مۇسانىڭ 4-جازباسى
25 شيتتيمدە+ تۇرىپ جاتقان كەزىندە يسرايلدىكتەر مواب قىزدارىمەن ازعىندىق جاساي باستادى+. 2 مواب ايەلدەرى جالعان تاڭىرلەرىنە ارناپ قۇرباندىقتار شالىپ، وعان يسرايلدىكتەردى شاقىردى+. يسرايلدىكتەر قۇرباندىقتاردان جەپ، ولاردىڭ تاڭىرلەرىنە تابىنا باستادى+. 3 وسىلاي ولار پەعور باعالىنا عيبادات ەتتى+. سوندا ەحوبانىڭ يسرايلگە قاھارى لاۋلادى. 4 ەحوبا مۇساعا: «وسى ىسكە جاۋاپتى جەتەكشىلەردىڭ ٴبارىن ۇستاپ، ٶلتىر دە، دەنەلەرىن كۇندىز ەحوبانىڭ الدىندا جۇرتقا كورسەتىپ ٸلىپ قوي. سوندا ەحوبانىڭ يسرايلگە لاۋلاعان قاھارى باسىلادى»،— دەدى. 5 مۇسا يسرايلدىڭ بيلەرىنە+: «ٴارقايسىسىڭ پەعور باعالىنا تابىنعان ادامدارىڭدى ولتىرىڭدەر»+،— دەپ بۇيىردى.
6 بۇكىل حالىق كەزدەسۋ شاتىرىنىڭ كىرەبەرىسىندە جىلاپ تۇرعاندا، يسرايلدىكتەردىڭ بىرەۋى مۇسا مەن كۇللى جۇرتتىڭ كوزىنشە باۋىرلارىنىڭ اراسىنا مادياندىق ٴبىر ايەلدى ەرتىپ كەلدى+. 7 ٴدىني قىزمەتكەر حاروننىڭ نەمەرەسى ٵرى ەلازاردىڭ ۇلى پىنەحەس+ مۇنى كورگەندە، دەرەۋ حالىقتىڭ اراسىنان شىعىپ، قولىنا نايزاسىن الدى. 8 ٴسويتتى دە، الگىنىڭ ارتىنان شاتىرعا كىرىپ، ەكەۋىنە نايزاسىن سۇعىپ الدى. نايزا مادياندىق ايەلدىڭ قۇرساعىنا قادالدى. سوندا يسرايلدىكتەردى قىرعىنعا ۇشىراتقان اپات توقتادى+. 9 ودان قايتىس بولعانداردىڭ سانى 24000 بولدى+.
10 سوسىن ەحوبا مۇساعا بىلاي دەدى: 11 «ٴدىني قىزمەتكەر حاروننىڭ نەمەرەسى ٵرى ەلازاردىڭ ۇلى پىنەحەس+ يسرايلگە لاۋلاعان قاھارىمدى باستى، ويتكەنى ول حالىقتىڭ اراسىندا ماعان جاسالعان وپاسىزدىققا ەش توزبەدى+. سوندىقتان مەن، وزىمە قالتقىسىز بەرىلۋدى تالاپ ەتسەم دە+، يسرايلدىكتەردى تۇگەل قىرىپ تاستامادىم. 12 سول سەبەپتى پىنەحەسكە شاپاعاتىمدى كورسەتەتىن كەلىسىم جاسايتىنىمدى ايت. 13 وسى كەلىسىم بويىنشا، ٴدىني قىزمەت ماڭگىلىك وعان جانە ونىڭ ۇرپاقتارىنا بەرىلەدى+. سەبەبى ول ٶز قۇدايىنا جاسالعان وپاسىزدىققا ەش توزبەي+، يسرايل حالقىن كۇنادان تازارتتى».
14 مادياندىق ايەلمەن بىرگە ولتىرىلگەن يسرايلدىكتىڭ اتى-ٴجونى سالۋ ۇلى زيمري بولاتىن. ول شيمون رۋىنداعى ٴبىر اۋلەتتىڭ باسشىسى ەدى. 15 ال ولتىرىلگەن مادياندىق ايەلدىڭ اتى حازبا بولاتىن. ول مادياندىق+ اۋلەتباسىلاردىڭ ٴبىرى سۋردىڭ قىزى ەدى+.
16 كەيىنىرەك ەحوبا مۇساعا بىلاي دەپ تاپسىردى: 17 «مادياندىقتارعا تىنىشتىق بەرمەي، قىرىپ سالىڭدار+. 18 سەبەبى ولار پەعوردا سەندەردى قۋلىقپەن كۇناعا ەلىكتىرىپ، قىرعىنعا ۇشىراتتى+. بۇل ٷشىن ولار مادياندىق باسشىنىڭ قىزى حازبانى، ياعني پەعوردا حالىق قىرعىنعا ۇشىراعان+ كۇنى ولتىرىلگەن قارىنداستارىن، قولداندى+».