi 3:13.) Ohatu udifa nai Jehova lwoikando ihapu, ndele nande ongaho, ohe tu dimine po. Onghee okwa teelela yo tu kale hatu dimine po ovamwatate. Ngeenge owa didilike kutya owa udifa nai umwe, ninga eenghendabala mu pongolole po oupyakadi.— Lesha Mateus 5:23, 24.b

KONAKONA MOULE

4. Finda okatongo

Otwa hala okukala tu hole ovamwatate novamwameme aveshe. Ashike omafimbo amwe, otashi dulika tu mone shidjuu okutambula ko umwe, oo ta monika a fa e na omaukwatya a yooloka ko kwaao etu. Oshike tashi dulu oku tu kwafela? Lesha Oilonga 10:34, 35, ndele tamu kundafana omapulo taa shikula:

• Jehova okwa tambula ko ovanhu ve li Eendombwedi daye okudja momaludi aeshe. Ongahelipi osho tashi dulu okukuma etaleko loye li na sha navamwe, ovo va dja momaputuko a yooloka ko kuloye?

• Oludi lokatongo lilipi li li apeshe moshitukulwa sheni, olo wa hala okuhenuka?

Lesha 2 Ovakorinto 6:11-13, ndele tamu kundafana epulo tali shikula:

• Ongahelipi to dulu okukala u hole ovamwatate novamwameme, ovo va dja momaputuko a yooloka ko kuloye?

5. Kala ho dimine po nehalo liwa nokupanga ombili navamwe

Jehova ohe tu dimine po nehalo liwa, nonande ye ina pumbwa ediminepo letu. Lesha Epsalme 86:5, ndele tamu kundafana omapulo taa shikula:

• Jehova ohe tu dimine po shi fike peni?

• Omolwashike wa pandula eshi he tu dimine po?

• Eenghalo dilipi tashi dulika di shi ningife shidjuu kufye okupanga ombili navamwe?

Ongahelipi hatu dulu okuhopaenena Jehova nokukala moukumwe novamwatate novamwameme? Lesha Omayeletumbulo 19:11, ndele tamu kundafana epulo tali shikula:

• Ngeenge umwe okwe ku udifa nai, ile e ku nyemateka, oshike to dulu okuninga po, opo u xwepopaleke onghalo?

Omafimbo amwe ohatu nyemateke vamwe. Ngeenge osho osha ningwa, mbela oshike tu na okuninga po? Dana OKAVIDIO, ndele tamu kundafana epulo tali shikula.

OKAVIDIO: Okupanga ombili ohashi eta omanangeko noupuna (6:01)

• Ngaashi twa tala mokavidio, oshike osho omumwameme a ninga po, opo a pange ombili?

6. Kala ho yandje elitulemo komaukwatya mawa ovamwatate novamwameme

Ngeenge otwa shiiva nawa ovamwatate novamwameme, ohatu shiiva yo omaukwatya avo mawa nosho yo omaunghundi avo. Ongahelipi hatu dulu okuyandja elitulemo komaukwatya avo mawa? Dana OKAVIDIO, ndele tamu kundafana epulo tali shikula.

OKAVIDIO: Kala Omukriste e na omaukwatya mawa! (5:10)

• Oshike tashi dulu oku ku kwafela u kale ho yandje elitulemo komaukwatya mawa ovamwatate novamwameme?

Jehova oha yandje elitulemo komaukwatya etu mawa. Lesha 2 Omafimbo 16:9a, ndele tamu kundafana epulo tali shikula:

• Mbela oho kala u udite ngahelipi, eshi u shii kutya Jehova oha yandje elitulemo komaukwatya oye mawa?

ENGONGO

Oto dulu okuxumifa komesho oukumwe meongalo mokukala ho dimine po nokuulikila ohole ovamwatate novamwameme aveshe.

Eendululo

• Ongahelipi to dulu okweefa po okatongo?

• Oshike to dulu okuninga po, ngeenge muhe uditafane nOmukriste mukweni?

• Omolwashike wa hala okulandula oshihopaenenwa shaJehova shokudimina po vamwe?

TALA OUYELELE WA WEDWA PO

Lihonga nghee efaneko limwe laJesus tali dulu oku tu kwafela tu henuke okutokola vamwe.

Kufa mo tete endangalati meisho loye (6:56)

Mbela otwa pumbwa ngoo okuyandja ombili, ngeenge otu udite kutya inatu ninga sha sha puka?

“Onghedi ya denga mbada yokupanga oukaume oyo okuyandja ombili” (Oshungonangelo, 1 Novemba 2002)

Tala nghee ovalumenhu vavali, ovo va kulila moshilongo omo mwa li mu na oukwamuhoko, ve lihonga okukala ve holafane.

Johny naGideon: Eshi va li ve litonde, paife ovamwatate (6:42)

Lihonga eenghedi omo to dulu okupongolola po okuhaudafana navamwe, ofimbo inaku nyona po ombili yeongalo.

“Pongolola po okuhaudafana nombili” (Oshungonangelo, Mei 2016)