سامۋيلدىڭ 2-جازباسى
23 ٴداۋىتتىڭ سوڭعى ايتقان سوزدەرى مىناداي+:
«دارەجەسى جوعارىلاتىلعان+،
جاقىپتىڭ قۇدايى تاعايىنداعان+،
يسرايل اندەرىن ادەمىلەپ شىرقاعان+،
ەسەي ۇلى ٴداۋىتتىڭ+ ايتقان سوزدەرى:
3 يسرايلدىڭ قۇدايى،
ارقا سۇيەر جارتاسى+، ماعان بىلاي دەدى:
«ەل بيلەۋشىسى ٵدىل بولسا+،
قۇدايدان قورقىپ بيلىك قۇرسا+،
4 بيلىگى ونىڭ تاڭ شاپاعىنداي+،
تاڭ سارىدەگى اشىق اسپانداي بولار.
جەردەن كوك ٶسىرىپ شىعاراتىن+
جاڭبىردان كەيىنگى كۇن نۇرىنا ۇقسار».
5 مەنىڭ اۋلەتىم قۇداي الدىندا وسىنداي ەمەس پە؟
ول تولىق رەتتەلگەن ٵرى ەش مىزعىماس
ماڭگىلىك كەلىسىم جاساستى عوي مەنىمەن+،
كەلىسىمى ونىڭ قورعانىشىم ٵرى قۋانىشىم.
سوندىقتان ونى جۇزەگە اسىرادى ەمەس پە+؟!
6 ال سۇمدار لاقتىرىپ تاستايتىن+ تىكەندى بۇتالارعا ۇقسايدى،
ولاردى قولمەن ۇستاۋعا دا بولمايدى.
7 سولاردى ۇستاماق بولعاندار
تەمىر قارۋ مەن نايزا سابىن قولدانار.
اقىرى سۇمدار وتقا جانىپ، تۇبەگەيلى جوعالار».
8 ٴداۋىتتىڭ ٷش باتىر ساربازى بار ەدى+. ٴبىرىنشىسى — سولارعا باسشى بولعان تاحاماندىق جوشەپ-باشەبەت+. ٴبىر شايقاستا ول 800 ادامدى نايزامەن تۇيرەپ ولتىرگەن ەدى. 9 باتىرلاردىڭ ەكىنشىسى — ٵحوحيدىڭ ۇرپاعى دودو+ ۇلى ەلازار+. ول — داۋىتپەن بىرگە فىلىستىرلەردى مازاق ەتكەن ٷش باتىردىڭ ٴبىرى. فىلىستىرلەر شايقاسۋعا كەلىپ، يسرايلدىكتەر ولاردان قاشا جونەلگەندە، 10 ەلازار تۇرىپ الىپ، جاۋدى قىرۋمەن بولعان ەدى. فىلىستىرلەردى شابا بەرگەننەن ونىڭ قولى ابدەن شارشاپ، سەمسەرىن ۇستاعان كۇيى قارىسىپ قالعان بولاتىن+. سول كۇنى ەحوبا ۇلكەن جەڭىس سيلادى+. قاشىپ كەتكەن جاساق بولسا قايتا ورالىپ، ەلازاردىڭ سوڭىنان ٴجۇرىپ، ولگەن فىلىستىرلەردى تونادى.
11 ودان كەيىنگى باتىر — حارارلىق اگە ۇلى شاماح. فىلىستىرلەر لەحيدە جينالدى، سول جەردە جاسىمىق بىتىك شىققان تاناپ بار ەدى. يسرايلدىكتەر جاۋدان كەرى شەگىندى. 12 ٴبىراق شاماح تاناپتىڭ ورتاسىنا تۇرىپ الىپ، فىلىستىرلەرمەن شايقاسىپ، ەگىندى قورعادى. وسىلاي سول كۇنى ەحوبا يسرايلگە زور جەڭىس سيلادى+.
13 ەگىن وراعى كەزىندە 30 باسشىنىڭ ۇشەۋى ادوللام ۇڭگىرىنە داۋىتكە كەلدى+. بۇل كەزدە فىلىستىرلەر رەفايمدەر اڭعارىنا قوس تىككەن ەدى+. 14 ولاردىڭ قاراۋىل توبى بەتلەحەمدە بولدى، ال ٴداۋىت ادام اياعى باسپايتىن جەردە ەدى+. 15 ٴبىر ۋاقىتتا ٴداۋىت شولدەپ: «قازىر بەتلەحەم قاقپاسىنىڭ جانىنداعى قۇدىقتان* ٴبىر جۇتىم سۋ بولسا عوي، شىركىن!»— دەدى. 16 سوندا وسى ٷش باتىر فىلىستىرلەر قوسىنىڭ اراسىمەن ٶتىپ، بەتلەحەم قاقپاسىنىڭ جانىنداعى قۇدىقتان سۋ الىپ كەلدى. ٴبىراق ٴداۋىت ونى ىشپەي، ەحوبانىڭ الدىندا جەرگە توكتى+. 17 ول: «ەحوبا، مىنا سۋدى قالاي ىشپەكپىن؟! بۇل — باستارىن قاتەرگە تىككەن باتىرلاردىڭ قانى عوي+!»— دەپ، سۋدى ىشپەي قويدى. ٷش باتىر وسىنداي ىستەر جاساعان ەدى.
18 سارۇيانىڭ ۇلى+ جوعابتىڭ باۋىرى ٵبىساي+ وسى ۇشەۋىنەن باسقا ٷش باتىردىڭ باسشىسى ەدى. ول 300 ادامدى نايزاسىمەن تۇيرەپ ٶلتىرىپ، ٶزى باسقارعان ٷش باتىر سياقتى اتاقتى بولدى+. 19 ٵبىساي سول ٷش باتىرعا باسشىلىق ەتىپ، ولاردان جوعارى بولعانمەن، العاشقى ٷش باتىردىڭ دارەجەسىنە جەتپەيتىن.
20 ەحودايدىڭ بەناياح+ دەگەن ەرجۇرەك ۇلى كابسەلدە+ تالاي ەرلىك جاسادى. ول موابتىق اريەلدىڭ ەكى ۇلىن مەرت قىلدى جانە قار جاۋىپ تۇرعان كۇنى سۋ ساقتايتىن شۇڭقىرعا ٴتۇسىپ، ٴبىر ارىستاندى ٶلتىردى+. 21 سونداي-اق ول ٴبىر الىپ مىسىرلىقتىڭ كوزىن قۇرتتى. مىسىرلىقتىڭ قولىندا نايزاسى بار ەدى. ال بەناياح تاياقپەن عانا شىعىپ، ونىڭ نايزاسىن جۇلىپ الدى دا، سونىمەن الىپتىڭ ٶزىن سۇلاتىپ سالدى. 22 ەحوداي ۇلى بەناياح وسىنداي ىستەر جاساپ، الگى ٷش باتىر سياقتى اتاقتى بولدى. 23 ول 30 باتىردان اتاعى جوعارى بولعانمەن، الگى ٷش باتىردىڭ دارەجەسىنە جەتپەدى. سويتسە دە ٴداۋىت ونى وققاعارلارىنىڭ باسشىسى ەتىپ تاعايىندادى.
24 جوعابتىڭ باۋىرى اساحەل+ دە 30 ساربازدىڭ قاتارىندا ەدى. ولاردىڭ اراسىندا مىنالار دا بولدى: بەتلەحەمدىك دودو ۇلى ەلحانان+، 25 حارودتىق شاماح پەن ەليقا، 26 پالەتتىك حەلەس+، تەكويالىق يكەش ۇلى يرا+، 27 اناتوتتىق+ ابيەزەر+، حۋشالىق مەبۋناي، 28 احوحيلىك سالمون، نەتوپالىق ماحاراي+، 29 نەتوپالىق باعاناح ۇلى حەلەپ، بەنيامين جەرىندەگى گيبەيادان شىققان ريباي ۇلى يتتاي، 30 پيراتوندىق بەناياح+، گاعاش+ وزەن اڭعارلارىنان شىققان حيدداي، 31 ارابالىق ٵبيعالبون، باحۋريمدىك ازماۋەت، 32 شاعالبوندىق ەلياحپا، ياشەن ۇلدارى، جوناتان، 33 حارارلىق شاماح، حارارلىق شارار ۇلى احيام، 34 ماعاقاتتىق كىسىنىڭ ۇلى احاسبايدىڭ بالاسى ەليپەلەت، عيلوندىق احيتوپەل+ ۇلى ەليام، 35 كارميلدىك حەسراي، ارابتىق پاعاراي، 36 سوبالىق ناتان ۇلى يعال، عادتىق باني، 37 سارۇيانىڭ ۇلى جوعابتىڭ قارۋ-جاراعىن الىپ جۇرەتىن امموندىق سەلەك پەن بەروتتىق ناحاراي، 38 يتىرلىك+ يرا مەن يتىرلىك عارەپ، 39 حەتتىك ۇريا+ — بارلىعى 37 ادام.