سامۋيلدىڭ 2-جازباسى
8 ٴبىراز ۋاقىت وتكەننەن كەيىن ٴداۋىت فىلىستىرلەردى+ جەڭىپ، وزىنە باعىندىردى+. ول فىلىستىرلەردەن مەتەگ-امما قالاسىن تارتىپ الدى.
2 بۇدان كەيىن موابتىقتاردى دا جەڭدى+. ٴداۋىت ولاردى جەرگە جاتقىزىپ، ارقانمەن ولشەدى: ەكى ولشەممەن الىنعانداردى ولىمگە كەسىپ، ال تولىق ٴبىر ولشەممەن الىنعانداردى ٴتىرى قالدىرىپ وتىردى+. وسىلاي موابتىقتار داۋىتكە قىزمەت ەتىپ، وعان سالىق تولەيتىن بولدى+.
3 ٴداۋىت ەۆفرات وڭىرىندە بيلىگىن قايتا نىعايتۋعا بارا جاتقان سوبا ەلىنىڭ+ پاتشاسى رەحوب ۇلى ادادازەرگە شابۋىل جاساپ، ونى جەڭىپ شىقتى+. 4 ول ادادازەردىڭ 1700 سالت اتتى ساربازى مەن 20000 جاياۋ اسكەرىن تۇتقىنعا الدى. ال ارباعا جەگىلەتىن بارلىق اتتارىنىڭ تىلەرسەكتەرىنىڭ سىڭىرلەرىن كەسىپ تاستادى، 100 ٸن عانا امان قالدىردى+.
5 سوبا پاتشاسى ادادازەرگە كومەكتەسۋ ٷشىن داماسكىدەن+ سيريالىقتار كەلگەندە، ٴداۋىت ولاردىڭ 22000 ادامىن قىرىپ تاستاپ+، 6 سيرياداعى داماسكىدە قاراۋىل توبىن قويدى. وسىلاي سيريالىقتار وعان قىزمەت ەتىپ، سالىق تولەپ تۇراتىن بولدى. ٴداۋىت قايدا اتتانسا دا، ەحوبا وعان جەڭىس سيلادى+. 7 بۇعان قوسا، ٴداۋىت ادادازەردىڭ قىزمەتشىلەرىنىڭ دوڭگەلەك التىن قالقاندارىن جيناپ الىپ، يەرۋساليمگە اكەلدى+. 8 سونداي-اق ٴداۋىت پاتشا ادادازەردىڭ قاراماعىنداعى بەتا مەن بەروتاي قالالارىنان وتە كوپ مولشەردە مىس اكەلدى.
9 حامات+ پاتشاسى توي ٴداۋىتتىڭ ادادازەردىڭ كۇللى اسكەرىن جەڭگەنىن ەستىگەندە+، 10 بالاسى جوحرامدى جىبەرىپ، ٴداۋىت پاتشادان اماندىق سۇراسىپ، جەڭىسىمەن قۇتتىقتادى. (سەبەبى ادادازەر مەن تويدىڭ اراسىندا سوعىس ۇزىلمەيتىن.) جوحرام كۇمىس، التىن، مىستان جاسالعان بۇيىمدار اكەلىپ، پاتشاعا سيعا تارتتى. 11 ٴداۋىت بۇلاردى ەحوباعا باعىشتادى+. 12 ول ٶزى باعىندىرعان سيريالىقتار، موابتىقتار+، امموندىقتار، فىلىستىرلەر+ مەن امالەكتىكتەردەن+ تۇسكەن كۇمىس پەن التىننىڭ ٴبارىن، سونداي-اق سوبا پاتشاسى رەحوب ۇلى ادادازەردەن تۇسكەن ولجانى دا قۇدايعا باعىشتاعان ەدى+. 13 تۇزدى اڭعاردا ەدومدىقتاردىڭ 18000 اسكەرىن تالقانداپ كەلگەننەن كەيىن، ٴداۋىتتىڭ اتاعى كەڭ جايىلدى+. 14 ول ەدومدا، كۇللى ەدوم جەرىندە، قاراۋىل توپتار ورنالاستىردى. وسىلاي ەدومدىقتاردىڭ ٴبارى ٴداۋىت پاتشانىڭ قىزمەتشىلەرىنە اينالدى+. ٴداۋىت قايدا بارسا دا، ەحوبا وعان جەڭىس سيلادى+.
15 ٴداۋىت كۇللى يسرايلگە پاتشالىق قۇرىپ+، حالىققا ٵدىل سوت جۇرگىزدى+. 16 ونىڭ تۇسىندا سارۇيانىڭ ۇلى جوعاب قولباسشى+، احيلۋد ۇلى جوسافات شەجىرەشى+، 17 احيتۇپ ۇلى سادىق+ پەن ٵبياتار ۇلى احيمالىك ٴدىني قىزمەتكەرلەر، سەراياح حاتشى بولدى. 18 ەحوداي ۇلى بەناياح+ كەرەتتىكتەر مەن پەلەتتىكتەرگە+ باسشىلىق ەتتى. ٴداۋىتتىڭ ۇلدارى بولسا ٴدىني قىزمەتكەر* بولدى.