پاتشالار 1-جازبا
8 سۇلەيمەن پاتشا ٴداۋىتتىڭ قالاسىنان، ياعني سيوننان+، ەحوبانىڭ كەلىسىم ساندىعىن+ اكەلۋ ٷشىن، يسرايلدىڭ بارلىق اقساقالدارى مەن رۋباسىلارىن جانە اۋلەتباسىلارىن يەرۋساليمگە شاقىردى+. 2 سودان ەتانيم* ايىندا، ياعني جەتىنشى ايدا، كۇللى يسرايلدىكتەر سۇلەيمەن پاتشانىڭ قاسىنا مەيرامعا* جينالدى+. 3 يسرايلدىڭ بارلىق اقساقالدارى كەلگەن سوڭ، ٴدىني قىزمەتكەرلەر كەلىسىم ساندىعىن كوتەرىپ اكەتتى+. 4 ەحوبانىڭ كەلىسىم ساندىعىمەن قوسا، كەزدەسۋ شاتىرى+ مەن ونداعى بارلىق كيەلى بۇيىمدار دا اكەتىلدى. بۇلاردى ٴدىني قىزمەتكەرلەر مەن لەۋىلىكتەر كوتەرىپ الىپ ٴجۇردى. 5 سۇلەيمەن پاتشا مەن قاسىنا جينالعان كۇللى جاماعات كەلىسىم ساندىعىنىڭ الدىندا ٴجۇردى. قۇرباندىققا شالىنعان+ قوي مەن ٸرى قارا مالدىڭ كوپ بولعانى سونشا — سانىنا ەشكىم جەتە المادى.
6 بۇدان كەيىن ٴدىني قىزمەتكەرلەر ەحوبانىڭ كەلىسىم ساندىعىن ٶز ورنىنا+ — كيەلى ٷيدىڭ تۇپكى بولمەسىنە، ياعني ەڭ قاسيەتتى بولمەگە — كەرۋبتەردىڭ قاناتتارىنىڭ استىنا اكەلىپ قويدى+.
7 كەرۋبتەر كەلىسىم ساندىعى تۇراتىن ورىننىڭ ۇستىنەن قاناتتارىن جايىپ، كەلىسىم ساندىعى مەن ونىڭ سىرىقتارىن كولەگەيلەپ تۇردى+. 8 سىرىقتاردىڭ+ ۇزىن بولعانى سونشا — ۇشتارى تۇپكى بولمەنىڭ الدىنداعى قاسيەتتى بولمەدەن كورىنىپ تۇردى، ٴبىراق سىرتتان كورىنبەدى. ولار ٵلى كۇنگە دەيىن سول جەردە. 9 كەلىسىم ساندىعىندا مۇسانىڭ حوريبتە سالعان+ ەكى تاس تاقتاشاسىنان+ باسقا ەشتەڭە بولمادى. مۇسا بۇل تاقتاشالاردى ەحوبا يسرايلدىكتەردى مىسىردان الىپ شىعىپ+، ولارمەن كەلىسىم جاساسقاندا+ سالعان ەدى.
10 ٴدىني قىزمەتكەرلەر قاسيەتتى بولمەدەن شىققاندا، ەحوبانىڭ ٷيى بۇلتقا+ تولىپ كەتتى+. 11 وسىلايشا ەحوبانىڭ ٷيى بۇلتقا تولىپ، ەحوبانىڭ سالتاناتىنا بولەنگەندىكتەن، ٴدىني قىزمەتكەرلەر وندا قىزمەتتەرىن جالعاستىرا المادى+. 12 سوندا سۇلەيمەن: «ەحوبا، قارا بۇلت ىشىندە مەكەندەيتىنىڭدى ٶزىڭ ايتقان ەدىڭ+. 13 مەن ساعان ارناپ سالتاناتتى ٷي، ٶزىڭ ماڭگى تۇراتىن مىزعىمايتىن تۇراق+ سالدىم»،— دەدى.
14 سوسىن پاتشا حالىققا بۇرىلىپ، الدىندا تۇرعان كۇللى يسرايل قاۋىمىنا باتاسىن بەردى+. 15 ول بىلاي دەدى: «اكەم داۋىتكە ٶز اۋزىمەن ۋادە بەرىپ، ونى ٶز قولىمەن ورىنداعان يسرايلدىڭ قۇدايى ەحوبا ماداقتالسىن! 16 ول: —حالقىم يسرايلدى مىسىردان الىپ شىققان كۇننەن باستاپ ٶز ەسىمىم ورنىعۋ ٷشىن كيەلى ٷي سالىنسىن دەپ، يسرايل رۋلارىنىڭ ەشبىر قالاسىن تاڭداعان جوقپىن+. ٴبىراق حالقىمدى باسقارۋعا ٴداۋىتتى تاڭدادىم،— دەگەن ەدى. 17 اكەم ٴداۋىت يسرايلدىڭ قۇدايى ەحوبانىڭ ەسىمىنە ارناپ كيەلى ٷي سالۋدى بار جۇرەگىمەن قالادى+. 18 ال ەحوبا وعان: —مەنىڭ ەسىمىمە ارناپ ٷي سالۋدى بار جۇرەگىڭمەن قالايدى ەكەنسىڭ. مۇنىڭ وتە جاقسى. 19 ٴبىراق ونى سالاتىن ادام — سەن ەمەسسىڭ. مەنىڭ ەسىمىمە ارنالعان ٷيدى سەنىڭ بەل بالاڭ سالادى+،— دەدى. 20 ەحوبا وسى سوزدەرىن جۇزەگە اسىردى: مەن اكەم ٴداۋىتتىڭ ورنىن باسىپ، ەحوبانىڭ ۋادەسىنە ساي، يسرايلدىڭ تاعىنا وتىردىم؛ يسرايلدىڭ قۇدايى ەحوبانىڭ ەسىمىنە ارناپ ٷي سالدىم+؛ 21 ونىڭ ىشىندە كەلىسىم ساندىعىنا ارنالعان ورىن دايىندادىم. ال ساندىقتا ەحوبانىڭ اتا-بابالارىمىزدى مىسىر ەلىنەن الىپ شىققانداعى ولارمەن جاساسقان كەلىسىمى جازىلعان ەكى تاقتاشا+ ساقتاۋلى تۇر».
22 بۇدان كەيىن سۇلەيمەن ەحوبانىڭ قۇرباندىق وشاعىنىڭ الدىنا كەلىپ تۇردى دا، كۇللى يسرايل قاۋىمىنىڭ كوز الدىندا قولىن كوككە قاراي جايىپ+، 23 بىلاي دەدى: «ۋا، يسرايلدىڭ قۇدايى ەحوبا، جەر مەن كوكتە ساعان تەڭ كەلەر قۇداي جوق+! سەن كەلىسىمىڭە ادالسىڭ، ٵرى وزىڭە بار جۇرەگىمەن قىزمەت ەتىپ جۇرگەندەرگە اينىماس سۇيىسپەنشىلىك تانىتاسىڭ+. 24 سەن ٶز قىزمەتشىڭ — مەنىڭ اكەم داۋىتكە بەرگەن ۋادەڭنەن تايمادىڭ. ٶز اۋزىڭمەن ۋادە ەتكەن ەدىڭ، بۇگىن سونى ٶز قولىڭمەن جۇزەگە اسىردىڭ+. 25 ال ەندى، يسرايلدىڭ قۇدايى ەحوبا، قىزمەتشىڭ داۋىتكە «ەگەر ۇلدارىڭ الدىمدا سەن سياقتى، باسقان قادامدارىنا مۇقيات بولىپ جۇرسە، وندا يسرايل تاعىندا ٵردايىم سەنىڭ ۇرپاعىڭ وتىراتىن بولادى» دەپ بەرگەن ۋادەڭدى ورىنداي كور+. 26 ۋا، يسرايلدىڭ قۇدايى، ەندى ٶز قىزمەتشىڭ — مەنىڭ اكەم داۋىتكە بەرگەن ۋادەڭدى جۇزەگە اسىرا كورشى.
27 ٴبىراق قۇداي شىنىمەن-اق جەر بەتىندە تۇراتىن با ەدى+؟ سەنى كوكتىڭ ٶزى، ٴتىپتى كوكتەردىڭ كوگى سيعىزا الماعاندا+، مەن سالعان مىنا ٷي قالاي سيعىزسىن+؟! 28 ۋا، قۇدايىم ەحوبا، قىزمەتشىڭنىڭ دۇعاسى مەن ىقىلاسىڭدى ٴتۇسىرۋدى سۇراعان وتىنىشىنە قۇلاق اسىپ، الدىڭدا تۇرىپ جالبارىنعان ٷنى مەن ٴمىناجاتىن ەستي كور. 29 «مەنىڭ ەسىمىم سول جەردە بولادى»+ دەگەن سوزىڭە ساي، كۇندىز-ٴتۇنى وسى ۇيگە كوز قىرىڭدى سالىپ، قىزمەتشىڭنىڭ وسى جەرگە قاراپ ايتقان دۇعاسىنا قۇلاق اسساڭ ەكەن+. 30 قىزمەتشىڭ مەن حالقىڭ يسرايل جۇزدەرىن وسى جەرگە بۇرىپ، ىقىلاسىڭدى ٴتۇسىرۋدى وتىنگەندە، نازار سالعايسىڭ. كوكتەگى تۇراعىڭنان ەستىگەيسىڭ+. ٴيا، بىزگە قۇلاق سالىپ، كەشىرە كور+.
31 ەگەر بىرەۋ وزگەگە قارسى كۇنا جاساپ قويعاندىقتان انت بەرسە*، ٵرى بەرگەن انتىن ورىنداۋعا تۋرا كەلسە، سودان انتپەن بايلانعان ول وسى ۇيدەگى قۇرباندىق وشاعىڭنىڭ الدىنا كەلسە+، 32 كوكتەن قۇلاق اسىپ، قىزمەتشىلەرىڭە تورەلىك ەتشى: زۇلىمدى كىنالى دەپ تاۋىپ، ىستەگەنىن ٶز باسىنا كەلتىرشى؛ ال ٵدىلدى كىناسىز دەپ تاۋىپ، ادىلدىگىنە ساي قارىمتاسىن بەرشى+.
33 حالقىڭ يسرايل ساعان قارسى كۇنا جاساي بەرگەندىكتەن جاۋلارىنان جەڭىلىپ قالعاندا+، وزىڭە قايتا ورالىپ، ەسىمىڭدى ماداقتاسا+، ٵرى وسى ۇيدە وزىڭە دۇعا ەتىپ، ىقىلاسىڭدى ٴتۇسىرۋدى جالبارىنا سۇراسا+، 34 ولاردى كوكتەن ەستىگەيسىڭ. حالقىڭ يسرايلدىڭ كۇناسىن كەشىرىپ، ٶزىڭ اتا-بابالارىنا سيلاعان جەرگە قايتارعايسىڭ+.
35 حالقىڭ ساعان قارسى كۇنا جاساي بەرگەندىكتەن+، جاڭبىر جاۋعىزباي اسپاندى جاۋىپ قويعانىڭدا+، ولار وسى جەرگە قاراپ دۇعا ەتىپ، ەسىمىڭدى ماداقتاسا، ٵرى ٶزىڭ جۋاسىتقاندىقتان، كۇنا جاساۋدى دوعارسا+، 36 كوكتەن ولارعا قۇلاق اسا كور. قىزمەتشىلەرىڭنىڭ، حالقىڭ يسرايلدىڭ، كۇنالارىن كەشىرىپ، جۇرۋلەرى ٴتيىس اق جولمەن قالاي ٴجۇرۋدى ٶزىڭ ۇيرەتە كور+؛ مۇرالى يەلىك رەتىندە ٶز حالقىڭا بەرگەن جەرىڭە جاڭبىر جاۋعىزا كور+.
37 وسى جەر قانداي پالەگە ۇشىراپ، قانداي اۋرۋعا شالدىقپاسىن — مەيلى، اشتىق+ نە ىندەت جايلاسىن، اپتاپ جەل تۇرسىن، ەگىن كوگەرىپ ٴشىرىسىن+، كوشپەلى شەگىرتكە نە وبىر شەگىرتكە باسىپ كەتسىن، قالالارى جاۋ قورشاۋىندا قالسىن+ — 38 الدەكىم نە كۇللى يسرايل حالقى قانداي دا ٴبىر ماسەلەمەن ساعان دۇعا ەتسە ياكي ىقىلاسىڭدى ٴتۇسىرۋدى ٶتىنىپ+ (سەبەبى اركىمنىڭ جان ازابى وزىنە ايان+)، وسى ۇيگە قاراي قولىن جايسا، 39 ولاردى كوكتەن، ٶز تۇراعىڭنان، ەستي كور+. ولاردى كەشىرە كور+، شارا قولدانىپ، ٵرقايسىسىنا ىسىنە ساي قارىمتاسىن قايتارا كور+، ويتكەنى سەن ولاردىڭ جۇرەكتەرىندە نە بارىن بىلەسىڭ (ٵر ادامنىڭ جۇرەگىندە نە بارى وزىڭە عانا ايان عوي+). 40 سوندا ولار ٶزىڭ اتا-بابامىزعا بەرگەن وسى جەردە تۇرىپ جاتقان كەزدەرىنىڭ بارىندە سەنەن قورقاتىن بولادى.
41 سونداي-اق حالقىڭ يسرايلگە جاتپايتىن جاتجەرلىك بىرەۋ شالعاي جەردەن سەنىڭ ەسىمىڭ ٷشىن كەلىپ+، 42 وسى ۇيگە قاراپ دۇعا ەتسە (سەبەبى ولار ۇلى ەسىمىڭ تۋرالى+ جانە كومەكتەسۋ ٷشىن سوزىپ تۇرعان قۇدىرەتتى قولىڭ تۋرالى ەستيدى)، 43 كوكتەن، ٶز تۇراعىڭنان+، جاتجەرلىك كىسىنى ەستىپ، تىلەكتەرىنىڭ ٴبارىن ورىنداي كور. سوندا جەرجۇزىندەگى كۇللى حالىقتار سەنىڭ ەسىمىڭدى ٴبىلىپ، ٶز حالقىڭ يسرايل سياقتى سەنەن قورقاتىن بولادى+ جانە مەن سوققان مىنا ٷيدىڭ سەنىڭ ەسىمىڭمەن اتالاتىنىن بىلەتىن بولادى.
44 حالقىڭ ٶزىڭ جىبەرگەن جولمەن دۇشپاندارىمەن سوعىسۋعا اتتانعاندا+، ٶزىڭ تاڭداپ العان قالاعا+ جانە مەن سەنىڭ ەسىمىڭە ارناپ سوققان وسى ۇيگە قاراپ، ۋا، ەحوبا، وزىڭە سيىنسا+، 45 كوكتەن ولاردىڭ دۇعالارى مەن ىقىلاسىڭدى ٴتۇسىرۋدى سۇراعان وتىنىشتەرىن ەستىپ، ادىلدىك ورناتا كور.
46 ولار ساعان قارسى كۇنا جاساعاندىقتان (ويتكەنى كۇنا جاسامايتىن ادام جوق+)، سەن قاھارلانىپ، ولاردى جاۋ قولىنا بەرگەنىڭدە، جاۋ ولاردى الىس نە جاقىن ٴبىر ەلگە تۇتقىنعا اكەتسە+، 47 ولار سول ەلدە ٴجۇرىپ ەستەرىن جيىپ+، وزىڭە بەت بۇرىپ+: —ٴبىز كۇناعا باتتىق، قاتەلەسىپ، زۇلىم ىستەر جاسادىق+،— دەپ، ىقىلاسىڭدى ٴتۇسىرۋدى سۇراپ جالبارىنسا+ 48 جانە تۇتقىندا جۇرگەن جاۋ ەلىندە ساعان بار جۇرەكتەرىمەن+، بار جان-تاندەرىمەن بەت بۇرىپ، ٶزىڭ اتا-بابالارىنا بەرگەن جەرگە جانە ٶزىڭ تاڭداپ العان قالاعا، سونداي-اق مەن سەنىڭ ەسىمىڭە ارناپ سوققان وسى ۇيگە قاراپ دۇعا ەتسە+، 49 كوكتەن، ٶز تۇراعىڭنان+، ولاردىڭ دۇعالارى مەن ىقىلاسىڭدى ٴتۇسىرۋدى سۇراعان وتىنىشتەرىن ەستىپ، ادىلدىك ورناتا كور. 50 ساعان قارسى جاساعان كۇنالارى مەن بارلىق قىلمىستارىن كەشىرە كور. تۇتقىنعا اكەتكەندەردىڭ جۇرەگىن ٴجىبىتىپ، حالقىڭا جاناشىرلىقپەن قاراتقايسىڭ+ 51 (سەبەبى ولار ٶزىڭنىڭ حالقىڭ ٵرى مەنشىكتى يەلىگىڭ+. كەزىندە سەن ولاردى تەمىر بالقىتاتىن پەش ىسپەتتى مىسىردان الىپ شىقتىڭ+). 52 قىزمەتشىڭ جانە حالقىڭ يسرايل ىقىلاسىڭدى ٴتۇسىرۋدى وتىنگەندە، كوز قىرىڭدى سالىپ+، سيىنعان كەزدەرىنىڭ بارىندە* قۇلاق تۇرە كور+. 53 ويتكەنى سەن ولاردى مەنشىكتى يەلىگىڭ رەتىندە كۇللى حالىقتاردىڭ اراسىنان ٴبولىپ الدىڭ+. الەمنىڭ ٵمىرشىسى ەحوبا، سەن مۇنى اتا-بابامىزدى مىسىر جەرىنەن الىپ شىققاندا، قىزمەتشىڭ مۇسا ارقىلى ايتقان سوزىڭە ساي ىستەدىڭ».
54 سۇلەيمەن ەحوبانىڭ قۇرباندىق وشاعىنىڭ الدىندا تىزەرلەپ، قولدارىن كوككە جايىپ+ ەحوباعا ايتقان دۇعاسى مەن ىقىلاسىن ٴتۇسىرۋدى سۇراعان ٶتىنىشىن بىتىرگەن سوڭ، ورنىنان تۇردى. 55 سوسىن كۇللى يسرايل قاۋىمىنا داۋىستاپ باتاسىن بەرىپ، بىلاي دەدى: 56 «بەرگەن ۋادەسىنە ساي، حالقى يسرايلگە تىنىشتىق سيلاعان ەحوبا+ ماداقتالسىن! ونىڭ ٶز قىزمەتشىسى مۇسا ارقىلى بەرگەن ىزگى ۋادەلەرىنىڭ بىردە-ٴبىرى ورىنداۋسىز قالمادى+. 57 قۇدايىمىز ەحوبا اتا-بابامىزعا جار بولعانداي، بىزگە دە جار بولىپ+، ەش تاستاماسىن، ەشقاشان جالعىز قالدىرماسىن+. 58 جۇرەگىمىزگە اسەر ەتىپ+، ٶزىنىڭ جولدارىمەن ٴجۇرىپ، اتا-بابامىزعا بەرگەن وسيەتتەرىن، جارلىقتارى مەن شەشىمدەرىن ۇستانۋعا تالپىندىرسىن. 59 ەحوبادان ىقىلاسىن ٴتۇسىرۋدى وتىنگەن وسى سوزدەرىمدى قۇدايىمىز ەحوبا كۇندىز-ٴتۇنى جادىندا ساقتاپ، مەندەي قىزمەتشىسى مەن حالقى يسرايل ٷشىن كۇنىنە قانشا قاجەت بولسا، سونشا رەت ادىلدىك ورناتا كورسىن. 60 وسىلايشا جەر بەتىندەگى حالىقتاردىڭ ٴبارى ەحوبانىڭ شىنايى قۇداي ەكەنىن+، ٵرى ودان باسقا قۇداي جوق ەكەنىن بىلەتىن بولسىن+! 61 ال سەندەر قازىر ورىنداپ جۇرگەندەرىڭدەي، ٵرى قاراي دا قۇدايىمىز ەحوبانىڭ جارلىقتارى مەن وسيەتتەرىن ورىنداپ، وعان بار جۇرەكتەرىڭمەن قىزمەت ەتىڭدەر+».
62 بۇدان كەيىن پاتشا مەن كۇللى يسرايل حالقى ەحوبانىڭ الدىندا كوپتەپ قۇرباندىق شالدى+. 63 سۇلەيمەن ەحوباعا ارنالعان تاتۋلىق قۇرباندىعى+ رەتىندە 22000 ٸرى قارا مەن 120000 قوي ۇسىندى. وسىلاي پاتشا مەن كۇللى يسرايلدىكتەر ەحوبانىڭ ٷيىن سالتاناتتى تۇردە اشتى+. 64 سول كۇنى پاتشاعا ەحوبانىڭ ٷيىنىڭ الدىنداعى ىشكى اۋلانىڭ ورتاڭعى بولىگىن كيەلى ەتۋگە تۋرا كەلدى. ويتكەنى وعان سول جەردە دە تۇگەل ورتەلەتىن قۇرباندىقتار، استىق تارتۋلارىن جانە تاتۋلىق قۇرباندىقتارىنىڭ مايىن ورتەۋگە تۋرا كەلدى. سەبەبى ەحوبانىڭ الدىنداعى مىس وشاق+ تۇگەل ورتەلەتىن قۇرباندىقتاردى، استىق تارتۋلارىن جانە تاتۋلىق قۇرباندىقتارىنىڭ مايىن+ سيدىرا المادى. 65 سۇلەيمەن ۇلكەن مەرەكە جاساپ+، كۇللى يسرايلدىكتەر — لەبو-حاماتتان مىسىر وزەن اڭعارىنا*+ دەيىنگى جەرلەردەن كەلگەن قالىڭ قاۋىم — پاتشامەن بىرگە قۇدايىمىز ەحوبانىڭ الدىندا 7 كۇن، سوسىن تاعى 7 كۇن — باس-اياعى 14 كۇن بويى توي تويلادى. 66 كەلەسى* كۇنى پاتشا حالىقتى تاراتتى. حالىق وعان باتاسىن بەرىپ، ەحوبانىڭ ٶز قىزمەتشىسى ٴداۋىت پەن حالقى يسرايلگە جاساعان جاقسىلىقتارىنا+ شىن جۇرەكتەن قۋانىپ، شاتتانا ۇيلەرىنە قايتتى.