Eetepo li na sha nokukonakona

Lihonga shihapu kombinga yomaukwatya aJehova a denga mbada

Ngeenge hatu lesha Ombiibeli, ohatu dulu okuninga omapekaapeko, opo tu ude ko nawa osho hatu lesha. Ndele inatu hala ashike okukonakona, opo tu hapupalife eshiivo letu lOmbiibeli. Otwa hala okumona omamona opamhepo kombinga yomaukwatya aJehova, oo taa hapupalifa ohole yetu yoku mu hola. Opo tu ninge ngaho, ohatu dulu okulipula kutya, ‘Ehokololo eli lOmbiibeli otali hongo nge shike kombinga yaJehova?’

Ohatu dulu okukonga ouyelele muhapu u na sha nanghee Jehova a ulika omaukwatya aye a tongomana ngaashi ohole, ounongo, ouyuki nosho yo eenghono. Ndele omaukwatya oo hao aeke Jehova e na. Oku na yo omaukwatya amwe vali mawa. Openi to dulu okuhanga ouyelele muhapu u na sha nomaukwatya aye?

Tala membo Elongifwambo lokukonga omauyelele moishangomwa yEendombwedi daJehova koshi yoshipalanyole “Jehova Kalunga,” opo nee to tale koshi yokapalanyole “Omaukwatya aJehova.” Yandja elitulemo komaukwatya oo wa lesha melesho loye lOmbiibeli.