مۇسانىڭ 2-جازباسى
12 مىسىر جەرىندە ەحوبا مۇسا مەن حارونعا بىلاي دەدى: 2 «بۇدان بىلاي وسى اي سەندەر ٷشىن ايلاردىڭ باسى، جىلدىڭ العاشقى ايى بولادى+. 3 بۇكىل يسرايل قاۋىمىنا مىنانى ايت: —وسى ايدىڭ ونىنشى كۇنى اركىم ٶز وتباسىنا، ٶز ٷي ىشىنە، ارناپ ٴبىر توقتىنى+ بولەك قويسىن. 4 ەگەر وتباسى شاعىن بولىپ، ٴبىر توقتىنىڭ ەتى كوپتىك قىلسا، وتباسىندا قانشا جان ەكەنىن ەسكەرىپ، ىرگەلەس كورشىسىن ۇيىنە شاقىرسىن. ٴبىر توقتىنى جەيتىن ادام سانىن ٵر ادامنىڭ قانشا جەي الاتىنىنا قاراي ەسەپتەڭدەر. 5 تاڭداپ الىنعان مال قويدىڭ نە ەشكىنىڭ ەش كەمىستىگى جوق+ ٴبىر جاسار ەركەك ٴتولى بولۋعا ٴتيىس. 6 ونى وسى ايدىڭ ون ٴتورتىنشى كۇنىنە+ دەيىن كۇتىپ-باعىڭدار. سول كۇنى بۇكىل يسرايل قاۋىمى ەكى كەشتىڭ اراسىندا+ توقتىلارىن سويسىن. 7 سوسىن توقتى جەلىنەتىن ۇيدەگى ەسىكتىڭ ەكى جاقتاۋى مەن ماڭدايشاسىنا ونىڭ قانىنان الىپ بۇركىسىن+.
8 توقتىنىڭ ەتى سول ٴتۇنى جەلىنۋ كەرەك+. ول وتقا قاقتالىپ، اشىتقىسىز پىسىرىلگەن نان+ مەن اشتى شوپتەر قوسىپ جەلىنسىن+. 9 ونى شيكىدەي دە، سۋعا ٴپىسىرىپ تە جەمەڭدەر، قايتا، باس-اياعىن، ىشكى مۇشەلەرىمەن قوسا وتقا قاقتاپ جەڭدەر. 10 تاڭ اتقانشا ونىڭ ەتىنەن تۇك قالماسىن+. ەگەر قالىپ قويسا، ورتەپ جىبەرىڭدەر. 11 ونى جەگەندە، بەلدەرىڭدى بۋىپ، اياقكيىمدەرىڭدى كيىپ، قولدارىڭا تاياق الىپ، اسىعىس جەڭدەر. بۇل — ەحوباعا باعىشتالعان قۇتقارىلۋ مەيرامى*. 12 سول ٴتۇنى مەن مىسىر جەرىن ارالاپ ٶتىپ، مىسىرلىقتاردىڭ تۇڭعىش ۇلدارى مەن مالدارىنىڭ العاشقى تولدەرىن ولتىرەمىن+. وسىلاي مىسىردىڭ بارلىق قۇدايلارىن جازالايمىن+. مەن ەحوبامىن. 13 سەندەر وتىرعان ٷيدىڭ ەسىگىندەگى قان بەلگى بولماق: ونى كورىپ، مەن ىشكە كىرمەي ٶتىپ كەتەمىن. مىسىرعا جازا جىبەرگەنىمدە، ول سەندەرگە جولامايدى+.
14 سول كۇن ەستەرىڭدە قالسىن. ونى سەندەر دە، كۇللى كەلەر ۇرپاقتارىڭ دا ەحوباعا باعىشتالعان مەيرام رەتىندە تويلاڭدار. بۇل — ماڭگىلىك ۇستانۋلارىڭ كەرەك نۇسقاۋ. 15 جەتى كۇن بويى اشىتقىسىز پىسىرىلگەن نان جەڭدەر+. ٴبىرىنشى كۇنىنەن باستاپ ۇيلەرىڭدە ەشقانداي اشىتقى بولماسىن. كىمدە-كىم وسى جەتى كۇننىڭ ىشىندە اشىتىلعان تاعام جەيتىن بولسا، يسرايلدىڭ اراسىنان سول جاننىڭ كوزى قۇرتىلسىن. 16 ٴبىرىنشى كۇنى جانە جەتىنشى كۇنى قاسيەتتى جيىن وتكىزىڭدەر. وسى كۇندەرى ەشقانداي جۇمىس ىستەمەڭدەر+، تەك اركىمگە قاجەتتى استى عانا دايىنداۋعا بولادى.
17 وسىلاي اشىماعان نان مەيرامىن* ٵردايىم تويلاڭدار+، ويتكەنى ٴدال سول كۇنى مەن سەندەردى مىسىر جەرىنەن لەك-لەگىمەن* الىپ شىعامىن. وسى كۇندى وزدەرىڭ دە، كۇللى كەلەر ۇرپاقتارىڭ دا اتاپ وتىڭدەر. بۇل — ماڭگىلىك ۇستانۋلارىڭ كەرەك نۇسقاۋ. 18 ٴبىرىنشى ايدىڭ ون ٴتورتىنشى كۇنىنىڭ كەشكى ۋاقىتىنان باستاپ، سول ايدىڭ جيىرما ٴبىرىنشى كۇنىنىڭ كەشىنە دەيىن اشىتقىسىز پىسىرىلگەن نان جەڭدەر+. 19 جەتى كۇن بويى ۇيلەرىڭدە اشىتقى بولماسىن. ال كىمدە-كىم اشىتىلعان تاعام جەسە، سول جاننىڭ، مەيلى جاتجەرلىك نە يسرايلدىك بولسىن+، يسرايل قاۋىمىنىڭ اراسىنان كوزى قۇرتىلۋعا ٴتيىس+. 20 اشىتىلعان ەشقانداي تاعام جەمەڭدەر. بارلىق ۇيدە اشىتقىسىز پىسىرىلگەن نان جەيتىن بولسىن».
21 مۇسا تەز ارادا يسرايلدىڭ اقساقالدارىن شاقىرتىپ+، بىلاي دەدى: «ٴارقايسىسىڭ ٶز وتباسىلارىڭ ٷشىن ٴبىر-ٴبىر جاس مال* الىپ سويىڭدار، بۇل قۇتقارىلۋ مەيرامىنا ارنالعان قۇرباندىق بولادى. 22 سوسىن سايساعىز وسىمدىگىنىڭ ٴبىر شوعىن الىپ، ىدىستاعى مالدىڭ قانىنا باتىرىپ، ەسىكتەرىڭنىڭ ەكى جاقتاۋى مەن ماڭدايشاسىنا بۇركىڭدەر. تاڭ اتقانشا ەشقايسىسىڭ ۇيلەرىڭنەن شىقپاڭدار. 23 ەحوبا مىسىرلىقتاردى جازالاۋ ٷشىن ەلدى ارالاپ بارا جاتقاندا، ماڭدايشاسى مەن ەكى جاقتاۋىنداعى قاندى كورىپ، ەسىكتەرىڭنىڭ جانىنان ٶتىپ كەتەدى. ەحوبا ٶلىم جازاسىن ۇيلەرىڭە كىرگىزبەيدى+.
24 بۇلاردى وزدەرىڭ دە، ۇلدارىڭ دا ماڭگىلىككە بەرىلگەن نۇسقاۋ رەتىندە ورىنداڭدار+. 25 ەحوبا سەندەرگە بەرۋدى ۋادە ەتكەن جەرگە كەلگەندە، ٶزى ايتقانداي، وسى مەيرامدى تويلاپ جۇرىڭدەر+. 26 ەگەر بالالارىڭ: —بۇل مەيرام نەنى بىلدىرەدى+؟— دەپ سۇراسا، 27 ولارعا: —بۇل — ەحوباعا باعىشتالعان قۇتقارىلۋ مەيرامىنىڭ قۇرباندىعى. ول مىسىرلىقتاردى جازالاعاندا، يسرايلدىكتەردىڭ ۇيىنە كىرمەي ٶتىپ كەتىپ، ٷي ٸشىمىزدى امان ساقتاپ قالعان،— دەپ جاۋاپ بەرىڭدەر».
سوندا حالىق جەرگە باس ۇرىپ تاعزىم ەتتى. 28 ٴسۇيتىپ، ەحوبا مۇسا مەن حارونعا قالاي بۇيىرسا، يسرايلدىكتەر بارىپ، ٴدال سولاي ىستەدى+. ولار ٴبارىن بۇلجىتپاي ورىندادى.
29 ٴتۇن ورتاسىندا ەحوبا مىسىر جەرىندەگى تۇڭعىش تۋىلعانداردىڭ ٴبارىن، تاقتا وتىرعان پەرعاۋىننىڭ تۇڭعىشىنان باستاپ زىندانداعى تۇتقىننىڭ تۇڭعىشىنا دەيىن، سونداي-اق مالدىڭ العاشقى تولدەرىن ٶلتىردى+. 30 سول ٴتۇنى پەرعاۋىن دا، ونىڭ قىزمەتشىلەرى مەن مىسىرلىقتار دا تۇگەل وياندى. ٴسۇيتىپ، بۇكىل مىسىر ەلى زار ەڭىرەدى، ويتكەنى ٶلىم بولماعان ٷي قالمادى+. 31 پەرعاۋىن سول ٴتۇنى-اق مۇسا مەن حاروندى شاقىرتىپ+: «جينالىڭدار، ەكەۋىڭ يسرايلدىكتەردى ەرتىپ، مەنىڭ حالقىمنىڭ اراسىنان كەتىڭدەر! بارىڭدار دا، وزدەرىڭ ايتقانداي، ەحوباعا عيبادات ەتىڭدەر+. 32 ٸرىلى-ۇساقتى مالدارىڭدى دا، وزدەرىڭ ايتقانداي، الىپ كەتىڭدەر+. سونداي-اق مەن ٷشىن باتا تىلەڭدەر»،— دەدى.
33 مىسىرلىقتار: «ٴبارىمىز قىرىلىپ قالارمىز!»— دەپ+، ەلدەرىنەن يسرايلدىكتەردى تەزىرەك كەتۋگە اسىقتىردى+. 34 سوندا يسرايلدىكتەر اشىتىلماعان قامىرىن ىدىسىمەن كيىمدەرىنە وراپ، يىقتارىنا سالىپ كوتەرىپ ٴجۇردى. 35 ولار مۇسانىڭ ايتقانىنداي ىستەپ، مىسىرلىقتاردان التىن-كۇمىس بۇيىمدار مەن كيىمدەر سۇراپ الدى+. 36 ەحوبا ٶز حالقىنا مىسىرلىقتاردى وڭ كوزبەن قاراتقاندىقتان، ولار سۇراعاندارىن بەردى. وسىلايشا يسرايلدىكتەر مىسىرلىقتاردىڭ بايلىعىن ولجا ەتتى+.
37 يسرايلدىكتەر رامسەستەن+ سۋقوتقا+ قاراي اتتاندى. بالا-شاعانى قوسپاعاندا، جاياۋ شىققان ەركەك سانى شامامەن 600000 ەدى+. 38 ولارمەن بىرگە كوپتەگەن جاتجۇرتتىقتار*+ دا شىقتى. سونداي-اق ٸرىلى-ۇساقتى مال دا قىرۋار كوپ ەدى. 39 جولدا يسرايلدىكتەر مىسىردان الىپ شىققان اشىتىلماعان قامىرلارىنان كۇلشە نان ٴپىسىردى. ويتكەنى ولار مىسىردان قۋىلىپ، اسىعىس كەتۋگە ٴماجبۇر بولعاندىقتان، قامىرلارىنا اشىتقى سالماعان ەدى. سونداي-اق جولعا ازىق دايىنداپ تا ۇلگەرمەگەن بولاتىن+.
40 مىسىردا مەكەندەگەن يسرايلدىكتەردىڭ+ جات جەردە تۇرعان ۋاقىتى 430 جىل ەدى*+. 41 430 جىل بىتكەندە، ٴدال سول كۇنى ەحوبانىڭ حالقى لەك-لەگىمەن مىسىر جەرىنەن شىقتى. 42 بۇل ٴتۇنى يسرايلدىكتەر ەحوبانىڭ وزدەرىن مىسىر جەرىنەن الىپ شىققانىن تويلاۋ كەرەك بولاتىن. بۇكىل يسرايل حالقى جانە كۇللى كەلەر ۇرپاقتارى وسى ٴتۇندى ەحوباعا باعىشتالعان مەرەكە رەتىندە اتاپ وتۋگە ٴتيىس ەدى+.
43 بۇدان كەيىن ەحوبا مۇسا مەن حارونعا بىلاي دەدى: «قۇتقارىلۋ مەيرامىنىڭ ەرەجەسى مىناۋ: مەيرامعا ارناپ سويىلاتىن قۇرباندىقتى جاتجەرلىكتەر جەمەسىن+. 44 ەگەر الدەكىمنىڭ اقشاعا ساتىپ العان قۇلى بولسا، ونى سۇندەتتەۋ كەرەك+. سودان كەيىن عانا ول بۇل استان جەي الادى. 45 ٴبىراق جاتجەرلىك پەن جالدامالى جۇمىسشىعا ودان جەۋگە بولمايدى. 46 قۇرباندىق ۇيدە جەلىنۋگە ٴتيىس. ونىڭ ەتى ۇيدەن شىعارىلماسىن جانە بىردە-ٴبىر سۇيەگى سىندىرىلماسىن+. 47 مەيرامدى كۇللى يسرايل قاۋىمى تويلاۋ كەرەك. 48 ەگەر ارالارىڭدا تۇرىپ جاتقان جاتجەرلىك ادام ەحوباعا باعىشتالعان قۇتقارىلۋ مەيرامىن تويلاعىسى كەلسە، ونىڭ ٷي ىشىندەگى ٵربىر ەر ادام سۇندەتتەلسىن. سودان كەيىن عانا ول تويلاي الادى، ٵرى يسرايلدىكتەر سياقتى بولادى. ال سۇندەتتەلمەگەن ادامعا بۇل مەرەكەنىڭ اسىن جەۋگە بولمايدى+. 49 يسرايلدىكتەر ٷشىن دە، ارالارىڭداعى جاتجەرلىكتەر ٷشىن دە زاڭ بىردەي بولۋ كەرەك+».
50 بۇكىل يسرايل حالقى ەحوبانىڭ مۇسا مەن حارونعا بۇيىرعانىنداي ىستەدى. ولار ٴبارىن بۇلجىتپاي ورىندادى. 51 سول كۇنى ەحوبا يسرايلدىكتەردى لەك-لەگىمەن مىسىردان الىپ شىقتى.