پاتشالار 2-جازبا
11 احازيانىڭ شەشەسى اتاليا+ ۇلىنىڭ قازا بولعانىن ەستىگەندە+، پاتشا تۇقىمىن تۇگەل قىرىپ تاستادى+. 2 ٴبىراق جورامنىڭ قىزى ەحوشەبا ولىمگە بۇيىرىلعان پاتشا ۇلدارىنىڭ اراسىنان احازيا ۇلى جوعاس+ پەن ونىڭ باعۋشى ايەلىن ۇرلاپ اكەتىپ، تۇكپىردەگى جاتىن بولمەگە جاسىرىپ قويدى. وسىلاي ولار جوعاستى اتاليادان جاسىرىپ، ولىمنەن امان الىپ قالدى. 3 بالانى ەحوبانىڭ ۇيىندە التى جىل بويى جاسىرىپ ۇستادى. بۇل ۋاقىتتا ەلدى اتاليا بيلەدى.
4 جەتىنشى جىلى ەحوداي ەحوبانىڭ ۇيىنە كاريلىك وققاعارلاردىڭ جانە پاتشا سارايىنىڭ ساقشىلارىنىڭ ٴجۇزباسىلارىن+ شاقىرتتى. ەحوداي ولارمەن ەحوبانىڭ ۇيىندە كەلىسىم جاساسىپ، انت-سۋ ىشكىزدى، سوسىن ولارعا پاتشا ۇلىن كورسەتتى+. 5 ەحوداي ولارعا مىناداي تاپسىرما بەردى: «سەندەر بىلاي ەتىڭدەر: ۇشتەن ٴبىرىڭ دەمالىس كۇنى قىزمەتتەرىڭە كىرىسىپ، پاتشا ٷيىن كۇزەتىڭدەر+. 6 كەلەسى ۇشتەن ٴبىرىڭ ىرگەتاس قاقپاسىندا، ال قالعان ۇشتەن ٴبىرىڭ ساراي ساقشىلارىنىڭ ارتىندا تۇرىڭدار. وسىلاي پاتشا سارايىن كەزەكپەن كۇزەتىڭدەر. 7 دەمالىس كۇنى كۇزەتكە تۇسەتىن ەكى توپ پاتشانى قورعاۋ ٷشىن، ەحوبانىڭ ٷيىن كۇزەتسىن. 8 سەندەر قولدارىڭا قارۋلارىڭدى الىپ، پاتشانى اينالدىرا قورشاپ تۇرۋلارىڭ كەرەك. ارالارىڭا كىرمەك بولعان كەز كەلگەن ادامدى ولتىرىڭدەر! پاتشا قايدا بارماسىن، ودان ٴبىر ەلى قالماڭدار!»
9 ٴجۇزباسىلار+ ٴدىني قىزمەتكەر ەحودايدىڭ بۇيرىعىن ەكى ەتپەي ورىندادى. ولار دەمالىس كۇنى كۇزەتكە تۇسكەن جانە سول كۇنى كۇزەتتەن شىققان ادامدارىن الىپ، ەحودايعا كەلدى+. 10 ول بولسا ٴجۇزباسىلارعا ەحوبانىڭ ۇيىندە ساقتاۋلى تۇرعان ٴداۋىت پاتشانىڭ نايزالارى مەن دوڭگەلەك قالقاندارىن بەردى. 11 سودان قولدارىنا قارۋ ۇستاعان ساراي ساقشىلارى+ پاتشانى ورتاعا الىپ، ٷيدىڭ وڭ جاق قاناتىنان سول جاق قاناتىنا قاراي قۇرباندىق وشاعى+ مەن ٷيدى اينالدىرا ساپ تۇزەدى. 12 بۇدان كەيىن ەحوداي پاتشا ۇلىن+ الىپ شىعىپ، ٴتاج كيگىزدى دە، توبەسىنە كەلىسىمدى*+ قويدى. وسىلاي ونى پاتشا ەتىپ تاعايىنداپ، ماي جاقتى. سوسىن جۇرت قول شاپالاقتاپ: «پاتشا مىڭ جاساسىن!»— دەپ جار سالدى+.
13 اتاليا جۇگىرىپ جۇرگەن جۇرتتىڭ ايعايىن ەستي سالا، جينالعان حالىق اراسىنا، ەحوبانىڭ ۇيىنە كەلدى+. 14 ول ٴداستۇر بويىنشا باعانانىڭ قاسىندا تۇرعان پاتشانى كوردى+. قاسىندا باسشىلار مەن كەرنەيشىلەر+ تۇر ەكەن. جينالعان قالا تۇرعىندارىنىڭ ٴبارى قۋانىپ، كەرنەي تارتىپ جاتتى. سوندا اتاليا كيىمىنىڭ ٶڭىرىن ايىرىپ جىبەرىپ: «قاستاندىق، قاستاندىق جاسالدى!»— دەپ ايعايلادى. 15 ٴدىني قىزمەتكەر ەحوداي اسكەر ۇستىنەن قويىلعان ٴجۇزباسىلارعا+: «اتاليانى جۇرت اراسىنان الىپ شىعىڭدار! كىم ونىڭ سوڭىنان ەرسە، سەمسەرمەن ولتىرىڭدەر!»— دەپ بۇيىردى. بۇدان الدىن ول: «ونى ەحوبانىڭ ۇيىندە ولتىرمەڭدەر»،— دەپ تاپسىرعان ەدى. 16 الگىلەر اتاليانى ۇستاپ الىپ، پاتشا سارايىنا+ اتتار كىرەتىن جەرگە اكەلىپ، سول جەردە ٶلتىردى.
17 بۇدان كەيىن ەحوداي پاتشا مەن حالىققا ەحوبامەن كەلىسىم جاساتتى+. ولار ٵرقاشان ەحوبانىڭ حالقى بولۋدى ۋادە ەتتى. سونداي-اق ول پاتشا مەن حالىقتىڭ اراسىندا دا كەلىسىم جاساتتى+. 18 سوسىن كۇللى حالىق باعالدىڭ عيباداتحاناسىنا كەلىپ، وعان ارنالعان قۇرباندىق ورىندارىن تالقاندادى+. ونىڭ مۇسىندەرىن دە تۇگىن قالدىرماي تاس-تالقان ەتتى+. قۇرباندىق ورىندارىنىڭ الدىندا باعالدىڭ ابىزى ماتاندى ٶلتىردى+.
ٴدىني قىزمەتكەر ەحوداي ەحوبانىڭ ۇيىندە جەتەكشىلىك ەتەتىن ادامدار تاعايىندادى+. 19 وسىدان كەيىن پاتشانى ەحوبانىڭ ۇيىنەن الىپ شىعۋ ٷشىن، ەحوداي قاسىنا ٴجۇزباسىلارىن+، كاريلىك وققاعارلاردى، ساراي كۇزەتشىلەرى+ مەن ەلدىڭ كۇللى حالقىن ەرتىپ الدى. ولار ساراي ساقشىلارىنىڭ قاقپاسى ارقىلى ٶتىپ، پاتشا سارايىنا كەلدى. سوسىن جوعاس پاتشا تاعىنا وتىردى+. 20 ەل تۇرعىندارىنىڭ ٴبارى قۋاندى، ال قالادا تىنىشتىق ورنادى. ويتكەنى اتاليا پاتشا ٷيىنىڭ قاسىندا سەمسەرمەن ولتىرىلگەن بولاتىن.