سامۋيلدىڭ 2-جازباسى
11 جىلدىڭ باسىندا*، پاتشالار جورىققا اتتاناتىن كەزدە، ٴداۋىت جوعابتى، ٶزىنىڭ قىزمەتشىلەرى مەن بۇكىل يسرايل اسكەرىن امموندىقتاردى قىرۋعا جىبەردى دە، ولار راببانى قورشاۋعا الدى+. ال ٴداۋىتتىڭ ٶزى يەرۋساليمدە قالىپ قويدى+.
2 بىردە كەشقۇرىم ٴداۋىت توسەگىنەن تۇرىپ، سارايىنىڭ توبەسىندە ٵرلى-بەرلى ٴجۇردى. سول جەردەن ول شومىلىپ جاتقان ٴبىر ايەلدى كوردى. ايەل وتە سۇلۋ ەكەن. 3 ٴداۋىت ول تۋرالى سۇراستىرۋ ٷشىن بىرەۋدى جىبەرىپ، ونىڭ ەليامنىڭ قىزى+، حەتتىك+ ۇريانىڭ+ ايەلى بارسابيا+ ەكەنىن ٴبىلىپ الدى. 4 بۇدان كەيىن ادامدارىن جىبەرىپ، ايەلدى وزىنە الدىرتتى دا+، ونىمەن جاقىنداستى+. (بۇل ۋاقىتتا ايەل تازارۋ راسىمىنەن ٶتىپ جاتقان بولاتىن*+.) سوسىن بارسابيا ۇيىنە قايتىپ كەتتى.
5 ايەل جۇكتى بولىپ قالىپ، داۋىتكە «مەنىڭ اياعىم اۋىر» دەگەن حابار جىبەردى. 6 سوندا ٴداۋىت جوعابقا حابار جىبەرىپ: «حەتتىك ۇريانى ماعان جىبەر»،— دەدى. ول ۇريانى داۋىتكە جونەلتتى. 7 ۇريا كەلگەندە، ٴداۋىت ودان جوعاب پەن اسكەردىڭ جاعدايى تۋرالى، سوعىستىڭ قالاي ٶتىپ جاتقانى جايلى سۇراستىردى. 8 بۇدان سوڭ وعان: «ۇيىڭە بارىپ، تىنىعىپ دەمال»،— دەدى. ۇريا شىعىپ كەتكەندە، پاتشا ارتىنان سيلىق* جىبەردى. 9 ٴبىراق ۇريا ۇيىنە بارماي، پاتشا يەسىنىڭ باسقا قىزمەتشىلەرىمەن بىرگە سارايدىڭ كىرەبەرىسىندە تۇنەپ شىقتى. 10 ونىڭ ۇيىنە بارماعانىن ەستىگەندە، ٴداۋىت ودان: «جول ٴجۇرىپ كەلدىڭ عوي، نەگە ۇيىڭە بارمادىڭ؟»— دەپ سۇرادى. 11 ۇريا بىلاي جاۋاپ بەردى: «كەلىسىم ساندىعى+، يسرايل مەن ياھۋدا اسكەرى كۇركەلەردە تۇرىپ، ال مىرزام جوعاب پەن پاتشا اعزامنىڭ قىزمەتشىلەرى دالاداعى قوستا تۇنەپ جۇرگەندە، قالاي ۇيىمە بارىپ، ٸشىپ-جەپ، ايەلىممەن جاتپاقپىن+؟! ٴسىزدىڭ الدىڭىزدا شىن ايتامىن*، ەشقاشان بۇلاي ەتپەسپىن!»
12 سوندا ٴداۋىت: «وندا بۇگىن دە وسىندا قال، ال ەرتەڭ سەنى جىبەرەمىن»،— دەدى. وسىلايشا ۇريا تاعى ٴبىر كۇن يەرۋساليمدە قالدى. 13 ٴداۋىت ونى وزىمەن ٸشىپ-جەۋگە شاقىرىپ الىپ، ماس بولعانشا ىشكىزدى. ٴبىراق كەشكە ول ٴبارىبىر ۇيىنە بارماي، پاتشانىڭ قىزمەتشىلەرىمەن بىرگە تۇنەدى. 14 تاڭەرتەڭ ٴداۋىت جوعابقا حات جازىپ، ونى ۇريا ارقىلى بەرىپ جىبەردى. 15 حاتىندا ول: «ۇريانى شايقاستىڭ قىزىپ تۇرعان الدىڭعى شەبىنە قويىڭدار دا، وزدەرىڭ كەرى شەگىنىپ، ونى ولىمگە قالدىرىڭدار»،— دەپ جازدى+.
16 سودان جوعاب قالانى مۇقيات باقىلاۋعا الىپ، جاۋدىڭ مىقتى ساربازدارى ورنالاسقان جەرگە ۇريانى قويدى. 17 قالا تۇرعىندارى شىعىپ، جوعابپەن سوعىسقاندا، ٴداۋىتتىڭ بىرنەشە ادامى قازا تاپتى، ارالارىندا حەتتىك ۇريا دا بولدى+. 18 جوعاب شايقاستىڭ ٴمان-جايى تۋرالى داۋىتكە حابار جىبەردى. 19 ول شابارمانعا بىلاي دەپ تاپسىردى: «پاتشاعا شايقاستىڭ ٴمان-جايىن ايتقان سوڭ، 20 ول اشۋلانىپ، «نەگە قالاعا سونشا جاقىندادىڭدار؟ ساداقشىلاردىڭ قابىرعادان وق جاۋدىراتىنىن بىلمەدىڭدەر مە؟ 21 ەرۋبەسەتتىڭ*+ ۇلى ابۋمالىكتى كىم ولتىرگەنىن+ بىلەسىڭدەر عوي: تەبەس قالاسىندا ٴبىر ايەل ونىڭ ۇستىنە ديىرمەن تاسىن تاستاپ جىبەرىپ، ٶلىم قۇشتىردى ەمەس پە؟! نەگە قالا قابىرعاسىنا تىم جاقىندادىڭدار؟» دەسە، «قىزمەتشىڭىز حەتتىك ۇريا دا قازا بولدى» دەرسىڭ».
22 شابارمان كەلىپ، داۋىتكە جوعابتىڭ ٴسوزىن ٴبىرىن قالدىرماي ايتىپ بەردى. 23 سوسىن: «جاۋدىڭ كۇشى باسىم ەكەن، سوندىقتان بىزبەن شايقاسۋعا دالاعا شىقتى. ٴبىراق ٴبىز ولاردى قالا قاقپاسىنا دەيىن تىقسىرا تۇستىك. 24 سوندا ساداقشىلارى قابىرعادان وق جاۋدىرىپ، پاتشا يەمنىڭ ٴبىراز قىزمەتشىلەرى قازا تاپتى. قىزمەتشىڭىز حەتتىك ۇريا دا مەرت بولدى+»،— دەپ قوستى. 25 ٴداۋىت بىلاي دەدى: «جوعابتى مىنا سوزدەرمەن جىگەرلەندىر: — بۇعان كوڭىلىڭ تۇسپەسىن، سوعىس بولعان سوڭ شىعىن بولماي قويمايدى. شايقاستى كۇشەيتە ٴتۇسىپ، قالانى كۇيرەت+».
26 ۇريانىڭ ايەلى كۇيەۋىنىڭ قازا بولعانىن ەستىپ، ازا تۇتتى. 27 جوقتاۋ مەرزىمى وتە سالىسىمەن، ٴداۋىت ونى ۇيىنە الدىرتتى. ول ٴداۋىتتىڭ ايەلى بولىپ+، ٴبىر ۇل تۋدى. ٴبىراق ٴداۋىتتىڭ بۇل ٸسى ەحوبانىڭ كوز الدىندا بارىپ تۇرعان جەكسۇرىندىق ەدى+.