مۇسانىڭ 4-جازباسى
29 جەتىنشى ايدىڭ ٴبىرىنشى كۇنى قاسيەتتى جيىن وتكىزىڭدەر. ەشقانداي ۇلكەن جۇمىس ىستەمەڭدەر+. سول كۇنى كەرنەي تارتىڭدار+. 2 ەحوباعا ۇنامدى حوش ٴيىس رەتىندە تۇگەل ورتەلەتىن قۇرباندىققا ٴبىر جاس بۇقا، ٴبىر قوشقار جانە ٴبىر جاسار جەتى ەركەك توقتى اكەلىڭدەر. ولاردىڭ ەش كەمىستىگى بولماسىن. 3 بۇقامەن بىرگە ەفانىڭ وننان ٷش بولىگى بولاتىن، ال قوشقارمەن بىرگە ەفانىڭ وننان ەكى بولىگى بولاتىن ساپالى ۇنعا ماي ارالاستىرىپ، استىق تارتۋىن الىپ كەلىڭدەر. 4 ال جەتى توقتىنىڭ ٴارقايسىسىمەن بىرگە ەفانىڭ وننان ٴبىر بولىگى بولاتىن ساپالى ۇنعا ماي ارالاستىرىپ اكەلىڭدەر. 5 سونىمەن قاتار كۇنا ٷشىن قۇرباندىققا ٴبىر جاس تەكە الىپ كەلىڭدەر. ونىمەن كۇنالارىڭ وتەلەدى. 6 بۇلار — بەلگىلەنگەن تارتىپكە ساي ٵر ايدىڭ باسىندا اكەلىنەتىن تۇگەل ورتەلەتىن قۇرباندىق پەن ونىڭ استىق تارتۋىنا+، كۇندەلىكتى تۇگەل ورتەلەتىن قۇرباندىق پەن ونىڭ استىق تارتۋىنا+، سونداي-اق ولاردىڭ سۇيىق تارتۋلارىنا قوسا ۇسىنىلاتىن قۇرباندىقتار+. بۇل — ەحوباعا ۇنامدى حوش ٴيىس رەتىندە تۇگەل ورتەلەتىن قۇرباندىق.
7 وسى جەتىنشى ايدىڭ ونىنشى كۇنى قاسيەتتى جيىن وتكىزىپ+، كۇنالارىڭ ٷشىن قايعىرىڭدار*. ەشقانداي جۇمىس ىستەمەڭدەر+. 8 ەحوباعا ۇنامدى حوش ٴيىس رەتىندە تۇگەل ورتەلەتىن قۇرباندىققا ٴبىر جاس بۇقا، ٴبىر قوشقار جانە ٴبىر جاسار جەتى ەركەك توقتى اكەلىڭدەر. ولاردىڭ ەش كەمىستىگى بولماسىن+. 9 بۇقامەن بىرگە ەفانىڭ وننان ٷش بولىگى بولاتىن، ال قوشقارمەن بىرگە ەفانىڭ وننان ەكى بولىگى بولاتىن ساپالى ۇنعا ماي ارالاستىرىپ، استىق تارتۋىن الىپ كەلىڭدەر. 10 ال جەتى توقتىنىڭ ٴارقايسىسىمەن بىرگە ەفانىڭ وننان ٴبىر بولىگى بولاتىن ساپالى ۇنعا ماي ارالاستىرىپ اكەلىڭدەر. 11 سونداي-اق كۇنا ٷشىن قۇرباندىققا ٴبىر جاس ەشكى الىپ كەلىڭدەر. ونى كۇنانى وتەيتىن قۇرباندىقپەن+ جانە كۇندەلىكتى تۇگەل ورتەلەتىن قۇرباندىقپەن جانە ونىڭ استىق تارتۋىمەن بىرگە، سونداي-اق ولاردىڭ سۇيىق تارتۋلارىمەن بىرگە اكەلىڭدەر.
12 جەتىنشى ايدىڭ ون بەسىنشى كۇنى قاسيەتتى جيىن وتكىزىڭدەر. ەشقانداي ۇلكەن جۇمىس جاساماڭدار. جەتى كۇن بويى ەحوباعا ارنالعان مەيرام وتكىزىڭدەر+. 13 ەحوباعا ۇنامدى حوش ٴيىس رەتىندە تۇگەل ورتەلەتىن قۇرباندىققا+ 13 جاس بۇقا، 2 قوشقار، ٴبىر جاسار 14 ەركەك توقتى اكەلىڭدەر. ولاردىڭ ەش كەمىستىگى بولماسىن+. 14 13 بۇقانىڭ ٴارقايسىسىمەن ەفانىڭ وننان ٷش بولىگى بولاتىن، ال 2 قوشقاردىڭ ٴارقايسىسىمەن ەفانىڭ وننان ەكى بولىگى بولاتىن ساپالى ۇنعا ماي ارالاستىرىپ، استىق تارتۋىن الىپ كەلىڭدەر. 15 ال 14 توقتىنىڭ ٴارقايسىسىمەن ەفانىڭ وننان ٴبىر بولىگى بولاتىن ساپالى ۇندى ماي ارالاستىرىپ اكەلىڭدەر. 16 سونداي-اق كۇنا ٷشىن قۇرباندىققا ٴبىر جاس ەشكى الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن، ونىڭ استىق جانە سۇيىق تارتۋىمەن بىرگە اكەلىڭدەر+.
17 مەيرامنىڭ ەكىنشى كۇنى 12 جاس بۇقا، 2 قوشقار، ٴبىر جاسار 14 ەركەك توقتى اكەلىڭدەر. ولاردىڭ ەش كەمىستىگى بولماسىن+. 18 وسى بۇقالار، قوشقارلار مەن توقتىلاردىڭ سانىنا قاراي، بەلگىلەنگەن تارتىپكە ساي، استىق پەن سۇيىق تارتۋلارىن ۇسىنىڭدار. 19 سونىمەن قاتار كۇنا ٷشىن قۇرباندىققا ٴبىر جاس ەشكى الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن جانە ونىڭ استىق تارتۋىمەن بىرگە، سونداي-اق ولاردىڭ سۇيىق تارتۋلارىمەن بىرگە اكەلىڭدەر+.
20 ٷشىنشى كۇنى 11 جاس بۇقا، 2 قوشقار، ٴبىر جاسار 14 ەركەك توقتى اكەلىڭدەر. ولاردىڭ ەش كەمىستىگى بولماسىن+. 21 وسى بۇقالار، قوشقارلار مەن توقتىلاردىڭ سانىنا قاراي، بەلگىلەنگەن تارتىپكە ساي، استىق پەن سۇيىق تارتۋلارىن ۇسىنىڭدار. 22 سونداي-اق كۇنا ٷشىن قۇرباندىققا ٴبىر ەشكى الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن، ونىڭ استىق جانە سۇيىق تارتۋىمەن بىرگە اكەلىڭدەر+.
23 ٴتورتىنشى كۇنى 10 جاس بۇقا، 2 قوشقار، ٴبىر جاسار 14 ەركەك توقتى اكەلىڭدەر. ولاردىڭ ەش كەمىستىگى بولماسىن+. 24 وسى بۇقالار، قوشقارلار مەن توقتىلاردىڭ سانىنا قاراي، بەلگىلەنگەن تارتىپكە ساي، استىق پەن سۇيىق تارتۋلارىن ۇسىنىڭدار. 25 سونداي-اق كۇنا ٷشىن قۇرباندىققا ٴبىر جاس ەشكى الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن، ونىڭ استىق جانە سۇيىق تارتۋىمەن بىرگە اكەلىڭدەر+.
26 بەسىنشى كۇنى 9 جاس بۇقا، 2 قوشقار، ٴبىر جاسار 14 ەركەك توقتى اكەلىڭدەر. ولاردىڭ ەش كەمىستىگى بولماسىن+. 27 وسى بۇقالار، قوشقارلار مەن توقتىلاردىڭ سانىنا قاراي، بەلگىلەنگەن تارتىپكە ساي، استىق پەن سۇيىق تارتۋلارىن ۇسىنىڭدار. 28 سونداي-اق كۇنا ٷشىن قۇرباندىققا ٴبىر ەشكى الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن، ونىڭ استىق جانە سۇيىق تارتۋىمەن بىرگە اكەلىڭدەر+.
29 التىنشى كۇنى 8 جاس بۇقا، 2 قوشقار، ٴبىر جاسار 14 ەركەك توقتى اكەلىڭدەر. ولاردىڭ ەش كەمىستىگى بولماسىن+. 30 وسى بۇقالار، قوشقارلار مەن توقتىلاردىڭ سانىنا قاراي، بەلگىلەنگەن تارتىپكە ساي، استىق پەن سۇيىق تارتۋلارىن ۇسىنىڭدار. 31 سونداي-اق كۇنا ٷشىن قۇرباندىققا ٴبىر ەشكى اكەلىڭدەر. ونى كۇندەلىكتى تۇگەل ورتەلەتىن قۇرباندىقپەن، ونىڭ استىق جانە سۇيىق تارتۋىمەن بىرگە الىپ كەلىڭدەر+.
32 جەتىنشى كۇنى 7 جاس بۇقا، 2 قوشقار، ٴبىر جاسار 14 ەركەك توقتى اكەلىڭدەر. ولاردىڭ ەش كەمىستىگى بولماسىن+. 33 وسى بۇقالار، قوشقارلار مەن توقتىلاردىڭ سانىنا قاراي، بەلگىلەنگەن تارتىپكە ساي، استىق پەن سۇيىق تارتۋلارىن ۇسىنىڭدار. 34 سونداي-اق كۇنا ٷشىن قۇرباندىققا ٴبىر ەشكى الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن، ونىڭ استىق جانە سۇيىق تارتۋىمەن بىرگە اكەلىڭدەر+.
35 سەگىزىنشى كۇنى سالتاناتتى جينالىس وتكىزىڭدەر. ەشقانداي ۇلكەن جۇمىس جاساماڭدار+. 36 ەحوباعا ۇنامدى حوش ٴيىس رەتىندە تۇگەل ورتەلەتىن قۇرباندىققا ٴبىر بۇقا، ٴبىر قوشقار جانە ٴبىر جاسار جەتى ەركەك توقتى اكەلىڭدەر. ولاردىڭ ەش كەمىستىگى بولماسىن+. 37 وسى بۇقا، قوشقار مەن توقتىلاردىڭ سانىنا قاراي، بەلگىلەنگەن تارتىپكە ساي، استىق پەن سۇيىق تارتۋلارىن ۇسىنىڭدار. 38 سونداي-اق كۇنا ٷشىن قۇرباندىققا ٴبىر ەشكى الىپ كەلىڭدەر. ونى كۇندەلىكتى تۇگەل ورتەلەتىن قۇرباندىقپەن، ونىڭ استىق جانە سۇيىق تارتۋىمەن بىرگە اكەلىڭدەر+.
39 بەلگىلەنگەن مەيرامداردا+ ەحوباعا ارناپ اكەلىنەتىن وسى قۇرباندىقتاردى تۇگەل ورتەپ ۇسىناتىن+ سەرت جانە ەرىكتى قۇرباندىقتارىڭمەن+، استىق جانە سۇيىق تارتۋلارىڭمەن+، سونداي-اق تاتۋلىق قۇرباندىقتارىڭمەن+ بىرگە اكەلىڭدەر». 40 مۇسا ەحوبانىڭ وزىنە ايتقاندارىنىڭ ٴبارىن يسرايلدىكتەرگە جەتكىزدى.