مۇسانىڭ 3-جازباسى
19 ەحوبا ٵرى قاراي مۇساعا بىلاي دەدى: 2 «بۇكىل يسرايل قاۋىمىنا مىنانى ايت: —كيەلى بولىڭدار، سەبەبى مەن، قۇدايلارىڭ ەحوبا، كيەلىمىن+.
3 ٴارقايسىسىڭ انالارىڭ مەن اكەلەرىڭدى قۇرمەتتەڭدەر+. سونداي-اق مەن ورناتقان دەمالىس كۇنىن ۇستانىڭدار+. مەن سەندەردىڭ قۇدايلارىڭ ەحوبامىن. 4 ەش پايداسى جوق تاڭىرلەرگە بەت بۇرماڭدار+، بالقىتىپ قۇيىلعان ٴتاڭىر مۇسىندەرىن دە جاساماڭدار+. مەن سەندەردىڭ قۇدايلارىڭ ەحوبامىن.
5 ەگەر ەحوباعا تاتۋلىق قۇرباندىعىن ۇسىنعىلارىڭ كەلسە+، ونى قابىل بولاتىنداي ەتىپ ۇسىنىڭدار+. 6 قۇرباندىقتىڭ ەتىن سويىلعان كۇنى جانە ەرتەڭىنە جەڭدەر، ٴبىراق ٷشىنشى كۇنگە قالىپ كەتكەنىن ورتەپ جىبەرۋ كەرەك+. 7 ٷشىنشى كۇنگە قالعان ەت جەركەنىشتى، ونى جەمەڭدەر. مۇنداي قۇرباندىق قابىل بولمايدى. 8 ونى جەگەن ادام كۇناسى ٷشىن جاۋاپ بەرەدى، ويتكەنى ول ەحوباعا ارنالعان قاسيەتتى نارسەنى ارامدادى. حالقىنىڭ اراسىنان ونداي جاننىڭ كوزى قۇرتىلسىن.
9 ەككەن ەگىندەرىڭدى ورعاندا، تاناپتىڭ شەتىنە دەيىن تۇگەل ورماڭدار، استىقتى جيناعاننان قالعان ماساقتى دا تەرمەڭدەر+. 10 سونداي-اق ٴجۇزىم جيناعاندا، بۇتادا قالىپ قويعان نە جەرگە ٴتۇسىپ قالعان ٴجۇزىم شوقتارىن الماڭدار. ولاردى كەدەي-كەپشىكتەر مەن جاتجەرلىكتەرگە قالدىرىڭدار+. مەن سەندەردىڭ قۇدايلارىڭ ەحوبامىن.
11 ۇرلىق جاساماڭدار+، ەشكىمدى الداماڭدار+، ٴبىر-بىرىڭە ارامدىق ىستەمەڭدەر. 12 مەنىڭ اتىممەن جالعان انت ٸشىپ+، قۇدايلارىڭنىڭ ەسىمىن قورلاماڭدار. مەن ەحوبامىن. 13 الاياقتىق جاساماڭدار+، ەشكىمدى توناماڭدار+. جالدانعان جۇمىسشىنىڭ ەڭبەكاقىسىن تاڭەرتەڭگە دەيىن قالدىرماي بەرىڭدەر+.
14 كەرەڭ ادامدى قارعاماڭدار، زاعيپتىڭ الدىنا سۇرىنەتىن نارسە تاستاماڭدار+. قۇدايدان قورقىڭدار+. مەن ەحوبامىن.
15 سوتتا ادىلەتسىزدىك جاساماڭدار. كەدەيگە الالاۋشىلىق تانىتپاڭدار، بايعا دا ورىنسىز قۇرمەت كورسەتپەڭدەر+، ٴبارىن ٵدىل سوتتاڭدار.
16 بىرەۋگە جالا جاۋىپ، مۇنى ەلگە تاراتپاڭدار+. ادامنىڭ ومىرىنە قاستاندىق جاساماڭدار*+. مەن ەحوبامىن.
17 ەشكىم باۋىرىن ىشتەي جەك كورمەسىن+. الدەكىمنىڭ كۇناسىنا ورتاقتاسىپ قالماۋ ٷشىن، وعان ەسكەرتۋ ايتىڭدار+.
18 ەشكىم ٶز حالقىنىڭ ادامىنان ٶش الماسىن+، كەك تە ساقتاماسىن. وزگە ادامدى ٶزىڭدى سۇيگەندەي ٴسۇي+. مەن ەحوبامىن.
19 مەنىڭ مىنا نۇسقاۋلارىمدى دا ورىنداڭدار: ەشكىم ەكى ٴتۇرلى مالدى شاعىلىستىرماسىن. تاناپقا ەكى ٴتۇرلى ٴداندى ارالاستىرىپ سەپپەسىن+، سونداي-اق ەكى ٴتۇرلى جىپتەن توقىلعان كيىمدى كيمەسىن+.
20 ەگەر ەر ادام ٴبىر ايەلمەن جاقىنداسسا، ال ول ايەل بىرەۋگە ۋادە ەتىلگەن، ٴبىراق قۇن تولەپ ازات ەتىلمەگەن كۇڭ بولسا، ەكەۋى دە جازالانسىن، الايدا ولتىرىلمەسىن. سەبەبى ايەلگە ٵلى باس بوستاندىعى بەرىلمەگەن. 21 الگى ەر ادام ەحوبانىڭ الدىنا، كەزدەسۋ شاتىرىنىڭ كىرەبەرىسىنە، ايىپ قۇرباندىعىنا قوشقار الىپ كەلسىن+. 22 ٴدىني قىزمەتكەر قوشقاردى ايىپ قۇرباندىعى رەتىندە ەحوبانىڭ الدىندا ۇسىنىپ، ونىڭ جاساعان كۇناسىن وتەيدى. ٴسۇيتىپ، ول ادامنىڭ كۇناسى كەشىرىلەدى.
23 مەن سەندەرگە ۋادە ەتكەن جەرگە كەلگەندە، جەمىس اعاشتارىن وتىرعىزساڭدار، ونىڭ جەمىستەرىن تازا ەمەس ٵرى تيىم سالىنعان دەپ ەسەپتەڭدەر. ولاردان ٷش جىل بويى جەمىس جەۋگە تيىم سالىنادى. 24 ال ٴتورتىنشى جىلى بارلىق جەمىسىن قاسيەتتى نارسە رەتىندە زور قۋانىشپەن ەحوباعا اكەلىڭدەر+. 25 بەسىنشى جىلى بولسا ولاردىڭ جەمىسىن جەي بەرىڭدەر. وسىلاي ەتسەڭدەر، الاتىن ونىمدەرىڭ مول بولادى. مەن سەندەردىڭ قۇدايلارىڭ ەحوبامىن.
26 قانى بار ەشتەڭەنى جەمەڭدەر+.
بال اشپاڭدار، سيقىرشىلىقپەن اينالىسپاڭدار+.
27 شاشتارىڭدى اينالدىرا قىرماڭدار، ساقالدارىڭنىڭ ۇشىن دا قىرىقپاڭدار*+.
28 ولگەن ادامدى جوقتاعاندا، دەنەلەرىڭدى تىلگىلەمەڭدەر+، سونداي-اق تەرىلەرىڭە ينەمەن تاڭبا سالماڭدار. مەن ەحوبامىن.
29 قىزىڭدى جەزوكشەلىككە سالىپ، ماسقارالاما+. ايتپەسە جەزوكشەلەر جەرىڭدى ارامداپ، ەلدە ازعىندىق كوبەيەدى+.
30 مەن ورناتقان دەمالىس كۇنىن ۇستانىڭدار+ جانە قاسيەتتى ورنىمدى قاستەرلەڭدەر. مەن ەحوبامىن.
31 ارۋاق شاقىرۋشىلارعا+ جانە كورىپكەلدەرگە+ جۇگىنىپ، وزدەرىڭدى ارامداماڭدار. مەن سەندەردىڭ قۇدايلارىڭ ەحوبامىن.
32 اق شاشتى قاريانىڭ الدىندا تۇرەگەلىڭدەر+، قارت كىسىگە قۇرمەت كورسەتىڭدەر+. قۇدايدان قورقىڭدار+. مەن ەحوبامىن.
33 ەلدەرىڭە جاتجەرلىك كەلىپ تۇراتىن بولسا، وعان ٴجابىر كورسەتپەڭدەر+. 34 ارالارىڭدا تۇرىپ جاتقان جاتجەرلىككە ٶز ادامدارىڭداي قاراڭدار+. ونى وزدەرىڭدى سۇيگەندەي سۇيىڭدەر. سەبەبى وزدەرىڭ دە مىسىر ەلىندە جاتجەرلىك بولعانسىڭدار+. مەن سەندەردىڭ قۇدايلارىڭ ەحوبامىن.
35 ۇزىندىقتى، سالماقتى، كولەمدى ولشەگەندە، الداماڭدار+. 36 تارازىلارىڭ، كىرتاستارىڭ، سۋسىمالى جانە سۇيىق زات ولشەۋىشتەرىڭ* تۋرا بولسىن+. مەن سەندەردى مىسىردان الىپ شىققان قۇدايلارىڭ ەحوبامىن. 37 مەنىڭ بەرگەن نۇسقاۋلارىم مەن شەشىمدەرىمنىڭ ٴبارىن ورىنداڭدار+. مەن ەحوبامىن».